شكراً جزيلاً على دعواتكم الطّيبة والنقيّة ، ربي لا يريكم مكروه في أنفسكم أو في غالي
في عدة نقاط تكررت فالرسايل الخاصة اللي انهمرت علي وفالردود على الموضوع اللي نزّلته عن تجربتي مع كورونا ..
وحبيت أوضحها في هذا الثريد لإني
- معذرة منكم جميعا - مقدر أرد على كل شخص بسبب انشغالي
في عدة نقاط تكررت فالرسايل الخاصة اللي انهمرت علي وفالردود على الموضوع اللي نزّلته عن تجربتي مع كورونا ..
وحبيت أوضحها في هذا الثريد لإني
- معذرة منكم جميعا - مقدر أرد على كل شخص بسبب انشغالي
1. اللي يسألني عن الوقاية .. اعذروني بس انا معندي شي أضيفه على اللي تعلنه قنوات الإعلام بكل وسائلها ما مقصرين في التوعية ليل ونهار ..
2. اللي يسأل كيف جاني ! انا ما أعرف والله ! لنه طلعاتي من البيت كانت شبه منعدمة (لني أسكن مع جدي وجدتي وأحاتي صحتهم)وأيضا دوامي من البيت من شهر ٣ ما رحت المكتب ، ولما كنت أطلع للضرورة (مرة في الشهر ممكن) أكون بكمّام على طول واستخدم المعقم .. فما عندي جواب لهذا السّؤال .. أعتذر !
3. اللي يسأل وش كنت آكل وأشرب خلال فترة مرضي .. كانت حاسة الذوق والشّم عندي معدومة ، فما كنت أشتهي شي وما كليت اي شي لمدة أيام ونا فالمستشفى ، بس كنت أشرب الماي باستمرار.. وآخر يومين لي هناك بديت اشرب شوربة من عندهم .. وحاليا (انا فالبيت من أسبوع) هالحاستين بدأو يرجعو شوي شوي ..
4. اللي يسأل كيف كانت تجربتي مع المرض .. أليمة جدّا ومُتعبة لكن الحمدلله دائما وأبدا .. معندي شي ثاني أضيفه !
لكن أتمنى تتذكرو كل شخص أعراضه غير تماما .. فياريت أرجوكم تبتعدون عن الأفكار السّلبية .. اذا غيرك تعب ما معناته أنت بتتعب ويصيرلك نفسه - أجسامنا غير وقدرة تحمّلها غير !
لكن أتمنى تتذكرو كل شخص أعراضه غير تماما .. فياريت أرجوكم تبتعدون عن الأفكار السّلبية .. اذا غيرك تعب ما معناته أنت بتتعب ويصيرلك نفسه - أجسامنا غير وقدرة تحمّلها غير !
5. اللي يسألني كيف تعافيت .. تم نقلي للسلطاني بسبب مشاكل التنفس ، وكنت تحت إشراف الدكاترة والممرضين (جزاهم الله خيراً) ٢٤ ساعة .. هم اللي وصفو الأدوية والمضادات ولما وضعي ما تحسّن .. الدكاترة اقترحوا نقل البلازما وهذا أيضا كان بترتيب المستشفى وجهدهم ..
ربي يجزي المتبرّع كل خير
ربي يجزي المتبرّع كل خير
6. اللي يسأل وش يسوي وهو حاليا منصاب ،اخوي/أختي باختصار عزلو نفسكم عن الكل عشان ما تضرّون حد ولا تزيدون عبء عالمستشفيات لنهم والله والله والله ما ناقصين ونا شفت بعيني المرضى الجدد اللي يدخلون كل ساعة في الجناح .. والممرضات من مريض لثاني الصبح وطول الليل وحتى والمرضى نايمين يتابعو
6. تكملة .. واذا حسيتو الأعراض بدت تزيد ممكن تزورون أقرب مركز صحي وينقلوكم للمستشفى إذا الوضع كان محتاج لا سمح الله ..
وترا الأغلب أعراضه خفيييفة ف رجاءاً هونوا على نفسكم ولا تروعو قلوبكم وتفكرو إنه نهاية الدّنيا لنه الفحص طلع پوزتيف .. النفسية أهم شي وهي اللي بتحدد وش يتبعها!
وترا الأغلب أعراضه خفيييفة ف رجاءاً هونوا على نفسكم ولا تروعو قلوبكم وتفكرو إنه نهاية الدّنيا لنه الفحص طلع پوزتيف .. النفسية أهم شي وهي اللي بتحدد وش يتبعها!
7. اللي يقوللي الحين دورك تتبرعي بالبلازما (ولو إنه القلة - ليس الكل طبعا - يخونهم الأسلوب وأتمنى شوي بس لو يحسنوا لباقتهم فالردود ) .. أشكركم على التّذكير وهذا واجبي وما بنساه دام فيني ضمير حيّ .. أول يخف الوهن اللي فيني حاليا وأطلع من البيت بإذن الله أول وجهة لي بتكون للتبرع 🙏🏻
ختاماً ..
حفظكم ربي جميعا من هذا البلاء وأدام لنا هالوطن والقائد اللي أعزّنا وأكرمنا ، وربيّ يقوّي خطوط الدّفاع الأول جميعاً ويرزقهم أجر الجهاد في سبيله .. ويشفي مرضانا ومرضى المسلمين وأفرج عنا جميعا هذه الكربة عاجلاً غير آجل ياربّ .. ✨
حفظكم ربي جميعا من هذا البلاء وأدام لنا هالوطن والقائد اللي أعزّنا وأكرمنا ، وربيّ يقوّي خطوط الدّفاع الأول جميعاً ويرزقهم أجر الجهاد في سبيله .. ويشفي مرضانا ومرضى المسلمين وأفرج عنا جميعا هذه الكربة عاجلاً غير آجل ياربّ .. ✨
جاري تحميل الاقتراحات...