ثريد عن مفارقة الإختيار🔵
كل ما كان عندنا خيارات اكتر, كل ما كنا غير سعيدين بعد ما اخترنا!!
هل انتو شايفين انه الجملة دي صحيحة؟ وهل سمعتوا عن مفارقة الاختيار؟
ريتويت✔️
كل ما كان عندنا خيارات اكتر, كل ما كنا غير سعيدين بعد ما اخترنا!!
هل انتو شايفين انه الجملة دي صحيحة؟ وهل سمعتوا عن مفارقة الاختيار؟
ريتويت✔️
طبعا للكسلانين الما بحبوا القراية ممكن تشوفوا نفس الكلام في الفيديو دا..
youtu.be
youtu.be
لو مشيت محل وقررت اشتري حاجة معينة، مفترض انه انا اقدر اعمل الحاجة دي صح؟حتى لو لقيت قدامي مليون خيار تاني.. ولكن انا عايز في الاخير يكون عندي حرية الاختيار برضو، لانه حرية الاختيار بتساوي لينا سعادة اكثر صح؟
طيب خليني اوريكم ليه الحاجة دي غلط وليه الخيارات الكتيرة ما بتعني لينا السعادة..
لو سألت أهلك الكبار حتلقاهم بيقولو ليك انه زمان كانو بيمشو المحل و بيشتروا نوع واحد من البناطلين لانه ما كان في انواع كتيرة، كان في نوع ولا نوعين بالكتير..
لو سألت أهلك الكبار حتلقاهم بيقولو ليك انه زمان كانو بيمشو المحل و بيشتروا نوع واحد من البناطلين لانه ما كان في انواع كتيرة، كان في نوع ولا نوعين بالكتير..
وما كانو مريحين شدييييد يعني ولكن الناس اتعودت عليها وكانت رضيانة بالقرار بتاعها...
ولكن الان لما الواحد لما يمشي المحل, بيقعد ساعة عشان يختار بنطلون واحد وبعد دا كلو لمن يمشي البيت بيلقى نفسه غير راضي لانه البنطلون كان شوية ضيق هنا، ولا طويل شديد ولا قماشه ما مريح.
ولكن الان لما الواحد لما يمشي المحل, بيقعد ساعة عشان يختار بنطلون واحد وبعد دا كلو لمن يمشي البيت بيلقى نفسه غير راضي لانه البنطلون كان شوية ضيق هنا، ولا طويل شديد ولا قماشه ما مريح.
مفترض بعد الخيارات الكتيرة دي كلها، الواحد يقدر يختار البنطلون المثالي صح؟؟ ولكن بكون في صوت جوا راسنا، بيقول لينا انه كان مفترض نختار شي تاني، وفي الاخير الواحد بيلقى نفسه زعلان اكتر من خياره مع انه كان عنده خيارات اكتر الليلة مقارنة بي زمان..
الموضوع دا ممكن نقسمه لي 4 افكار رئيسية لي موضوع مفارقة الاختيار، او ليه انت غير سعيد بي خيارك..
أول فكرة هي الشلل او Paralysis:
عارفين احساس لما تمشو مطعم جديد وتشوفو المنيو وتشوفو انه في مليون صنف. وما تعرفو تختارو شنو، وبعدين يجي الجرسون والناس كلها تكون اختارت..
أول فكرة هي الشلل او Paralysis:
عارفين احساس لما تمشو مطعم جديد وتشوفو المنيو وتشوفو انه في مليون صنف. وما تعرفو تختارو شنو، وبعدين يجي الجرسون والناس كلها تكون اختارت..
والجرسون يقبل عليكم وانتو لسه ما عرفتو، الحاجة دي ممكن تكون موترة شديد لي ناس كتار وما بعرفوا يختارو وبجيهم شلل في تفكيرهم وممكن في اللحظة ديك يقولو للجرسون "خليهم اتنين" اشارة لي طلب زول تاني.. او تختارو شي عشوائي عشان تخلصوا من الموضوع!!
يلا فكروا في الحاجة في كل شي تاني، وانتو بتختارو ملابس، افلام، او اي شي.
الفكرة التانية، هي تكلفة الفرصة او opportunity cost:
مثلا لو رجعنا لي سيناريو المطعم، نفرض انكم اخترتو وجبة، لما تجيكم وتشوفو وجبات الناس التانيين في ناس ممكن يبدوا يفكروا طوالي ويتمنوا لو اختارو وجبة تانية
الفكرة التانية، هي تكلفة الفرصة او opportunity cost:
مثلا لو رجعنا لي سيناريو المطعم، نفرض انكم اخترتو وجبة، لما تجيكم وتشوفو وجبات الناس التانيين في ناس ممكن يبدوا يفكروا طوالي ويتمنوا لو اختارو وجبة تانية
بدل دي، والصوت الجوا راسنا بطلع لينا و وبيقول لينا انه كان مفترض تختار الوجبة التانية !! بنكمل الوجبة بدون نفس او بنضطر نطلب واجبة تانية.. وعشان كدا تكلفة الفرصة، ممكن تاخد مننا سعادتنا بخصوص القرار الاخترناه لمن نفكر في الحاجات الما اخترناها..
في ناس مثلا بيقعدوا بالساعات في يوتيوب عشان يحددو حيتشروا ايفون بي اي لون.. وممكن بعدين يكونو محبطين شديد لو مشو المحل، ولقوا اللون الاختاروهو قبلها منتهي وكان لازم يكتفوا او يرضو باللون الاسود المتوفر.
تتذكرو زمان لمن كانت التلفونات بتجي بي لون واحد بس!!
تتذكرو زمان لمن كانت التلفونات بتجي بي لون واحد بس!!
ما كان في زول بيشكي الوقت داك ليه؟ لانو ما كان عندنا خيار!
الفكرة الثالثة: هي تصعيد التوقعات, او escalation of expectation:
لو رجعنا لي مثال البنطلون، الزمن دا في مخنا بنتوقع انه لازم يكون في بنطلون واحد مثالي، ومقاسو مزبوط ولونه حلو وقماشه مرييح من بين كل الخيارات الموجودة دي!
الفكرة الثالثة: هي تصعيد التوقعات, او escalation of expectation:
لو رجعنا لي مثال البنطلون، الزمن دا في مخنا بنتوقع انه لازم يكون في بنطلون واحد مثالي، ومقاسو مزبوط ولونه حلو وقماشه مرييح من بين كل الخيارات الموجودة دي!
كل الحاجات بتؤدي للصوت الجوانا، او لوم النفس! او self blame:
او فكرة ياخي ما كان اختار دا، او انا لييه ما اخترت داك؟؟
طيب جميل فهمنا اسا مفارقة الاختيار، كيف ممكن نستغل المعلومة دي في حياتنا؟
او فكرة ياخي ما كان اختار دا، او انا لييه ما اخترت داك؟؟
طيب جميل فهمنا اسا مفارقة الاختيار، كيف ممكن نستغل المعلومة دي في حياتنا؟
في احيان كتيرة مافي شي مهم بنقدر نقوله عن كيف نختار، لانه حيكون دايما في خيارات كتيرة قدامنا!
ولكن مهم نعرف انه دايما في اغلب مواقف الاختيار البتواجهنا، بكون في نوعين من الاشخاص, Maximizers و Satisfizers..
ولكن مهم نعرف انه دايما في اغلب مواقف الاختيار البتواجهنا، بكون في نوعين من الاشخاص, Maximizers و Satisfizers..
الmaximizers ديل الناس البيقضوا وقت كبييير يفتشو عن كل الخيارات و يفتشوا عن اي معلومة ممكن يلقوها عن الحاجة دي عشان يوصلو لي افضل خيار موجود..
وديل بيمثلوني انا شدييد، بقعد مرات اسبوع اشوف فيديوهات عن مقارنات بين اجهزة واقرا آراء الناس عن المنتج..
وديل بيمثلوني انا شدييد، بقعد مرات اسبوع اشوف فيديوهات عن مقارنات بين اجهزة واقرا آراء الناس عن المنتج..
ولكن مشكلة الناس ديل في احيان كتيرة، انهم بيمروا بي كل المراحل الاربعة القلناها، وبيضيعوا وقت كبير وفي الاخير ممكن يجيهم الصوت المستفز ويكونو غير سعيدين بي خيارهم دا..
الsatisfizers على عكس الmaximizers، هم الناس البيكتفوا بالقرار الما بطال،
الsatisfizers على عكس الmaximizers، هم الناس البيكتفوا بالقرار الما بطال،
او الحاجة البتمشي الحال..
الناس دي بتكون غالبا اسعد بي القرارات البيتخذوها و بيقضوا وقت أقل في عملية الاختيار..
يلا انا اسا ما حقول ليكم انكم تختارو بين الشخصيتين او تبقو satisfizers, الفكرة ما انه نبقى دا ولا دا. ولكن الفكرة انكم تفهموا السياق الممكن تطبقوهو على حياتكم الخاصة..
الناس دي بتكون غالبا اسعد بي القرارات البيتخذوها و بيقضوا وقت أقل في عملية الاختيار..
يلا انا اسا ما حقول ليكم انكم تختارو بين الشخصيتين او تبقو satisfizers, الفكرة ما انه نبقى دا ولا دا. ولكن الفكرة انكم تفهموا السياق الممكن تطبقوهو على حياتكم الخاصة..
مثلا ممكن تبقوا في حاجات معينة satisfizers، ما لازم قبل ما تتفرجوا فيلم تفتشوا وتسالو الناس عنه و تشوفو ماخد ريتينق كم. لا جربوا تكونو عفويين وشوية في الخيارات الما حتفرق كتير، وحتلقوا انه في افلام كثيرة عجبتكم وكانت ماخدة تقييم بسيط والعكس في حاجات كتيرة بتكون عملت ضجة!
لكن لما نجربها بنحس بالاحباط وما بترقى لي توقعاتنا.
وخليكم Maximizers في الخيارات المهمة والغالية والبتفضل معاكم كتير، زي اختيار تخصصكم الجامعي، او مثلا لو عايزين تشتروا عربية، مهم تشوفوا خياراتكم المتاحة وتقارنوا بينها وكويس وتسالوا عنها، لانه دا خيار نتيجتو حتفضل معاكم سنين!
وخليكم Maximizers في الخيارات المهمة والغالية والبتفضل معاكم كتير، زي اختيار تخصصكم الجامعي، او مثلا لو عايزين تشتروا عربية، مهم تشوفوا خياراتكم المتاحة وتقارنوا بينها وكويس وتسالوا عنها، لانه دا خيار نتيجتو حتفضل معاكم سنين!
عشان كدا السياق مهم ومهم نعرف كيف نطبقه على الحاجة القدامنا، ونحاول نوازن ونكون Satisfizers في الخيارات العواقبها بسيطة، و Maximizers في الخيارات المهمة..
ودي هي مفارقة الاختيار!! او السبب البيخلينا اكثر سعادة مع خيارات اقل واكثر تعاسة مع خيارات اكتر..💙
ودي هي مفارقة الاختيار!! او السبب البيخلينا اكثر سعادة مع خيارات اقل واكثر تعاسة مع خيارات اكتر..💙
اكتبوا لي التعليقات, اذا في اختيار معين حسيتو فيهو بالمراحل الاربعة القلناها، ولو الثريد عجبكم ما تنسوا تعملوا لايك وريتويت..
ولو عندكم زول معين دايماً ما بيعرف يختار، منشنوهو تحت وفي أمان الله..💙💙👍🏽
ولو عندكم زول معين دايماً ما بيعرف يختار، منشنوهو تحت وفي أمان الله..💙💙👍🏽
جاري تحميل الاقتراحات...