غنى عبدالله الصريخ أغنية ( الألفية ) من كلمات الشاعر حمد المغيولي وكانت بالحروف الأبجدية كاملة ( أترككم معها )
قال بحرف ال ( أ )
الفين اولف من عجايب زمانـي
قافٍ يشوق مصرفين المعانـي
مدام لي شف من بعيد ودانـي
(ما جاء على بالي نطق به لساني )
الفين اولف من عجايب زمانـي
قافٍ يشوق مصرفين المعانـي
مدام لي شف من بعيد ودانـي
(ما جاء على بالي نطق به لساني )
وقال بحرف ( ب )
والباء بديت القيف وابديت ماخفيت
اسباب من ما شفت بالعين واريت
ياليتني مع سوق مستور ما جيـت
(رديت مقفـي لا تعـدى مكانـي )
والباء بديت القيف وابديت ماخفيت
اسباب من ما شفت بالعين واريت
ياليتني مع سوق مستور ما جيـت
(رديت مقفـي لا تعـدى مكانـي )
وقال بحرف ( ت )
التاء ترا ماجاء على العبد مقسوم
خيره وشره بين حجاه مرسـوم
لا شك ذا معطى وهذاك محروم
(وانا من التوفيق حظـي رمانـي )😢
التاء ترا ماجاء على العبد مقسوم
خيره وشره بين حجاه مرسـوم
لا شك ذا معطى وهذاك محروم
(وانا من التوفيق حظـي رمانـي )😢
وقال بحرف ال ( ث )
الثاء ثبت عندي ولا به روايـة
ان الهوى والحب سبة عمايـه
لا وآعناي من الهوى وآعنايـه
(بالصاحب اللي قل شوفه براني)🥺
الثاء ثبت عندي ولا به روايـة
ان الهوى والحب سبة عمايـه
لا وآعناي من الهوى وآعنايـه
(بالصاحب اللي قل شوفه براني)🥺
وقال بحرف ال ( ج )
الجاء جحدت الحب والحب غربال
جرحه عميق وجارح الحب سلال
والناس ما يدرون وش علة الحال
(وانا جروحي من سخيف المثانـي)💔✋🏻
الجاء جحدت الحب والحب غربال
جرحه عميق وجارح الحب سلال
والناس ما يدرون وش علة الحال
(وانا جروحي من سخيف المثانـي)💔✋🏻
وقال بحرف ال ( ح )
الحاء حرمني لذة النـوم فرقـاه
الصاحب اللي حملن حمل ما قواه
ياليت كلـن ساكـنٍ مـاه بلـزاه
(ولا عنيـت لصاحبـي ماعنانـي)
الحاء حرمني لذة النـوم فرقـاه
الصاحب اللي حملن حمل ما قواه
ياليت كلـن ساكـنٍ مـاه بلـزاه
(ولا عنيـت لصاحبـي ماعنانـي)
وقال بحرف ال (خ)
الخاء خفيف الـدم قصـده يجازيـن
عن ما مضى من عشرته يوم هو زين
واليوم يوم العين قرنت علـى العيـن
(جـازان بالسيـات عقـب الحسانـي )😢
الخاء خفيف الـدم قصـده يجازيـن
عن ما مضى من عشرته يوم هو زين
واليوم يوم العين قرنت علـى العيـن
(جـازان بالسيـات عقـب الحسانـي )😢
وقال بحرف ال ( د )
الدال دريت بغايته وش مرامه
عرفت مقصوده بلهجة كلامه
يبين اجر النوح مثل الحمامـة
(وأجاوب الورقات جر الغواني)
الدال دريت بغايته وش مرامه
عرفت مقصوده بلهجة كلامه
يبين اجر النوح مثل الحمامـة
(وأجاوب الورقات جر الغواني)
وقال بحرف ال ( ذ )
الذال ذابحني همـه وكيـده
همه كبير وكل يوم يزيـده
اللي طعونه بالضماير جديدة
(له مخطر بالكبد حرّه كواني )
الذال ذابحني همـه وكيـده
همه كبير وكل يوم يزيـده
اللي طعونه بالضماير جديدة
(له مخطر بالكبد حرّه كواني )
وقال بحرف ال ( ر )
الراء ربيع القلب ذكـره وشوفـه
حتى ايش لو طالن من اجله كلوفه
ابتصبر كـود يجلـى الحسوفـه
(وابرد غليلي من غصين الليانـي )
الراء ربيع القلب ذكـره وشوفـه
حتى ايش لو طالن من اجله كلوفه
ابتصبر كـود يجلـى الحسوفـه
(وابرد غليلي من غصين الليانـي )
قال بحرف ( ز )
والزاء زريف الطول غضة ىْهودة
لا بالقصيـر ولا دقـاق طويلـة
لا وآعذابي من طويـل الجديلـة
(جدد كواي بالضلـوع المحانـي ) 😅
والزاء زريف الطول غضة ىْهودة
لا بالقصيـر ولا دقـاق طويلـة
لا وآعذابي من طويـل الجديلـة
(جدد كواي بالضلـوع المحانـي ) 😅
وقال بحرف ( س )
والساء سهوم الحب ماهي خفيـة
دايم صويب الحب عينـه شقيـه
لـو قلـت مابـه علتـه باطنيـة
(كني غضيض الغلث والحيل واني)
والساء سهوم الحب ماهي خفيـة
دايم صويب الحب عينـه شقيـه
لـو قلـت مابـه علتـه باطنيـة
(كني غضيض الغلث والحيل واني)
وقال بحرف ( ش )
والشين شوفي له عذاب بلا خير
حير قدم رجلي عن السير لاسير
والكبد عسكر به ثلاثة مساميـر
(ولأحدٍ يقول أخطيت يا مودماني)
والشين شوفي له عذاب بلا خير
حير قدم رجلي عن السير لاسير
والكبد عسكر به ثلاثة مساميـر
(ولأحدٍ يقول أخطيت يا مودماني)
وقال بحرف ( ص )
الصاء صويب الحب خطر على الروح
جرحه جرح روحي وأنا قبل مجروح
ياقاتل المغـرم تـرا منـت مسمـوح
(تركـض علـى قتلـي عيانـاً بيانـي)😖
الصاء صويب الحب خطر على الروح
جرحه جرح روحي وأنا قبل مجروح
ياقاتل المغـرم تـرا منـت مسمـوح
(تركـض علـى قتلـي عيانـاً بيانـي)😖
وقال بحرف ( ض )
الضاء ضدي ما يسوي سوايـاك
يرمي على همش الخبر بس مناك
ولا انت جارحني بحبك وبلـواك
(ليت الولي في عشرتك ما بلاني)🥺💔
الضاء ضدي ما يسوي سوايـاك
يرمي على همش الخبر بس مناك
ولا انت جارحني بحبك وبلـواك
(ليت الولي في عشرتك ما بلاني)🥺💔
وقال بحرف ( ط )
الطاء طويت الياس من شفت خلي
لاهوب جافيني ولا صافـيٍ لـي
وأنا عذرت من الدلـع والتغلـي
(يكفين من طرد الهوى ما وطانـي)
الطاء طويت الياس من شفت خلي
لاهوب جافيني ولا صافـيٍ لـي
وأنا عذرت من الدلـع والتغلـي
(يكفين من طرد الهوى ما وطانـي)
وقال بحرف ( ظ )
الظاء ظروف الوقت ترمي بأهلها
طاوعت عينٍ مغرمه في عملهـا
أيام روحي داويـه فـي جهلهـا
(واليوم عنّيت الفـرس بالعنانـي)
الظاء ظروف الوقت ترمي بأهلها
طاوعت عينٍ مغرمه في عملهـا
أيام روحي داويـه فـي جهلهـا
(واليوم عنّيت الفـرس بالعنانـي)
وقال بحرف ( ع )
العين عذلت النفس عن عشرة الناس
ما شفت من طرد المقفين نومـاس
من لا يسّوس قصر حبه على ساس
(لا بـد ماياقـع رفيـع المبـانـي )
العين عذلت النفس عن عشرة الناس
ما شفت من طرد المقفين نومـاس
من لا يسّوس قصر حبه على ساس
(لا بـد ماياقـع رفيـع المبـانـي )
وقال بحرف ( غ )
الغين غبت وغاب عني خياله
ماعاد يطري لي غلاه ودلاله
كلٍ يبي يمشي على شف باله
(لا صار ماشانه يوافق لشاني )
الغين غبت وغاب عني خياله
ماعاد يطري لي غلاه ودلاله
كلٍ يبي يمشي على شف باله
(لا صار ماشانه يوافق لشاني )
وقال بحرف ( ف )
والفاء فضحنـي بالتـردد ولا فـاد
همي عليه الرجل مسـداد مـرداد
من عند بابه مير حتى ايش وش عاد
(لا صار مالي من نمـى البردقانـي)
والفاء فضحنـي بالتـردد ولا فـاد
همي عليه الرجل مسـداد مـرداد
من عند بابه مير حتى ايش وش عاد
(لا صار مالي من نمـى البردقانـي)
وقال بحرف ( ق )
القاف قلت من التردد بـلا فـود
عيب ومن ما يلحق الرجل منقود
واللي يعرف النقص ويثمن الزود
(يصبر على حد القسى والليانـي)
القاف قلت من التردد بـلا فـود
عيب ومن ما يلحق الرجل منقود
واللي يعرف النقص ويثمن الزود
(يصبر على حد القسى والليانـي)
وقال بحرف ( ك )
الكاف كفاني مـا فجعنـي وعنـان
من عشرة اللي عقب عرفه تناسان
خان الزمان وبدل الود هجـران
والعلم لو ان تجهله مـا خفانـي
الكاف كفاني مـا فجعنـي وعنـان
من عشرة اللي عقب عرفه تناسان
خان الزمان وبدل الود هجـران
والعلم لو ان تجهله مـا خفانـي
وقال بحرف ( ل )
واللام لومي عقب ماقفيت منـا
كاني على فرقاه جريـت ونّـا
بالعين ابو قلب الى اقفى يحنـا
(لا من بني عمي ولا من عواني )
واللام لومي عقب ماقفيت منـا
كاني على فرقاه جريـت ونّـا
بالعين ابو قلب الى اقفى يحنـا
(لا من بني عمي ولا من عواني )
وقال بحرف ( م )
والميم مالي عقب شفت المملـه
ارضى على نفسي بالعناء والمذلة
لأنصك بـابٍ يفتـح الله محلـه
(لااقفى شهر شعبان هل رمضاني)
والميم مالي عقب شفت المملـه
ارضى على نفسي بالعناء والمذلة
لأنصك بـابٍ يفتـح الله محلـه
(لااقفى شهر شعبان هل رمضاني)
وقال بحرف ( ن )
والنون نامت واسفهلت عيونـي
طويت ياسي واستراحت شطوني
ما قـول وآعـزاه لا وآغبونـي
(حقٍ علي اخفي وليـف جفانـي)
والنون نامت واسفهلت عيونـي
طويت ياسي واستراحت شطوني
ما قـول وآعـزاه لا وآغبونـي
(حقٍ علي اخفي وليـف جفانـي)
وقال بحرف ( هـ )
الهاء هني اللي مريحٍ ومبسـوط
ولا عذاب الحب شوط باثر شوط
دام الهوى ياهل المودة هوى نوط
(ما ظنتي عشـرة تشـد الثمانـي)
الهاء هني اللي مريحٍ ومبسـوط
ولا عذاب الحب شوط باثر شوط
دام الهوى ياهل المودة هوى نوط
(ما ظنتي عشـرة تشـد الثمانـي)
وقال بحرف ( و )
والواو وسيع العرف ينكس الا شاف
صدق وجفاء ومظاهره غير مجناف
ياقلب ياللي من عناء الوقت ينـلاف
(أصفح إلى شفـت الدهـر قلبّانـي)
والواو وسيع العرف ينكس الا شاف
صدق وجفاء ومظاهره غير مجناف
ياقلب ياللي من عناء الوقت ينـلاف
(أصفح إلى شفـت الدهـر قلبّانـي)
وقال بحرف ( ي )
والياء يعين الله على العدل والميل
عبد عذر اعذر من القول والقيل
يارب حسن الخاتمة والتساهيـل
(وانك على درب الصلاح تهداني)
والياء يعين الله على العدل والميل
عبد عذر اعذر من القول والقيل
يارب حسن الخاتمة والتساهيـل
(وانك على درب الصلاح تهداني)
( نهاية )
تمت وصلوا عدد مختلف الازهار
على النبي الهاشمي سيد الابرار
وآله وصحبة عد ماهب وإنـدار
(نسم الهوى شرق وشمال ويماني)
تمت وصلوا عدد مختلف الازهار
على النبي الهاشمي سيد الابرار
وآله وصحبة عد ماهب وإنـدار
(نسم الهوى شرق وشمال ويماني)
جاري تحميل الاقتراحات...