هل خلاص السودان عدى من أسوأ أيام في الكورونا؟
لما اقول ان ذروة المرض (اليوم اللي حيشهد أكبر عدد من الإصابات وأكبر عدد من الوفيات، بحيث تتناقص الاعداد من بعده تدريجيا حتى نهاية الوباء) لسه ما وصلناهو فالتساؤل المنطقي بكون : عرفت كيف؟
لما اقول ان ذروة المرض (اليوم اللي حيشهد أكبر عدد من الإصابات وأكبر عدد من الوفيات، بحيث تتناقص الاعداد من بعده تدريجيا حتى نهاية الوباء) لسه ما وصلناهو فالتساؤل المنطقي بكون : عرفت كيف؟
مادمت بتنبه دايما انو نحن في الظلام وما عارفين فعليا مدى المرض ولا انتشاره بسبب انعدام الفحوصات تقريبا (العدد الهزيل البنفحصو ده أخير عدمو حرفيا)!
ببساطة فالوباء بنتشر بطريقة يمكن حسابها رياضيا، يعني عبر افتراضات بسيطة واقعية حول عدد السكان ومعدل انتشار المرض بينهم
ببساطة فالوباء بنتشر بطريقة يمكن حسابها رياضيا، يعني عبر افتراضات بسيطة واقعية حول عدد السكان ومعدل انتشار المرض بينهم
وعدد الإصابات والعدوى والشفاء (بإفتراض ان كل زول بيشفى بكتسب مناعه دائمة) فممكن نستنتج بتين حيصل المرض لذروة إنتشاره اللي عندها بكون أصاب العدد الكافي لمناعةالقطيع(حوالي ٦٠٪ في حالة الكورونا)ومنها حتكون فرصو في الانتشار في تناقص تدريجي لحدي يقيف تماما لمايصاب ٩٠٪ تقريبا من الناس.
كل الحسابات دي (ممكن ترجعوا لعدة نماذج وبائية عالمية ومحلية استعرضتها في الصفحة عبر الشهور الفاتت) بتقول انو لو ما حصلت أي مقاومة للوباء بإغلاق او تباعد او كمامات إلخ، فكده حنصل لذروة الاصابة في أسرع وقت، اللي هو ٣ إلى ٦ شهور من زمن إصابة أول ٥٠ مريض في البلد (غالبا نهاية مارس)،
أما إذا تمت اجراءات فحيتأخر الوصول للذروة دي بمقدار فعالية الإجراءات، وطبعا نحن فعليا عملنا اجراءات، وحتى لو كان نجاحها بنسبة ٢٠٪ بس فده كافي (حسب الحسابات) بأن يدفع بزمن الوصول للذروة تاني كم شهر زيادة.
فمن ثم للأسف لسه الأسوأ قدام في الأسابيع والشهور الجاية،
فمن ثم للأسف لسه الأسوأ قدام في الأسابيع والشهور الجاية،
ما عارف بتين بالضبط لان صعب جدا نقدر نقيم مستوى الفايدة من الحظر الفات ده لكمية الفوضى الصاحبتو والاختلاف الواسع في التزام الناس بيهو،
لكن المؤكد انو لسه قدام وانو أي انخفاض حالي في الإصابات لو كان حقيقي فهو مجرد "رخية" بسبب نجاح جزئي في الحظر وحيرتفع تاني زي ما حصل ببقية بلدان العالم 🤷♂️
#متابعات_محمد_قرشي_لكوفيد١٩
#متابعات_محمد_قرشي_لكوفيد١٩
جاري تحميل الاقتراحات...