سيدنا أبو هريره كان يصرخ في المسجد.. والناس كانو قايلين عندو صرعه , وهم ماعارفين إنو عِزة نفسو مابتخليهو يقول إنو بصرخ من الجوع, ومافي زول كان بحس بيهو ويأكلو هو وأمو.. غير واحد بس.. هو النبي صل الله عليه وسلم
الصحابه كانو معزومين عندصحابي منهم وجاء العزومه واحد فقير ومافي زول قدم ليهو دعوه جاء براهو جسمو فيهو جدري وملابسه مقطعه.كل الصاحبه خافو منو عشان ماينقل ليهم العدوه ومافي غير واحد إتزحزح وقعدو جمبو وأكل معاهو في نفس الصحن وخلاه يطلع منهم مجبور الخاطر.(كان النبي صل الله عليه وسلم
ماكان في زول بحب انو مرتو تلد ليهو بنات مفتكرين إنو البجيب بنات ده عار عليه جاهم النبي وقال :إنو البخلف 3 بنات ويعلمهم ويعرس ليهم ويرحمهم بدخل الجنه, واحد من الناس قال ليهو: انا عندي 2 بس! رد النبي: ابو البنتين يدخل الجنه, التالت رد وهو زعلان: انا ماعندي غير بنت واحده!
يبتسم النبي ويقول: ابو البنت من أهل الجنه, ويغير مفاهيم الناس عن خلفة البنت ويخليهم يتنافسو ببناتهم بالنسبه ليهم بقت أسهل وأقرب سكة لدخول الجنه!.
طلع مع اصحابو رحله قامو جاعو وعاوزين يعملو اكل واحد منهم قال أنا بضبح ليكم الجدي،(الغزال) والتاني: انا بسلخو, والتالت أنا بطبخو, ويرد النبي: أنا حااجيب ليكم الحطب البتولعو بيهو النار! قالو ليهو لالا مابنفع يارسول الله نحنا بنعمل اي حاجه
يرفض النبي ويقول ولكني أكره أن أتميز عليكم فإن الله يكره من عبده أن يراه متميزا بين أصحابه
من حنانه زوجته صفية قصيره قعدو ليها الناقه في الارض عشان تقدر تطلع وبرضو ماقدرت تطلع جلس ليها النبي في الارض وقال ليها اقيفي علي كراعي واطلعي, وفعلاً وقفت عليها وركبت الناقه بسهولة
من حنانه زوجته صفية قصيره قعدو ليها الناقه في الارض عشان تقدر تطلع وبرضو ماقدرت تطلع جلس ليها النبي في الارض وقال ليها اقيفي علي كراعي واطلعي, وفعلاً وقفت عليها وركبت الناقه بسهولة
عايزين يوسعوا المسجد الناس كترت والمسجد بقي ضيق عليهم ووسط المسجد كان في جزع نخله النبي كان بتسند عليه وهوبخطب في الناس وعشان عملية التوسعة تتم كان لازم الجزع يتقطع! النبي حسه إنو الجزع بتحرك من الزعل بالبلدي ببكي يطبطب النبي علي الجزع, ويقول ليه إسكن "ماتبكي" أنت رفيقي في الجنه
يموت طير كان بونس طفل يتيم يمشي النبي للطفل ويعزيه في الطير ويصلي ركعتين في بيت الطفل ويدعي ربنا يصبر قلبه علي فراق طيره.
يتجرح في خدو وتتكسر أسنانو والدم بينزل منو زي الحنفية في غزوة أُحد يرفع إيده للسماء الصحابه يبرقو ويقولو النبي حايدعي علي الكفار!
يتجرح في خدو وتتكسر أسنانو والدم بينزل منو زي الحنفية في غزوة أُحد يرفع إيده للسماء الصحابه يبرقو ويقولو النبي حايدعي علي الكفار!
يخيب النبي ظنونهم ويدعي للناس الجرحو بالهدايه، ويقول: اللهم إهدي قومي فإنهم لا يعلمون.. "اعذرهم علي جهلهم وإرشدهم للحق يارب" .
إصطادو ليهم فرخه. لقي النبي الكتاكيت بكوركو من الزعل علي امهم. يأمر النبي اصحابو يرجعو الفرخه لأولادها ومايوجعو قلوبهم عليها.
إصطادو ليهم فرخه. لقي النبي الكتاكيت بكوركو من الزعل علي امهم. يأمر النبي اصحابو يرجعو الفرخه لأولادها ومايوجعو قلوبهم عليها.
أقول شنو ولا شنو.عاوزين كتب وملفات الدنيا كلها تتفرغ وياريت وقتها تكفي لما نملاها بجزء من صفات وأخلاق ومواقف الرسول صل الله عليه وسلم مقصرين في حقه وتطبيق سُنته.صلوات ربي وسلامه عليك ياسيدي وياحبيبي يارسول الله😢💔
جاري تحميل الاقتراحات...