اللهم صل وسلم على نبينا محمد.
السلام عليكم راح احط ثريد بسيط عن عملية الليزر للعيون " تصحيح النظر " ادري مافي احد يتابعني كثير بس لو واحد يستفيد بيكون شيء كويس 🤷🏻♂️
بسم الله نبدأ طبعاً ما أخفيكم من زمان بسوي عملية تصحيح النظر وأرتاح من مشاكل النظارات والضباب والخ ودورت مراكز كثيره لين بحثت بقوقل ماب وكنت اشوف تعليقات الناس عن المراكز وحصلت مركز فيجن التخصصي للعيون ببريده @VisioncenterQ
حجزت عندهم موعد عن طريق الواتس حقهم وبعد ايام جاء موعدي ورحت للمركز وما أخفيكم انبهرت بالمركز وحتى مافي تاخير والاسقتبال كان جميل جداً وأخلاقهم عاليه ومافي تاخير بالموعد او بهذله وسويت فحص كامل للعيون والقرنية والحمد لله فحوصاتي كانت سليمه 👍🏼
وقت الفحص قابلت الدكتور الاستشاري الرائع منصور المحيميد @MAlmohaimeed وشاف فحوصاتي وقال لي افضل شيء راح نسوي لك عملية الليزر السطحي أمنه ومناسبه لعيونك وقلت توكلنا على الله
بعد اسبوع بتاريخ 11/2 هـ سويت العملية وقبل العملية قطروا بعيني قطره فيها بنج موضعي وعيني كانت ثقيله ولين دخلت للعمليه ما اخذنا 10 دقائق او اقل يمكن وحط بعيوني عدسات حماية للعين وخلصنا
والحمد لله مافي اي الم بالعملية مع اني كنت متوتر وقتها وتعبت الدكتور شوي معي😅 المهم بعد العملية عطوني القطرات ونظارة شمسيه والدكتور ما قصر كان يشرح لي كل شيء عن القطرات والتعليمات بعد العملية واول يومين عانيت بعيوني كان فيه شعر او تراب ودك تحكهم بس ماتقدر
طبعاً كنت استخدم القطرات بس الالم والحكه موجوده لين اكلت مسكن وعدت الامور على خير وكان النظر ما رجع زين لين الحين كل ماله يرجع بالتدريج ولله الحمد كل يوم يصير افضل
اي احد عنده استسفار يكتبه تحت وراح اجاوبه حسب معرفتي فقط والله يشافي الجميع والفكه من النظارات عيد والله وحافظوا على عيونكم هذا ثريد مشي حالك بس عاد هذا اللي طلع معي 😂❤️🙏🏼
من الاستعجال نسيت لا اكتب سعر العملية وسعرها 4285 ريال مع الفحص وكل شيء وترا ذا ماهو اعلان ولا احد منهم طلب مني مدح بس حبيت اكتب هالتغريدات علشان اللي م صمل يصمل ويسويها ويرتاح..
جاري تحميل الاقتراحات...