أتمنى لو حصل وقوات حكومة طرابلس حاولت تخش سرت واضطرت مصر للتدخل ان مصر تحط في اعتبارها وقتها ضم اقليم برقة لمصر زي ما روسيا ضمت القرم، الموضوع له مزايا بالجملة، بالإضافة لأن أهل الشرق بيحبوا مصر وإن إقليم برقة جميل جداً كطبيعة، فكمان الشرق فيه ٦٠% من احتياطات بترول ليبيا

للي مايعرفش، ليبيا تاسع أكبر احتياطي نفطي في العالم باحتياطات حجمها ٤٦ مليار برميل، ٦٠% منهم موجودين في الهلال النفطي في الشرق في إقليم برقة

مش بس كده.. انت عندك عجز ميزان تجاري بيلعب في رينج ٤٠ مليار دولار منهم ١٤ مليار دولار واردات نفطية، مش بس وارداتك هاتقل ١٤ مليار دولار، لا كمان صادراتك هاتزيد بسبب الصادرات النفطية وهايقل عجز الميزان التجاري بشكل ملحوظ ممكن يوصل للتلتين ومع باقي مصادر النقد الأجنبي هايتكون فايض

لأول مرة من فترة طويلة هاتكون اتحلت الأزمة الإقتصادية المصرية الأبدية once and for all، وهاتكون حققت رخاء اقتصادي ليك ولإقليمك المنضم جديد وضاعفت مساحة مصر -إقليم برقة مساحته ٩٠٠ ألف كيلومتر مربع- وفرضت نفسك كقوة إقليمية وعالمية بعد التوسع الجديد