جربت تشتغل في شركة كـ #محاسب واكتشفت انه ماعندهم قسم مُحاسبي نهائي ؟
تبي تطبق شغل الجامعة بس ماتدري من وين تبدأ ؟
اتبع الخطوات في هذا الـ #ثريد

-١-
حدد نشاط الشركة، هل هي خيرية أو حكومية أو تجارية ؟
وإذا تجارية هل هي خدمية أو تبيع منتجات ؟ وهل المنتجات تحتاج لمخزون وطرق للحفظ معينه وقوائم توريد ؟
"تعلم دورة حياة المنتج الي تبيعه الشركه قبل تبدأ حساباتك بالكامل"

-٢-
تجميع المستندات والفواتير لأي عمليات في الفترة الماضية، اسأل وابحث وجمع كل ورقة ممكن تفيدك بوصف أي حالة عملية ماليه، ونفس الشيء بالايرادات .. مرحلة جمع المعلومات المُشتته السابقة 😉💪🏻

-٣-
اطبع كشف البنك وقارنه مع المستندات الي جمعت بيظهر لك ثلاث حالات:
- عمليه لها فاتوره وموجوده بالبنك "مثبته😍"
- عمليه مالها فاتورة وموجوده بالبنك "ابحث عن تفاصيلها ووين راحت واثبتها"
- عمليه مو موجوده بالبنك ولا فاتوره ولكن انصرفت فلوس "اصدر لها فاتوره داخليه واعتمدها"

-٤-
خلصت مرحلة تجميع الشتات السابق، الآن انطلق بالترتيب وعمل القوائم وترتيبك كالتالي:
- قيود يومية ثم قائمة مركز دخل
ولا تنسى تسوي ملفات بالتفاصيل هذي:
- مسير رواتب وقائمة مخصصات وقائمة تتبع النقد وقائمة الأصول، وقائمة تسديد الالتزامات ان وجدت
وتابع بشكل يومي وبالتوفيق 😍👍🏻