أول ماسجلت بتويتر .. طلعت لي مساحة صغيرة مكتوب فيها: اكتب سيرتك! يبون أختصر سيرتي وإنجازاتي 26 سنة في سطرين :) .. صعب صراحة .. لذلك قررت أكتب سيرتي في ثريد للتاريخ وعشان محد يسألني من أنت :)
من وين أبدأ؟
ببدأ باسمي اللي وهقني فيه أبوي الله يغفر له .. هذا الاسم اللي ماشاوروني فيه .. وهو بجميع الأحوال أحسن من اسم أخوي (نجر) .. كانت أسامينا محطّة تندّر للمدرسين خاصة الأجانب طوال فترة دراستنا .. حزام ونجر .. مادة دسمة للتنكيت والتنمر :(
ببدأ باسمي اللي وهقني فيه أبوي الله يغفر له .. هذا الاسم اللي ماشاوروني فيه .. وهو بجميع الأحوال أحسن من اسم أخوي (نجر) .. كانت أسامينا محطّة تندّر للمدرسين خاصة الأجانب طوال فترة دراستنا .. حزام ونجر .. مادة دسمة للتنكيت والتنمر :(
من أولى ابتدائي إلى ماختمت الدراسة ماقابلت أحد اسمه حزام في الفصل ولا في المدرسة .. وهنا تحسّ بالوحدة .. تحس إنك غريب كل زميل لي نذكر اسمه واسم أبوه .. أو اسم عايلته إلا أنا وأخوي يكفي يذكرون اسمنا الأول بس وبيعرف السامع من المقصود.
في جلسة مصارحة وحديث عن المستقبل فاتحني أخوي برغبته في تغيير اسمه .. قال إذا خلصت الجامعة بغيّر اسمي لفيصل .. وأنا قلت بغيره لخالد .. ونفتح صفحة جديدة في حياتنا بأسامي معروفة ومتداولة وتناسب عصرنا .. وأخفينا سرنا عن أبوي لايزعل علينا .. الموضوع حساس عنده :)
يوم دخلنا الثانوي .. أمي جابت ولد .. وفرحنا فيه وكنّا نفكر وش بيسميه أبوي .. طبعاً أبوي مايشاور .. ينقي أحد أسماء أجدادنا أو فرسان القبيلة ويسمي عليه .. وابن أمّه يقول الاسم قديم ولا ماهو حلو :(
أخونا الجديد كان جاي بعملية وأمي جالسة بالصالة قالت رح فتش ثياب أبوك شف وش سمّى الولد (لأنه عادة مايعلمنا بالاسم إلا مع التمايم .. يعني نقعد أسبوع ماندري وش اسم أخونا خخ ).
حست بثيابه ولا لقيت شي وفتحت درج السيارة ولقيت ورقة المستشفى فيها اسم لايقل غرابة وقدمًا عن أسمائنا :(
حست بثيابه ولا لقيت شي وفتحت درج السيارة ولقيت ورقة المستشفى فيها اسم لايقل غرابة وقدمًا عن أسمائنا :(
رحت علمت أمي وانصدمت إنّه بعد هالسنين ماتعدل الوضع .. وفي صباح اليوم الثاني جلس معنا بالصالة يتقهوى ويسولف على أمي .. قالت له أمي وش سميت الولد؟ قال باقي أفكر 🤥.. يبي يحطنا أمام الأمر الوقع آخر الأسبوع خخ .. قالت أمي: طلبتك خلني أسميه هذا الظاهر آخر عيالي ماعاد فيني عيال.
وبكل هدوء سألها: وش بتسمينه؟ وكأنه ماسمّى.
قالت: فيصل (على المَلَك) < قصدها المَلِك.
وأبوي بطبعه يحب الشخصيات القويّة .. فكّر شوي .. وقال يصير خير .. وأنا قلت في نفسي راحت عليك يانجر خخخ .. يبيله يدور اسم ثاني إذا وافق أبوي ع هالاسم 😂
قالت: فيصل (على المَلَك) < قصدها المَلِك.
وأبوي بطبعه يحب الشخصيات القويّة .. فكّر شوي .. وقال يصير خير .. وأنا قلت في نفسي راحت عليك يانجر خخخ .. يبيله يدور اسم ثاني إذا وافق أبوي ع هالاسم 😂
وكانت الصدمة في يوم التمايم .. لما أعلن أبوي اسم أخونا الجديد (فيصل) حتى المعازيم استغربوا وتحمّسوا مع هذا التغيّر في نوعية الأسماء بعائلتنا .. شوي وبغوا يصفقون يوم أعلن الاسم 😂😂
شكلي شطحت بكم بعيد عن سيرتي الذاتية .. بس هالموضوع له صلة وثيقة باسمي .. لأنّا بعد ماتخرجنا من الجامعة .. نجر غيّر اسمه لخالد.. وأرسل لي صورة الإعلان.. طبعاً ماعلّم أبوي بالتغيير لين تم عشان مايثنيه عن نيّته .. ومسكته قلت: هذا ماهو اسمي؟ قال أنت غدرت بي واقترح لأبوي فيصل!
مظلوم😩
مظلوم😩
واقترح علي بعض الأسماء كلها ماجازت لي .. وقلت بتأخر بتغيير اسمي أجس النبض وأشوف كيف الوضع مع نجر .. ومع إنه له 4 سنين من يوم غيّر اسمه إلا إننا مانناديه إلا نجر 😂 .. سواء العائلة ولا أخوياه .. مافيه إلا أمي اللي تناديه خالد 💔
عندها اتخذت قراري إني أقعد باسمي دام الناس ماراح تناديني إلا فيه .. حزام حزام .. هذا قدري :(
لعلي في وقت لاحق أكتب لكم شيء من سيرتي الخالدة .. بس هذي نبذة بسيطة عن الاسم للتعريف بمحاكيكم :)
لعلي في وقت لاحق أكتب لكم شيء من سيرتي الخالدة .. بس هذي نبذة بسيطة عن الاسم للتعريف بمحاكيكم :)
جاري تحميل الاقتراحات...