دائمًا توصلنا اسئلة واستفسارات من المستجدات والا حابين تخصصنا وحابين يتعمقوا ويعرفوا معلومات اكثر عن ماهية تخصص #التصميم_الداخلي ؟؟ وكيفية الدراسة في #جامعة_جدة #كلية_التصاميم_والفنون ، هنا سأتحدث عنه وعن اشياء تفيد المستجدات 👷🏻♀️ و مرحبًا بكم في عالم التصميم 💙✨ #interiordesign
ايش يعني تصميم داخلي ؟هو دراسة فراغات وتهتمي فيها من ناحية الوظيفة والجمال ولازم تدرسي وتحققي فيها احتياجات رواد هذا الفراغ بناء على سلوكهم داخله ورغباتهم .طبعًا عشان يكون تصميمك اسمى تراعي فيه الاستدامة -البيئة -التكلفة … الخ واهم شي تصميمك يكون لا يؤدي الضرر بصحة وحياة الاشخاص
اثناء مرحلة الدراسة من الطبيعي للشخص يمر بأيام مرهقة و عدم القدرة على استحمال الضغط ( تخصصنا لازم تكوني عندك قدرة عالية على التحمل ) و كل ترم اصعب من الا قبله و امتع طبعًا 🙏🏻✨ و اهم شي تكوني مطلعة على أخر مستجدات التصميم و العمارة و تنسيق الحدائق و كل المجالات المرتبطة بالتصميم
حتمر عليكم اوقات من كثر الضغط في تخصص #التصميم_الداخلي محا تقدروا تناموا و ممكن تتعبوا و ما تذوقوا طعم الراحة بس حطي في بالك هي مو كدة بقية الحكاية لا هذه فقط البداية بعد كدا حتتعودي و حتعرفي تنظمي وقتك اكثر و اكثر و حتنسي كل الم عشيه او الضغوطات اول ما تشوفي النتيجة المشرفة 😍✨
غالبًا التخصص قائم على المقارنات سواء من الأساتذة او الطلاب ،عشان ترتاحي نفسيا و سعي عينك وشوفي دائمًا الجانب الايجابي من كل شي ولا تلتقي للتنمر مثلا او المقارنات السلبية الي محا تساعدك تطوري من نفسك وعملك وتصميمك وعادي حتى لو ما نجحتي اول مرة ولا تاني مرة الا ما حيجي يوم وتنجحي
اجتهدي و حاولي تطوري من نفسك ، محد حيساعدك تطوري من نفسك !! الجامعة عليها فقط ٣٠ ٪ من المعلومات و الخبرات و انت عليك الباقي و هذا الطبيعي لازم الجهد منك انت ، طوري من نفسك اطلعي و اعملي المطلوب اول بأول ابدا لا تراكمي ببساطة نظمي وقتك ولا تفكري باي شي ثاني غير دراستك ⏰
بالنسبة لإختبار القبول فيه قناة جالسين نشتغل عليها انا و تالة @talanazer_ و نجمع فيها كل المحتوى الا يفيدكم عشان تتخطوا باذن الله #اختبار_القبول لقسمنا #التصميم_الداخلي في #جامعة_جدة
ادخلوا على هذا الرابط قناة على التلقرام فيها دورات مجانية خاصة للمستجدات و كل ما يفيدهم لتخطي صعوبات اختبار القبول بجامعة جدة
انقري على هذا الرابط و انضمي لنا يا #مصممة_المستقبل 👷🏻♀️💙 :
t.me
انقري على هذا الرابط و انضمي لنا يا #مصممة_المستقبل 👷🏻♀️💙 :
t.me
و تقدروا تتطلعوا على كتاب دليلك للتصميم الداخلي هنا 😍😍
و كمان ننسأل دائمًا ، هل لازم اعرف ارسم او لا ؟ 📝🖍🖌🖊 الرسم جزء مهم جدًا في تخصصنا خصوصًا اول سنة ونص في التخصص و طبعًا باقي الحياة حتحتاجيه في رسم افكارك حتى لو باسكتشات بسيطة 💁♀️ و اهم شي يكون عندك قابلية على التعلم و التطور المستمر
@DesMeet
@DesMeet
تخصص #التصميم_الداخلي في #جامعة_جدة فقط للعلمي فقط حاليًا يعني لو حابة هذا التخصص لازم ادخلي علمي 🧪 ، الجميل في تخصصنا هو ال(مالا نهاية ) ولاحدود للنجاح به😍وحاولوا دائمًا كل ما تتعلموا شي مفيد تفيده بيه غيركم من اصدقائكم عشان تتبادلوا الخبرات و المهارات وتتطوروا سوا و تتساعدوا
جاري تحميل الاقتراحات...