التكنولوجيا
تطوير البرمجيات
الدفع
تطوير تطبيقات الهاتف المحمول
فلاتر
جافا
طلب السوق
كفاءة التكلفة
كوتلن
رد الفعل الطبيعي
Cross Platform
تطوير البرمجيات الأصلية
الميزات الأصلية
في واحد Junior developer صحبي سألني من شغل الـ Mobile development والـPayment في السودان، فقلت اكتب ردي ليه هنا يمكن زول تاني يستفيد وعشان لي قدام لما زول يسألني ارسل ليه البوست دة. 👇
- مفروض تحدد عايز تشتغل native ولا cross platform ؟ ولا الاتنين؟ اي واحد عنده مزايا و trade off .. فأحسن تكون مقرر داير تواصل في ياتو اتجاه.. لو حتمشي Cross platform احسن Flutter or React native . لو native احسن Kotlin بدل جافا..
- اغلب الكلاينتس ما فارق معاهم انو كروس بلاتفورم ولا native. لكن الـ Cross platform مرغوب في السوق اكتر لانو ارخص.. الـ native بتحتاج ليه احيانا لما يكون ابليكيشن محتاج native features كتيرة.. احيانا بتبقى مزعجة انك تعملها بي Cross platform ..
- ما تمسك زمن كتير في القراية والتيوتوريلات.. القريتو لحدي اسي اكتر من كفاية.. امسك مشروع عديل.. ممكن تشوف ليك زول عايز يعمل ابليكيشن عديل واعملو ليه..
حتى ممكن يكون بي قروش، ممكن تعمله ليه بقروش بسيطة نوعا ما باعتبار انو تجربة، او ممكن تشتغل مع زول experienced شوية وتدخلو معاك باعتبار يكون mentor and safety net لو الشغل بقى كتير.
- ركز مع الـ UI / UX .. السودان فيه developers شفاتة كتار.. لكن بسيطين البهتموا بي انهم يعمل UX كويسة ويكون شكل التطبيق جميل ومريح.. دي من الحاجات المحتاج تقراها عديل (أهم من التيوتوريلات بتاعة الـ programming) .. في كورسات اونلاين مجانية لطيفة وفيديوهات في يوتيوب كتيرة..
- ادي طلة على شغل الـ backend بالمرة.. اشتغل في السيرفر وشغل الداتا بيز والـREST API. حتحتاج ليه في شغلك، وحتى لو ما ناوي تواصل فيه حتحتاج ليه عشان تكون فاهم السيستم كلو شغال كيف.
- بالنسبة للـ Payment، في السودان لو عايز تشتغل Online payment لازم تمر عن طريق EBS . الموضوع ما صعب، عبارة عن API بتربط معاها من السيرفر زي اي third party api عندك في السيستم..
بروسيس بتاعتهم بتمر بيها معاهم براجعوا فيها التطبيق واتأكدوا انو التطبيق بعدي التست بتاعة الـ QA والـSecurity وبس. المشكلة انو البروسيس بتاعتهم دي بتمسك زمن اكتر من اللازم.
ففي شركات زي Syber و Sahla و Next هدفهم انهم يسهلوا ليك موضوع الدفع الاونلاين دة بي انك تربط معاهم بدل تربط مع EBS .. فممكن تربط معاهم خلال ايام بدل اسابيع.. اي شركة بوروك تربط معاهم كيف. فما موضوع خطير.
- الناس التانيين المهم تربط معاهم في موضوع الدفع الاونلاين هم بنك الخرطوم، المشكلة انو السياسة بتاعتهم عويرة شديد في موضوع الدفع الاونلاين.. ما عايزين يخلوا الناس تدفع من جوة التطبيق بتاعتك،
فالطريقة الوحيدة انك تربط معاهم انهم هم يخلوا التطبيق بتاعتك يظهر جوة mBOK والمستخدم بتاعك مفروض يفتح mBOK ويدفع من جوة. الطريقة عويرة شوية لكن البروسيس بتاعة الربط من ناحية تيكنيكال ساهلة.. بس مفروض تكون مسجل التطبيق كـإسم عمل وتمشي ليهم.
جاري تحميل الاقتراحات...