"أوافق على الشروط والأحكام لموقع Kick Starter" في هذه التغريدة بعلمك كيف تم سرقتنا انا وثلاثة من الأصدقاء وسرقة 18,184 شخص وتم تجميع مبلغ 2,542,045$ بطريقة إحترافية وتحت الظل القانوني في الموقع الشهير Kick Starter
بدأت القصة في ٢٠١٧ كنت اتصفح موقع Kick Starter بشكل دوري اشوف وش أخر المنتجات في التقنية وغيرها لعلي أصيد فرصة جديدة للإستثمار واسبق التجار بالسعودية واجيب أحدث المنتجات! المهم مالك بالطويلة دخلت الموقع شفت إعلان لمنتج إسمه Super Screen!
الدعاية للمنتج كانت جذابة، يكون عندك جهاز لوحي Tablet ويكون فيه جميع معلومات جوالك من غير iCloud ولا توصيل ولا واي فاي ولا شي.. Tablet جاهز ومجهز ينسخ كل شي من جوالك، واذا خلصت وفتحت الجوال يمديك تكمل وين ماكنت مخلص من غير iCloud ولا شي.. بالنسبة لي كان الموضوع جميل جداً
المهم الشي الي يحمس ان المنتج تم تغطيته بوسائل الإعلام الشهيرة ومواقع معروفة تحدثت عن المنتج وعن صاحب الفكرة Morgan وعلى انه ستيف جاوب للمنتجات الجديدة يعني إعلامياً الرجال ماعليه ولا غلطة وقدها وقدود.
بعدها ياطويلين العمر، قام فريق Super Screen بإعلان على اليوتيوب وغيره في على إستخدمات للمنتج ووقتها زاد حماسي للمنتج لا تسألوني ليش، تحمست مره وحسيت هالشي بيكون شي جبار مرره!
بعدها أعلنو على أسعار الإستثمار وانك إذا حطيت مبلغ ٩,٩٠٠ دولار يجيك ١٠٠ جهاز! وبيكون سعرهم اذا نزل الجهاز بصفة رسمية لل١٠٠ حبه (٢٩,٩٠٠ دولار) يعني ٢٠ ألف دولار مربح! ياويلي! تحمست مره وكلمت بعض الأصدقاء عشان نلحق على الفرصة قبل لا تضيع!
المهم، قلنا خل نصبر ونشوف ردود أفعال الناس وفعلاً صبرنا الى ان شفنا ان المشروع هذا قدر يجمع ٢ مليون دولار! يعني المنتج فعلاً اثر على كثير من الناس موب بس انا واصدقائي وهذا شجعنا انه فيه طلب للمنتج يعني إن شاء الله مارح ننكب فيه!
بعدها الشركة طلعت الجدول الزمني للمشروع، يعني خلال ٨ شهور إن شاء الله بعد الإستثمار حقنا ال٤٠٠ جهاز رح تكون موجودة في السعودية في ديسمبر ٢٠١٨! ياسلام وقت كافي لي وللأصدقاء اننا نعرض الجهاز محل ومعرض وكنا مخططين اننا نحط الجهاز للبيع في مكتبة جرير!
فعلاً قررنا واستثمرنا في الجهاز أنا وثلاثة من الأصدقاء وحطينا مبلغ ٣٩,٦٠٠ دولار (١٤٨,٥٠٠ ريال) ويلا ياإستثمار وحسينا إننا أذكى ٤ بالسعودية واننا فعلاً نعرف نصيد الفرص! وهذي صورة لدفعي مبلغ ٩,٩٠٠ خلاص عن طريق الموقع وضغطت وقتها على "أوافق على الشروط والأحكام" من دون قرائتها!
في تاريخ (٢٨ - ٨ - ٢٠١٧):
أرسل Brent Morgon للجميع انهم يواجهون مشاكل في تطوير المنتج وانهم مارح يقدرون يوفون بوعدهم وهو تسليم المنتجات الأ بنهاية ٢٠١٨! يعني زيادة سنة على الجدول الزمني الي كان متفق عليه! بعدها إتصلنا على بعض انا والأصدقاء الي وش السالفة ووش نقدر نسوي!
أرسل Brent Morgon للجميع انهم يواجهون مشاكل في تطوير المنتج وانهم مارح يقدرون يوفون بوعدهم وهو تسليم المنتجات الأ بنهاية ٢٠١٨! يعني زيادة سنة على الجدول الزمني الي كان متفق عليه! بعدها إتصلنا على بعض انا والأصدقاء الي وش السالفة ووش نقدر نسوي!
تواصلت مع Kick Starter متوقع منهم التدخل بالموضوع على أنهم الوسيط بيننا وبين Brent Morgon و SuperScreen الا ان الصدمة كانت بالرد من الموقع! حيث الموقع ذكر ان من الشروط والأحكام للإستخدام موقع Kick Starter انهم "غير مسؤولين عن المشروع سواء نجح او فشل"
هنا إنصدمنا انا والشباب متوقعين أن الموقع فعلاً سيحمينا وطلع الموقع مجرد مكان للإعلان عن مشاريع وتحصيل الفلوس بعد كذا انت وصاحب المشروع تفاهمو.. الشروط والأحكام للموقع تقول مالنا دخل حتى قانونياً مالنا دخل ودام صاحب المشروع يعطي تحديثات مستمرة حنا مالنا دخل!
قلنا أجل دام سلمنا رقبتنا ومالنا حل! خل نصبر سنة إلى نهاية ٢٠١٨! وإن شاء الله تنحل ويكون المنتج جاي بالطريق!
في بداية عام ٢٠١٨ ارسلو أنهم إن شاء الله الأمور تمام وكل شي ماشي، بعدين ارسلو في شهر ٢، ٣، ٤ ان الأمور تمام وتجهز بنرسل نسخة لكم قريب تجربونها وتعطونا أراكم! اووف وقتها رجع الحماس وبدت المفاوضات مع مكتبة جرير لتجهيز الأمور لأستقبال الأجهزة!
في شهر ٨- ٢٠١٨.. تلقينا الخبر الصدمة! تم إقفال المشروع وحنا اسفين لكن مانقدر نكمل المشروع ونعتذر منكم! وترى مافيه فلوس! وحسب الشروط والأحكام الموجودة على موقع Kick Starter مالكم أي حق بالمطالبة! والله يوفقكم!
دخلنا قروبات حنا و١٨ ألف شخص لنرفع قضية لهذا المحتال خصيصاً انهم ماحطو ولا صورة تثبت إنهم إشتغلو! سنتين والتحديثات كلها إيميلات فقط! وتم رفع القضية! في عام ٢٠١٩ اليوم، مافي قضية انتهت لصالح Brent Morgan لأنه لم يخالف الشروط والأحكام لموقع Kick Starter.
الزبدة والخلاصة من السالفة كلها، موافقتك لشروط والأحكام لموقع معين، دون قرائتها! كانك توقع ورقة على بياض! مين يتوقع موقغ كاKickStarter العالمي لا يحمي المستخدمين! ومين يتوقع ان السرقة قد تتم بجميع الطرق القانونية وبدون ولا غلطة! المحتالين اصبحو فعلاً محترفين.. دمتم!
جاري تحميل الاقتراحات...