البورصة بالدارجي السوداني
كتير مننا الواحد يسمع عن البورصة او سوق الأوراق المالية، بنشوف في النشرات ارتفع سهم كذا وانخفص سهم شركة كذا، بس ما بتكون فاهمين حاجة وغالبا بنغير القناة لمن نسمع الحاجة دي.
كتير مننا الواحد يسمع عن البورصة او سوق الأوراق المالية، بنشوف في النشرات ارتفع سهم كذا وانخفص سهم شركة كذا، بس ما بتكون فاهمين حاجة وغالبا بنغير القناة لمن نسمع الحاجة دي.
سوق الأوراق المالية من اسمه هو سوق زي اي سوق بس يختلف عن باقي الأسواق انه سوق منظم يعني ما زي سوق الله اكبر، طبعا لمن نقول سوق معناها فيه بايعين ومشترين واكيد ولازم تكون في بضاعة الناس تتعامل فيها
طيب اسواق الاوراق المالية دي شنو وعملوها ليه وبكون فيها منو والبستفيد منها منو؟
نمسكها واحدة واحدة من خلال المثال الحنقوله ده، اتخيل انت واخوانك متشاركين اي واحد برأس مال معين عاملين اسم عمل شغالين مقاولات بناء وتشييد بتمسكوا الارض تتفقوا مع اسيادها تبنوها وتشيدوها،
نمسكها واحدة واحدة من خلال المثال الحنقوله ده، اتخيل انت واخوانك متشاركين اي واحد برأس مال معين عاملين اسم عمل شغالين مقاولات بناء وتشييد بتمسكوا الارض تتفقوا مع اسيادها تبنوها وتشيدوها،
الشغل ماشي معاكم تمام التمام، جا واحد صاحبكم قال ليكم عنده ليكم فكرة انه اسم العمل مفروض تكبروه لأته شغلكم ماشي حلاوة ما شاء الله تبارك الله والناس مبسوطة منكم، ليه ياخي ما تدخلوا في عطاءات كبيرة وتستلموا تشطيب أبراج عالية،
طبعا جوابكم الأول حيكون انو نحن ماعندنا تمويل للشغل الكبير دا ايوا نحن واثقين من شغلنا بس نجيب قروش من وين قدر دا نحن حيلتنا نمسك بيت، شقة، بالكتير طابقين،صاحبهم دا تاني جاهم ونق ليهم كتير في الموضوع دا، قالوا نقعد ونشوف الحاجة دي هل بنقدر عليها
اول شي فكروا فيه انهم يمشوا البنك بتاعهم ويقولوا ليهم دايرين تمويل وقرض بمبلغ كبير، تاني اتذكروا صاحبهم العمل كدا ورهن للبنك عقارات وبيوت وفي النهاية دخل السجن لانه ما قدر يلتزم بالاقساط
اها الشباب ديل يعملوا شنو وهم دايرين يوسعوا شغلهم وطموحهم عالي، لقوا اعلان عن سوق الأوراق المالية انه عن طريق البورصة تقدر تمول مشاريعك، طوالي اتصلوا وقالوا ليهم دايرين معاكم اجتماع.
في الشرح قالوا ليهم البورصة دي بتمول ليكم مشاريعكم تمويل غير مسترد
في الشرح قالوا ليهم البورصة دي بتمول ليكم مشاريعكم تمويل غير مسترد
براحة براحة كيف غير مسترد يعني، ببساطة يعني ماحترجعوا القروش للناس الحيمولوكم، يازول انت متأكد، ايوا متأكد طيب اها وتاني قال ليهم انتوا عندكم شركة قالوا ليه اسم عمل، تمام تمشوا طوالي تحولوه لشركة في المسجل التجاري وتحسبوا قيمة الشركة كلها اثاثات معدات، لودرات،اراضي،اي حاجة عندكم
تقيموها وتجيبوا محاسب، قاطعوه، يازول نحن عندنا إدارة حسابات عديل كمان، تمام شديد بعد ما تقيموا حاجاتكم تمشوا تقدموا طلب لإدارة البورصة انكم دايرين تحولوا شركتكم دي لشركة مساهمة عامة.
طيب يا خينا لحدي حسي ما قلت لينا التمويل حنجيبوا من وين؟
طيب يا خينا لحدي حسي ما قلت لينا التمويل حنجيبوا من وين؟
طيب بعد ما تمشوا لإدارة البورصة حيطليوا منكم أوراق تملوها وتحسبوا راس مالكم في شكل أسهم يعني او راس مالكم مليون جنيه حتحولوه لاسهم يبقى مليون سهم لو اتفقتوا انه السهم بتاعكم يكون بي جنيه واحد، بعدها تحسبوا مساهمة كل واحد فيكم يعني انت عندك 500 سهم ودا عندو 2000 سهم وكدا
الكلام دا كلللو وناس إدارة البورصة حيكونوا متابعين معاكم وكله بإشراف منهم بعدها حيدوكم فورمات تملوها ورقة اسمها نشرة الإصدار دي عاملة زي البروشور بتاع الشركات بس فيه طابع قانوني انتوا منو وشركتكم شغالة شنو وانجازاتكم شنو وخططكم لقدام شنو يعني بالدارجي كدا تعرضو شركتكم للناس
نعرضها يعني نبيعها؟ ، لا ما تبيعوها بس تدخلوا ناس يشاركوكم في الشركة، انتوا مش دايرين تمويل قال ليه ايوا، قال ليه طيب التمويل من خلال البورصة يعني يدخلوا معاكم شركاء يشاركوكم في الربح والخسارة بطريقة قانونية واشراف من السلطات المختصة
لأنه لو براكم كده ما بتقدروا تعموا حاجة واليد الواحدة ما بتصفق، وفي ناس كتاااااار عندهم مدخرات حتى ولو شوية بس دايرين يستثمروها ويجيبوا أرباح بس ما لاقين ناس يشاركوهم.
اها نشرة الإصدار القلناها دي بعد ما تعملوها تزبطوا ليها اعلانات كاااربة في الجرايد والقنوات والاذاعات، انه شركة كدا فاتحة أسهم للاكتتاب العام للجمهور ، اي زول عنده قروش مدخرها داير يستثمرها ولو بسيطة حيجيكم ويسمع منكم لو اقتنع بشغلكم حيشتري أسهم في الشركة
وبي كدا الناس والشركات ممكن يشتروا أسهم شركتكم وخلال زمن بسيط تقدروا تجمعوا التمويل الانتوا محتاجين ليه وطوالي تنفذوا بيه مشاريعكم و تدخلوا في عطاءات كبيرة وتبنوا أبراج، واي زول دفع قروش في الاكتتاب لازم يلقى ربح لو الشركة حققت ربح في نهاية السنة ويتوزع اي زول حسب مساهمته
طيب لو في واحد من الجماعة ديل داير يبيع اسهمه في شركتنا دي، طوالي تقول ليه امشي البورصة واللي فيها شركات مدرجة زي بتاعتنا دي كتيييرة والناس هناك تبيع وتشتري. في نظام البورصة ما بتقدر تتعامل براك، الا عن طريق شركة وساطة مالية او بقولوا ليها شركات وكالة مالية
دي بس اللي ممكن تتعامل ليك في البورصة وما تخاف ديل ما سماسرة يعني ما ممكن يضربوك ويغشوك لانه إدارة البورصة هي الرقيبة عليهم وبتراقب شغلهم اول بأول وهي البتديهم رخصة الوكالة بالبيع والشراء وهم اكتر ناس يعرفوا السوق ويعملوا ليك تحليلات وبفتشوا ليك الشركات الرابحة.
انتوا كشركة لازم تعملوا اجتماع سنوي بقولوا ليه اجتماع الجمعية العمومية للشركة، واللي هو اجتماع لجميع المساهمين في الشركة تشرحوا ليهم عملتوا شنو وربحتوا ولا خسرتوا بنيتوا كم عمارة وكم برج اي تفاصيل مالية وادارية عن الشركة بستعرضوها في الاجتماع ومن حق أي مساهم يقول العايزو باحترام
طيب دايرين نسألك، بنشوف في الاخبار أسهم خضراء واسهم حمراء، ديل شنو؟
تمام دا سؤال ممتاز، يلا الشركة لمن يدرجوها في البورصة تبقى اي زول يقدر يشتري اسهمها، وسهم الشركة بتاثر بنشاط الشركة واخبار الشركة يعني لو الشركة ربحت أرباح كتيرة وخشت في شراكات ممكن السهم يرتفع حسب العرض والطلب
تمام دا سؤال ممتاز، يلا الشركة لمن يدرجوها في البورصة تبقى اي زول يقدر يشتري اسهمها، وسهم الشركة بتاثر بنشاط الشركة واخبار الشركة يعني لو الشركة ربحت أرباح كتيرة وخشت في شراكات ممكن السهم يرتفع حسب العرض والطلب
وكدا بتلقى لون سهم الشركة مخضر باللون الاخضر يعني سعر سهم الشركة دي ارتفع لو قارنتو مع السعر بتاع امبارح، والعكس لمن الشركة تكون فيها خسائر واخبار ما كويسة سعر السهم ينزل وتلقاه باللون الأحمر ودا كله زي ما قلنا تحت مراقبة و إشراف إدارة البورصة.
اشرح ليك تاني الحتة دي، حاليا أندية كرة القدم الكبيرة في العالم بتكون شركات مساهمة عامة ومدرجة في بورصات، بأبسط شي لو الفريق فاز مثلا بالدوري احتمال كبير سعر سهمو بزيد في البورصة وممكن ويرتفع شديد ولو الفريق ده خسر مباريات كتيرة غالبا حتلقي سعر السهم بتاعو نزل في البورصة
اديك حاجة تبسط كمان، ممكن عادي بموافقة جميع المساهمين تعملوا اكتتاب تاني وتالت ورابع تزيدوا بيه راس مال الشركة لأقصى رقم ممكن تتخيله، وتاني يجوكم ناس شركاء ومستثمرين دايرين يخشوا معاكم لأنها وقتها شركتكم بتكون في العلالي وتكون بقت مشهورة وكبيرة
جاري تحميل الاقتراحات...