هانقلكم قصة حقيقية حصلت فعلا.هانستفيد منها إن مفيش حاجه بالعافية ومن غير دراسة بتمشي..
في مره شركة "جنرال موتورز للسيارات" في أمريكا جتلهم شكوى غريبة جداً من زبون عندهم..الراجل ده بعت جواب للشركةبيقولهم "العربية بتاعتي عندها حساسيةمن الأيس كريم الفانيليا"!
في مره شركة "جنرال موتورز للسيارات" في أمريكا جتلهم شكوى غريبة جداً من زبون عندهم..الراجل ده بعت جواب للشركةبيقولهم "العربية بتاعتي عندها حساسيةمن الأيس كريم الفانيليا"!
والحقيقة الراجل صاحب الشكوى كان منصف وقالهم في جوابه أنا عارف اني اللي أنا بأقوله ده مش كلام ناس عاقلين ولو مارديتوش عليا وأعتبرتوني راجل مجنون هأقول والله معاكم حق بس أنا بأقولكم على اللي بيحصل معايا والأرزاق على الله...أنا كل يوم بعد العشا باروح اشتري ايس كريم من محل معين ..
لما باروح اشتري ايس كريم أي طعم غير الفانيليا العربيه بتدور عادي جداً من غير أي مشاكل إنما لما باروح أشتري أيس كريم فانيليا العربيه مابترداش تدور...الجماعة بتوع جنرال موتورز بعتو مهندس من عندهم يروح للراجل ده ويشوف ايه الموضوع فالراجل صاحب العربيه لما قابل المهندس ..
قاله طبعاً أنا لو قعدت احلفلك أن العربية عندها حساسية من "الفانيليا" حضرتك مش هتصدقني فتعالى معايا محل الأيس كريم وشوف بنفسك وكانت المفاجأة..كلام الراجل طلع صح ولما الراجل نزل أشترى أيس كريم مش فانيليا العربية دارت ورجعوا البيت بتاع الراجل مافيش أي مشاكل ولما رجعوا تاني المحل ..
وأشتروا أيس كريم فانيليا العربية مارضيتش تدور.. ساعتها المهندس كان هيتجنن فقرر انه ياخد العربية ويروح هو يجيب بنفسة الأيس كريم من المحل وراح أشترى أيس كريم مش فانيليا فالعربية دارت وأشترى أيس كريم فانيليا فالعربية مارضيتش تدور كالمعتاد بس هو لأنه راجل بيفكر بالمنطق ..
وبيستخدم الأسلوب العلمي مش الأسلوب الخرافي في التفكير لاحظ أنه الأيس كريم الفانيليا لأنه عليه طلب كبير موجود في اول المحل وفي علب جاهزة أنما باقي الflavors محطوطين في أخر المحل وبتطلب من البياع أنه يجهزلك العلبه بتاعتك فده معناه أنه الوقت المستغرق في شراء الأيس كريم فانيليا ..
أقل من الوقت بتاع شراء أيس كريم طعم تاني فهنا المهندس حول السؤال الخرافي بتاع إيه اللي يخلي العربية عندها حساسية من الفانيليا إلى سؤال منطقي وهو إيه اللي يخلي العربية تدور لما يبقى في وقت كبير بين إطفاء المحرك وتشغيله وماتدورش لما الفترة بين إطفاء المحرك وتشغيلة تبقى قليلة ...
الراجل بعد البحث أكتشف أنه في حاجه بتحصل في البنزين أسمها vapor lock بيتحول فيها البنزين من الحالة السائلة للحالة الغازية وبيمنع تدفق البنزين للمحرك فلما الحرك بيتساب فترة كافية يبرد (زي حالة الأيس كريم اللي مش فانيليا) مابيحصلش موضوع الvapor lock ده ..
ولما الفترة مابتبقاش كافية لتبريد المحرك (زي حالة الأيس كريم الفانيليا) الموضوع ده بيحصل.
الشاهد من الموضوع ده أنه الظواهر الغريبة بتحصل في كل المجتمعات إنما لما يبقى المجتمع مستنير وعنده منهجية سليمة في تحليل الأمور بيقدروا الناس في المجتمع يوصلوا لتفسير منطقي.
الشاهد من الموضوع ده أنه الظواهر الغريبة بتحصل في كل المجتمعات إنما لما يبقى المجتمع مستنير وعنده منهجية سليمة في تحليل الأمور بيقدروا الناس في المجتمع يوصلوا لتفسير منطقي.
وبالتالي لحل سليم أما المجتمعات التي لا تؤمن بالعلم فأول حاجة بتنط في دماغ الناس فيها الخرافات اللي عمرها مابتوصل لحاجه غير أن الناس تتجنن أكتر ما هي متجننه...
#Cpd
facebook.com
#Cpd
facebook.com
جاري تحميل الاقتراحات...