ثريد مشكلات الطاقة في السودان
طيب مبدئيا الثريد خلاصاته قد ما تعجب ناس كتار عشان كدا نثبت الحاجات واحدة واحدة
1.كلنا مواطنين سودانيين شركاء بشكل متساوي في موادر البلد دي، الغني والفقير والراعي والعسكري..الخ
الحكومة هي البتدير الموادر دي بأكبر قدر ممكن من العدالة عشان تضمن استقرار البلد ولأنه نحنا الفوضناها
1.كلنا مواطنين سودانيين شركاء بشكل متساوي في موادر البلد دي، الغني والفقير والراعي والعسكري..الخ
الحكومة هي البتدير الموادر دي بأكبر قدر ممكن من العدالة عشان تضمن استقرار البلد ولأنه نحنا الفوضناها
طيب نحنا وين حاليا؟ في المرتبة 93 من حيث قدرة التوليد أما من حيث التوليد مقسوم علي عدد السكان فنحنا 270 كيلواط ساعة لكل نسمة، المتوسط العالمي 2674 يعني نحنا محتاجين نضاعف انتاجنا عشرة مرات عشان نصل بس حق الحكومة
دولة زي سوريا فيها حرب أهلية وحصار بتنتج بنفس المقياس أربعة اضعافنا
دولة زي سوريا فيها حرب أهلية وحصار بتنتج بنفس المقياس أربعة اضعافنا
يبقي علي افتراض عدالة تنموية مفروض الكهرباء تجي لي كل سوداني 12 ساعة بس في اليوم ويكون حامد شاكر. لأنه الكهرباء تغطي 60% بس من السكان "سوريا لتغطي 90%" غانا82% تونس 99%كينيا75%
طبعا الكلام دا ما حاصل ، والمدن فيها كهرباء أكتر من القرى
ودا في حد ذاته مشكلة نحاول نشرحها
طبعا الكلام دا ما حاصل ، والمدن فيها كهرباء أكتر من القرى
ودا في حد ذاته مشكلة نحاول نشرحها
الكهرباء خدمة عاوزة قروش عشان تستمر
تكاليفها بتتقسم لي تكاليف انشاء وتكاليف تشغيل. ودائما في طلب زايد عليها بحوالي 15% كل سنة، دا لو انت مغطي كل السودان مفروض كل سنة تزيد 15% من قدرة التوليد الحالية ،
عشان تزيد القدرة محتاج قروض وتمويل
وعشان الوقود عاوز فاتورة الكهرباء تكفيك
تكاليفها بتتقسم لي تكاليف انشاء وتكاليف تشغيل. ودائما في طلب زايد عليها بحوالي 15% كل سنة، دا لو انت مغطي كل السودان مفروض كل سنة تزيد 15% من قدرة التوليد الحالية ،
عشان تزيد القدرة محتاج قروض وتمويل
وعشان الوقود عاوز فاتورة الكهرباء تكفيك
طيب نحنا وضعنا طين شديد في القصة دي ، وعشان المشكلة التنموية نحنا في المدن الكبيرة ما حاسين بالمشكلة واسي مع اقل قطوعات قاعدين نشكي نشوف المفروض نعرف كيف وصلنا الوضع دا ومفروض يحصل شنو في باقي الثريد دا
طيب الوضع الكعب دا وصلنا ليو بي سبب سياسات كعبة، جزء منها متعلق بي الكيزان وجزء متعلق بي الاقتصاد الكلي للبلد
الكهرباء أما توليد حراري بي جاز بادولار طبعا
أو توليد مائي جاي بي قروش مفروض تدفعها بي فوائدها
الكهرباء أما توليد حراري بي جاز بادولار طبعا
أو توليد مائي جاي بي قروش مفروض تدفعها بي فوائدها
يعني الكهرباء دي بي اختصار دولار أو جنيه ما نعتبرها، عبارة عن مليار جنيه سوداني
يبقي عندك خيارين اما انك تقسمها بحيث انها تربح ليك وتقدر 1.تدفع الأقساط العليك عشان تدين تاني وتبني تاني 2.تدفع قروش الصيانة والتشغيل عشان تضمن الاستمرارية.
طيب هل الحكومة عملت كدا؟ في الحقيقة لا
يبقي عندك خيارين اما انك تقسمها بحيث انها تربح ليك وتقدر 1.تدفع الأقساط العليك عشان تدين تاني وتبني تاني 2.تدفع قروش الصيانة والتشغيل عشان تضمن الاستمرارية.
طيب هل الحكومة عملت كدا؟ في الحقيقة لا
لمن نترجم الكلام دا لي سياسات معناها الحكومة لمن تعمل خزان أو محطة كهرباء مفروض تستثمرها صاح، زي اي ثروة
يعني تستخدمها في دعم الصناعة والزراعة والتعليم والصحة. بحيث أنه الحاجات دي تصلح اقتصاد البلد وتقوم تجيب ارباح تدفع بيها المصاريف بي النوعين القلناهم فوق فاتورة جاز واقساط ديون
يعني تستخدمها في دعم الصناعة والزراعة والتعليم والصحة. بحيث أنه الحاجات دي تصلح اقتصاد البلد وتقوم تجيب ارباح تدفع بيها المصاريف بي النوعين القلناهم فوق فاتورة جاز واقساط ديون
يعني لو ولدنا كهرباء بي جنيه مفروض اربح منها جنيهن ، جنيه عشان اقدر اضمن استمرارها وجنيه عشان اقدر اضمن اعمل توسعة في قدرة التوليد
يلا مبدئيا نحنا عندنا ارخص كهرباء في الدنيا بواقع اقل من 0.01 دولار للكيواط ساعة.
والحمل الاعلي والارخص ماشي لي القطاع السكني ، اللي هو ما قطاع منتج
يلا مبدئيا نحنا عندنا ارخص كهرباء في الدنيا بواقع اقل من 0.01 دولار للكيواط ساعة.
والحمل الاعلي والارخص ماشي لي القطاع السكني ، اللي هو ما قطاع منتج
الكيزان لمن زادو الانتاج بتاع الكهرباء ما ودوهوا لي قطاعات الإنتاج ،بل زادو توسعة الشبكة ،،عشان يحصلوا علي تأييد سياسي ، امشي حتات كتيرة في السودان بتلقي فلان الكوز جاب لينا الكهرباء لمن بقي وزير أو معتمد.
الحكومة الرشيدة بتوازن بين مصالحها الحزبية ومصلحة الدولة الاستراتيجية
الحكومة الرشيدة بتوازن بين مصالحها الحزبية ومصلحة الدولة الاستراتيجية
الناس لجأت بي سبب الحرب وهجرت مناطق الانتاج، وحات الخرطوم، والخرطوم كبرت والشبكة اتمددت,احياء كاملة سكانها نازحين من مناطق حروب، انت مفترض كان توفر ليهم الخدمات في مناطقهم عشان ينتجوا، بقي العجز في الشبكة عالي ، كاف قروش تزيد بيها الإنتاج وماف اقتصاد يجيب ليك جاز
المشكلة التانية هي التسعيرة. الكهرباء معمولة بي قروشنا كلنا، نستفيد منها كلنا
يعني ما معقول عمارة أربعة طوابق فيها خمسين مواطن بي مكيف لكل غرفة. تساوي كهرباء بتنور لي قرية فيها الف مواطن وتعمل ليهم طرمبة موية
أو تشغل مصنع بسكويت،او تسقي حوشة برسيم
يعني ما معقول عمارة أربعة طوابق فيها خمسين مواطن بي مكيف لكل غرفة. تساوي كهرباء بتنور لي قرية فيها الف مواطن وتعمل ليهم طرمبة موية
أو تشغل مصنع بسكويت،او تسقي حوشة برسيم
الوضع العادل في كل العالم بقول أنه الحاجة الأساسية تكون بي سعر مناسب لي اغلب المواطنين، يعني إنارة لي منزل من تلاتة غرف وتلاجة مثلا.
الباقي حيكون ضعف ، وانت ماشي طالع، يعني مفروض العاوز يشغل المكيف يدفع حق عشرة مواطنين بستخدموا الاحتياج الأساسي
الباقي حيكون ضعف ، وانت ماشي طالع، يعني مفروض العاوز يشغل المكيف يدفع حق عشرة مواطنين بستخدموا الاحتياج الأساسي
لكن الحكومة ما عملت كدا عشان اول حاجة ما عندها شرعية وخائفة من غضب سكان المركز، والمدن، تاني حاجة دا سلوك النخبة منذ الاستقلال بفكرو في مصالح سلوكهم الاقتصادي بس
بدل يستوردوا بصات جماعية يستوردوا عربات خاصة، بدل يعملوا مشروع زراعي بعملوا شارع النيل ..الخ
بدل يستوردوا بصات جماعية يستوردوا عربات خاصة، بدل يعملوا مشروع زراعي بعملوا شارع النيل ..الخ
يبقي النقطة الأولي متعلقة بي السياسات وتعريفة الكهرباء وإزالة التشوه في توزيع الكهرباء علي احتياجات السكان المتفاوتة من موية لي زول عنده مايكروييف أو تكييف مركزي.الخ
الجزء التاني متعلق بي زيادة الانتاج بتاع الكهرباء نفسه.
ارخص واحد من حيث التشغيل هو التوليد الشمسي لكن مشكلته التكلفة حقت الانشاء عالية جدا عشان تصل لي توليد بي سعات كبيرة.
التوليد الحراري"جاز" بدي سعات كبيرة لكن تكلفة التشغيل عالية
ارخص واحد من حيث التشغيل هو التوليد الشمسي لكن مشكلته التكلفة حقت الانشاء عالية جدا عشان تصل لي توليد بي سعات كبيرة.
التوليد الحراري"جاز" بدي سعات كبيرة لكن تكلفة التشغيل عالية
التوليد المائي سعات عالية وتكلفة تشغيل ما عالية لكن تكلفة إنشاء عالية جدا "ممكن يدفعها ليك البنك الدولي لو بطلت شكشة وبلدك بقت مستقرة"
التوليد النووي ، سعات كبيرة، تكلفة انشاء اقل من السدود ، تكلفة تشغيل اقل من الحراري.
لكن داير بلد حكومتها متعاونة مع العالم ومنطقية حبة
التوليد النووي ، سعات كبيرة، تكلفة انشاء اقل من السدود ، تكلفة تشغيل اقل من الحراري.
لكن داير بلد حكومتها متعاونة مع العالم ومنطقية حبة
حاليا التوليد النووي، خيار سريع ومعقول، جنوب افريقيا، الهند،باكستان،البرازيل،بنغلاديش،تركيا عندهم توليد نووي والإمارات عندها مفاعلات تحت الانشاء
كهرباء رخيصة وبتلقي تمويل دولي ورقابة
بس انت ما تقعد تهرب لي سلاح لي جهاديين وتجيب لي بن لادن في شارع الجزار وتعمل امور الترابي ديك
كهرباء رخيصة وبتلقي تمويل دولي ورقابة
بس انت ما تقعد تهرب لي سلاح لي جهاديين وتجيب لي بن لادن في شارع الجزار وتعمل امور الترابي ديك
طيب بالنسبة لي الناس العندها قروش وعاوزة تحل مشكلتها وتشغل مكيفات ومايكروويف ؟ تعمل شنو؟
الإجابة في الثيرد القادم لأنه فترت من الكتابة
الإجابة في الثيرد القادم لأنه فترت من الكتابة
جاري تحميل الاقتراحات...