ثريد | إصابتي بفايروس كورونا 🦠.
للتوضيح : القصه هذي حقيقيه ولاتحتوي اي جزء من واقع الخيال وشكراً 😂♥️.
في بداية الأزمه لما كانت المملكه تسجل اعداد قليله جداً جداً بالنسبه للأعداد اللي قاعدين نشوفها يومياً الحين ، وبما أن بدء انتشار الفايروس من القطيف وبحكم اني ادرس في جامعه برا المنطقه ف حولو دراستنا اونلاين قبل تعليق الدراسه في المملكه بعدة ساعات بحكم اننا من القطيف ..
وصلنا القطيف الحمدلله والأمور كانت ماشيه ومافيه اي مشكله ، كنا نطلع عادي بحكم ان القطيف مغلق عليها نتجمع انا واصحابي ونشوف بعض يومياً ، إلى ان جا تاريخ March 24 , وحسيت ب اعراض انفلونزا طبيعيه ف طلبت سيارة اسعاف وودني إلى مستشفى القطيف المركزي ..
طبعاً وصلت المستشفى وانا مادري هو فيني او مافيني لأن انا ماخالطت اي مصاب او ماشفت احد جاي من السفر تحديداً في هذيك الفتره ، كشفو عليي والفحوصات واخذو مني مسحة الأنف ووقعت على عزل منزلي إلى ماتطلع نتائج العينه من يومين إلى خمس ايام ..
بعد يومين من اخذ العينه في المستشفى الأعراض كلها راحت عني الحمدلله ومافيني اي شي ، ومثل اي يوم طبيعي كنت اواصل الصباح عشان اخذ كلاسات الجامعه وانام اذا خلصت ؛ نمت الظهر وقفلت جوالي ، صحيت على صوت امي وانا مقفل الغرفه عليي طبعاً بحكم ان عزل منزلي ماخالط احد من اهلي احتياطاً ..
صحيت على صوت امي واهي تقول لي قوم اصحى المستشفى اتصلو يبغوك ! ، هاه ؟ وشصاير ؟ فتحت جوالي ٤ مكالمات من رقم غريب ! اتصل لي الرقم مره ثانيه ؛ الو السلام عليكم ؛ عليكم السلام مين ؟ انت مجتبى ؟ ايه ! طلعت نتيجة فحصك وطلعت مصاب بالفايروس ؛ ماخفي عنكم ان ردة فعلي كانت بارده جداً 😂..
والله لاشعورياً ابتسمت وقلت الحمدلله ، طبعاً بعد اسئله واستفسارات عن المخالطه ؛ اعطيتهم مايقارب ال ١٤ اسم كنت مختلط له ومن صمنهم اهلي ! كان كل خوفي على اللي حولي وخالطتهم هذيك الفتره ، اهلي اخواني اصحابي كلهم كلهم ؛ كل الخوف كان على امي لان عندها امراض مزمنه الله يعافيها ..
الحمدلله على كل حال ، توكلت على الله وجهزت اغراضي حرفياً م ادري وشو اخذ وياي ووشو ماخذ وقتها ومادري كم بقعد ولاشي حرفياً ؛ بينما انا كنت الحاله رقم 66 ف المملكه ! متخيلين الرقم هذا كيف صار ولاشي بالنسبه للأرقام الحاليه !! ؛ جهزت اغراضي ووصلت سيارة الاسعاف وتوجهنا للمستشفى ..
وصلت المستشفى ، خلصت الإجرائات وبعد تعقيم الغرفه وتجهيزها وبحكم اني وصلت آخر ليل ف مفروض اني بنام ولاصحيت اشوف وش الوضع ووش مفروض يصير ؛ كانت ليلة رُغم وحشتها الا ان بينت لي منهو اللي قريب مني ويخاف علي وهالشي خلاني ارتاح أن حقيقي فيه احد جنبي ♥️..
نمت ، صحيت الصباح الممرضه جايبه لي الفطور وجلست تسألني بعض الأسله وجهزتني للفحوصات : سحب دم + اشعة تفصيليه للصدر ؛ في ظهر هاليوم طلعت فحوصاتي المقطعيه سليمه وما اعاني من تعب او اعراض من الفايروس ف شافو ان وضعي مستقر ومالها داعي جلستي بينما غيري يحتاج السرير اللي انا عليه فعلاً ..
مشينا بباص الى الفندق في الخبر ، وصلنا وحقيقي كان التنظيم والاهتمام من وزارة الصحه بشكل عام يحسسك بشعور مريح والله ، لكن ابداً ماكنت مرتاح وانا كل يوم قاعد اعيش في كابوس حياة ال ١٤ شخص اللي خالطتهم من ضمنهم اهلي ! ..
جتني مضايقات من بعض الاشخاص اللي خالطتهم وردة فعلهم كانت مادري وش اقدر اسميها اصلاً ولكن اقدر ظرفهم هذا عشان خوفهم على اهلهم قبل خوفهم على نفسهم طبعاً لأني وقتها قاعذ اعيش نفس الشعور ؛ اللهم انا ثبتت إصابتي وهم لسى م فحصو العينه حقتهم ، فحصو وعطوهم مدة ظهور العينه من يومين الى ..
من يومين الى خمس ايام ، جا دوام يوم الاحد ف الجامعه وانا ف الفندق ؛ ماحملت وياي الابتوب ، ماعندي كتب ، حرفياً ولاشي كيف بدرس ؟ تواصلت مع عميد الجامعه وحمدلله فهم وصعي وماقصر وتساعد وياي وماكنت اقدر احضر الكلاسات بحكم ان اخذ كل عينه جديده إذا ظهرت ايجابيه يكون الصبح ..
اخذت العينه الاولى من ثبتت إصابتي بعد يوم من وصلنا الى الفندق ، كان كل همي تعدي الخمس ايام للمخالطين لي قبل م اهتم لنتايجي والله ؛ طلعت نتيجتي الاولى ايجابيه ولسى هم م طلعت نتيجتهم ، وبعد كم يوم بدو اصحابي واحد ورا الثانيه يرسل نتيجته والاغلب الحمدلله كانت سلبيه ومافيهم الا الخير
ماعدا ثلاثه من اصحابي طلعت نتيجتهم ايجابيه وثبتت الإصابه ، حقيقي وقتها ضاقت فيني الدنيا ، انا انصبت مثل ماهم انصابو بكن تحس بشعور انك نقلت الفايروس الى شخص او هو نقله لك ماحد يدري ! لكن بحكم اني اول من ثبتت اصابتي والحمدلله فحصت وتداركت الوضع لايصير اكثر من اللي صار ..
كانت نتيجة امي بعد اصحابي بيوم بحكم انها فحصت بعذ اصابتي بيوم عكس اصحابي نفس اليوم ، كانت تجيني كوابيس ان اصحابي اقعد معاهم بالساعات صحيح وانصابو كيف امي وانا وياها فبيت واحد ! كنت حقيقي احاول اتجنب كل هالاشياء والهي نفسي ب اي شي او اي شخص قريب مني يكلمني وابين ان مافيني شي ..
إلى صباح اليوم اللي بعده ، كلمت امي وطلعت نتيجتها سلبيه حمدلله ؛ وقتها والله ان الفرحه ماشالتني ؛ صحيح ان فرحت لأصحابي الباقي انهم سليمين لكن كنت خايف على امي اكثر لانها تشرب ادويه تضعف مناعتها بسبب الأمراض ..
مرت العينه الاولى وكانت ايجابيه زي ماقلت ، والثانيه ، والثالثه ، والرابعه برضو ؛ جتني اوقات كنت افكر ان الى متى بضل الوضع كذا ؟ طبعاً على ثقل هالشعور الا ان كانت فيه اشخاص ماتتمنى لينا الخير حقيقي برغم اللي قاعد يصير لينا ؛ الا ان طول الوقت كنا نحمد الله على اللي صار اكيد ..
رغم كل هالشعور الكئيب الا أن كانت معاملة وزارة الصحه في الفندق والريسبشن والمطعم كلهم كلهم حرفياً غييييير ؛ والله اهتمام حقيقي ويتطمنو عليك كل وقت إلى درجة ان عادي يصحوك من نومك يومياً 😂😂♥️ ، كنت اشغل وقتي في الاختبارات والواجبات حق الجامعه ب جوالي بما ان ماقدر احضر محاضرات ..
كانو الناس اللي يعرفوني معرفه سطحيه يبغو يعرفو عن المرض وان كيف جا ومن هذي الاسئله الطبيعيه ، فطلعت وتكلمت ف السناب وارتحت حقيقي من الكلام اللي جاني ؛ شعور اللي كنت ف نار وجا احد كت عليك ماي بارد 😝😝، تحفيز كلام ايجابي كلشي كلشي حرفياً ♥️♥️♥️♥️..
بعد خمس عينات أو مسحات اللي تسموها عاد ، طلعت عينتي سليمه الحمدلله ؛ طبعاً باقي اللي بعدها للتأكيد ؛ جتني هذي من الاستقبال ف الفندق واحس بتفرج حقيقي قريب ♥️♥️♥️♥️♥️♥️🥺🙈..
بعد يوم واحد من عينتي الأخيره كلمني الدكتور من الريسبشن وقال لي : هاه مجتبى ودك تطلع ؟ حقيقي وقتها اهخخخخ شعور ماينوصف وربي 😂😂😂😂😂🙈، ١٩ يوم ف الفندق !!!! متخيلين كيف ماشفت الشمس ، ماشميت حتى هواء ، ماشفت اي احد غير الممرضين اللي ياخدو المسحه ف ثواني وارجع غرفتي بس ..
والحمدلله كانت قصة كفاح حقيقيه وفخور جداً اني تخطيت هذا الشي وكيف صابني اساساً ؛ مستحيل انسى وقفة الأهل والاصحاب وكل اللي كانو واقفين جنبي ، والله يحفظكم ويحميكم من كل مكروه جميعاً ؛ كونو بخير انتم ف السعوديه 💚💚💚💚💚🇸🇦.
وماننسى باقي الشباب اللي عانو وياي وتخطيناه كلنا الحمدلله ♥️♥️♥️♥️🙈.
@ii_ma88x
@malallah08
@aalqanber
@ii_ma88x
@malallah08
@aalqanber
وبرضو نسيت اقول ان لاحد يستعيب من المرض ، هذا الشي ب إرادة رب العالمين والحمدلله ولا إعتراض على قضائه وقدره اكيد ؛ مو عيب انك تنصاب او انك تبين للناس واللي حولك انك اُصبت بداعي الخوف او العار لأن هالشي مو ب أيذك والجميع مُعرض للإصابه 👌🏻.
جاري تحميل الاقتراحات...