من القديم المتجدد
ياكثر ماقالوا عن العرف والجاه 
وياكثر ماصاغوا عليه المعاني
كثرت علينا فالمراجل  ملالاه
ما كنه إلا  جنة الله عياني
كلن يعجنه ثم يهتّه مهذراه 
وكلن يقول ويدعي باللسانج
أحدن بطرقه يبدع القاف مبناه
واحدن هشيره واحد فيه الهواني
ماجد الصبحي
يتبع1

وأحدن على عرشه تربع بمركاه  
واحدن وضيعن بانحطاط المكاني
واحدٍ لعين وشوفة الله تقداه  
واحدٍ ورى المثاني هو علم ثاني
أحدٍ بجاه ابوه وذكره له الجاه   
 واحدٍ  لذكر ابوه يححيه عاني
واحدٍ بهيمه كنه العنز والشاه      
واحدٍ ملك  منطق وسحر البياني
ماجد الصبحي
يتبع2

واحدٍ جهيمه للبشوت المضفّاه 
جهمة  بعير  وعقل  ورعٍ  بثاني
المرجله ماهي في ذره ولا نواه 
ولاهي بفك رموز  من غمغماني
المرجله فالصدق صدقك مع الله 
واخلاص نيه ماتزعزع ثواني
المرجله للوالدين تنذل ذلاه 
باقدامهم منصب ورفعه وشاني
ماجد الصبحي
يتبع3

والمرجله سماحة نفس وملاقاه 
ولاهي مهايط  شعر  فالهيلماني
وجه بشوش وبالبساطه محلّاه 
ونفوس شفافه ولو هي تعاني
سو الفهم معول يبيّن بفحواه 
سريع  مفعوله  بلحظة ثواني
عند المشاكل يكشف الرجل وسواه 
ويبين  اللحيه  وصدق الايماني
ماجد الصبحي
يتبع4

بعض البشر  يعجبك هرجه ومبداه
       وعند المخاصم  فالعداوه مفاني
صلوا على المبعوث رحمه ومنجاه   
          نبينا المبعوث عد الثواني
ماجد الصبحي
ابوعبدالملك