١٢ شعور أعظم من الحب إذا حسيتهن تجاه حدا تأكد أنو الشخص الصح:
1. الايمان، إنك تآمن بكائن بشري متلو متلك بكل صفاتو وبكل تصرفاتو وبكل تفصيلة صغيرة فيه، إنك تسلملو بثقة مطلقة إنك مارح تخيب. هي مرحلة كتير عظيمة من الحب
2. الطمأنينة، لما تحس كل مشاكلك اختفوا لمجرد وجود شخص ما بحياتك..
3. السكينة، اذا كان قادر بكل بساطة يبرد النار يلي بقلبك بنظرة من عيونو.. تمسك بهالشعور لأنك مارح تحسو مرة تاني مع أي حدا غيرو.
4. الأمان، النفسي والمادي، بالزمن يلي أكتر شي صعب علينا نلاقي الأمان..تمسك بالشخص يلي بيعطيك هالشعور بكل جوارحك.
5. الثقة، شعور كتير سهل ينحكى عنو، وكتير صعب إنك تعيشو بشكل كلّي.. إذا كان عندك القدرة تقول لحالك وإنت مقتنع إنك واثق بالطرف التاني وقادر تأمنو عحياتك وأنت مغمض، مافي أي شي قادر يفرقن.
6. الراحة، كتير شي صعب تعيش بعلاقة مليانة تكلف وتوتر، انك تلاقي شخص بترتاح معو وبتتصرف بكل عفوية هي نقطة قوة بعلاقتكن لا تضاهي أي نقطة قوة أخرى.
7. الاكتفاء.. يمكن الأهم على الإطلاق. قناعتك التامة بإنو هالشخص هو أحسن شخص مر و رح يمر بحياتك..ما بتبدلو بكنوز الدنيا..مالي عليك دنيتك وقلبك، مجرد وجودو معك أعظم نعمة حظيت فيا.
8. الحرية، ممكن تعيش حياتك كلا مقيّد بقيود خفية مانك قادر تحددا، وتحس خلاصك باللقاء بهالشخص، ما بتعرف كيف بس هو حررك من حالك.
9. التفاهم.. ما بدو شرح، حتى وقت تختلفو متفقين بطريقةٍ أو بأخرى.
10. السعادة، في أبسط منا؟ نحن منحب لنكون سعيدين..ويلي قادر يسعدك ويرسم بسمة عوجهك هو شخص لا يعوّض.
11. المبالغة، لما تكون إنسان كتير عقلاني و حكيم بس ما تقدر ما تبالغ..بمشاعرك تجاهو مبالغ..بتصرفاتك معو مبالغ..بحكيك عنو مبالغ..حتى بخيالك بتبالغ.. مبالغة العشاق كتير شي محبب إلى قلبي وبستمتع بسماعو.
12. وأخيراً، الإشراق.. كل هالمشاعر السابقة لما تقدر تجمعا وتحس فيا رح تشرق..رح ترتفع..متل الشمس..نفسيتك رح تتحسن.. وشكلك رح يصير أجمل. عالاقل بنظر حالك وهالشي كتير كافي.
شاكرين حسن إنصاتكم.
جاري تحميل الاقتراحات...