🙈😂سؤال وجواب😂🙈
السؤال:
ايه سر انجذابنا التام لشخص ما متعرفش عنه غيرى اسمه تقريبا؟ وهل ده مجرد فضول انك تعرف شخصيته؟
الجواب:
بيقولوا في علم النفس إن دي نظرية اسمها "الطرح" transference واللي بيحصل فيها إنك بتروح لشخص من غير ما تحس وبشكل غير واعي تقوله..

صباح الخير انت فيك حاجات شبه حد اعرفه، والحد ده كنت بحبه وبحب فيه صفات حلوة كتير، بس غالبا الدنيا مظبطتش معانا، يمكن يكون النصيب ويمكن يكون الحد ده كان اصلا اكبر منك بتلاتين سنة ومفيش أي احتمالية لعلاقة بينكم، ويمكن يكون الحد ده شخص عابر عمل معاك موقف كويس..

فافترضت كل الصفات الحلوة دي ومشوفتوش تاني.
فاول ما تشوف الشخص الجديد اللي متعرفش عنه حاجة، وتحس إنه يشبه الحد اللي كنت تعرفه، تقوم من غير ما تحس داخل في اعماقك وجايب كل المشاعر اللي كانت للحد ده، وتقوم راميها في وش الشخص الجديد وتحس بإنجذاب رهيب له ورغبة في القرب غير مبررة ..

وطبعا كل ده مؤقت عشان مع الوقت بتكتشف إن الشخص ده مش شبه الحد اللي في خيالك زي ما كنت فاكر، وإنك اتدلقت على الفاضي وطرحت كل مشاعرك على شخص متعرفوش اصلا عشان كان يشبه لحد تعرفه..

فلو إنت واعي شوية هتدرك من الاول إن ده خازوق وتتجنبه، ولو مش واخد بالك هتحضن الخازوق بإيدك وسنانك، وساعتها ربنا يتولاك بقى.🙈😂🙈😂
من فضلك @Rattibha