ايش رايكم بالجلسة؟ عجبتني! تنفيذها سهل وتكلفتها راح تكون قليلة؛ راح امشي معاكم خطوة خطوة لتنفيذها:
١- الارضيه ممكن تركيب المربعات الجاهزه؛ موجوده عند ايكيا بسعر اغلى شوي او محلات الهزازي وسعرها مقبول؛ فيه منها خشبي ومنها بلاستيك قوي وهو افضل علشان الغسيل (لا تنسون فتحة التصريف
١- الارضيه ممكن تركيب المربعات الجاهزه؛ موجوده عند ايكيا بسعر اغلى شوي او محلات الهزازي وسعرها مقبول؛ فيه منها خشبي ومنها بلاستيك قوي وهو افضل علشان الغسيل (لا تنسون فتحة التصريف
٢- حوض النبات او الجدار الخلفي: ممكن تنفيذه بالف طريقة لكن اسهل وأسرع طريقة جدار من حبات الطوب الصغيره والاسمنت حتى بدون تليس ودهان؛ ويطلع إبداع مثل الصورة المرفقة طبعا قيمة كيس الاسمنت كامل ١٢ ريال ؛ وقيمة الطوب الحجم هذا ١.٥ الى ٢ ريال الحبه
٣- احواض النباتات: ممكن تحطون احواض البلاستيك حسب الحجم وحسب المسافة الي تناسبكم داخل الفراغ بعد ماتبنون الجدار؛ ثم تعبون الفراغ حول الحوض بالأحجار او الرمل علشان تثبت والى المستوى الى تحبون؛ تلقون الاحواض عند محلات النباتات الى على الشوارع قيمة الحوض من ٢٠ الى ٢٥ ريال
٤- زراعة الحوض (التصريف): اهم شي تحسبون حساب تصريف الماء واذا مافي إمكانية! تحطون حجار حجمها كبير أسفل الحوض قبل ماتحطون التربة الزراعيه علشان ما تعفن النبتة لو زادت المويه؛ لكن المفروض انكم تعملون حسابكم عند الري و ماتبالغون؛ قد حاجة النبته فقط؛ وتقدرون تبحثون علشان تتعلمون الري
٥- زراعة الحوض ( التربه): افضل خليط للزراعة وموجود عند محلات الزراعة الى موجوده على الشوارع في كل مكان واسعارها مقبولة ورخيصة ؛ قيمة الكيس من بين ١٠ الى ١٥ ريال ويكفي الكيس تقريبا ٦ احواض متوسطة الحجم ؛ تحتاج كيس من كل نوع وتخلط التربه مع بعض وبعدين توزعها في الاحواض
٦- زراعة الحوض (النبتات): لازم تختار النبتات حسب المكان، هل فيه شمس طول اليوم؟ هل الشمس توصل نص اليوم؟ هل المكان ظل طول اليوم وهكذا... هل تبون خضار فقط ولا تبون زهور، ولا تبون ثمار وهكذا؛ طبعا يختلف سعر النبته حسب حجمها ونوعها، فيه الرخيص وفيه الغالي لكن بالمتوسط ٥٠ الى ١٠٠ ريال
٧- الجلسة: طبعا لازم تكون تتحمل الغبار والحراره والمطر علشان ما تضطرون تدخلون وتطلعون؛ افضل نوع هو الخيزران لكنه غالي، وفيه بلاستيك قوي يعطي شكل الخيزران وممتاز ويتحمل الطقس الخارجي؛ طبعا الأسعار متفاوته، لكن تلقونه ارخص في العويس او الفيصليه والمتوسط السعر من ٥٠٠ - ٨٠٠ حسب الحجم
٨- تلطيف الجو: ممكن لو الجو حار شوي؛ تقدرون تستخدمون المكيفات الصحراويه المتنقله؛ سهل تعبئتها بالمويه وتعطي جو لطيف ومنعش لكم وللنبات؛ يمكن تكون مشكلتها الصوت العالي لكن بالعموم مقبول؛ تقدرون تلقون المكيف بأشكال وأنواع مختلفه وبأسعار متفاوته بداء من ٣٠٠ ريال؛ حسب الحجم والقوة
٩-الاضاءه: لو حابين الجلسه تصير رومانسيه ممكن اضافة الاضاءه؛ اذا فيه امكانية للتمديد الدائم يكون افضل؛ ويستخدم شريط الانارة الليد بالمتر علشان يعطي منظر جميل بالليل؛ ويقص على حسب الطول المرغوب؛ لكن في حال عدم إمكانية وجود مصدر كهرباء ممكن يستخدم شريط البطارية، متوسط السعر ٥٠ ريال
١٠ - ان شاء الله اكون افدتكم يكفي تقدرون تسوون جلسة خارجية بأسهل الطرق وبأقل الأسعار وتحت صورة ثانية لجلسه بسيطة لأخذ الفكرة ومحاكاتها ... اتمنى لكم حياه سعيده
الى سئلوا عن طريقة الري بحط لكم هذا المرجع ... للامانه منقول لكن ان شاء الله ينفعكم... بالتوفيق
@Rattibha ...لو سمحت راتبها... مع الف شكر
جاري تحميل الاقتراحات...