عدنا من جديد🤓📸لطالما كانت للدم أهمية كونه فيه دليل عظيم متمثل بالـ DNA🧬 بس ماذا لو كان [ شكل بقع الدم ]🩸بحد ذاته دليل؟🧐شلون ممكن نتوصل حق فكرة من نمط الشكل؟ انزين أصلاً شلون نعرف إذا دم و لا مجرد بقعة تشبه الدم؟ انزين يمكن دم حيوان؟نجاوب الأسئلة مع نهاية مليئة بجرائم صجية🕵🏻♀️
بِسم الله نبدي🩸، أول شي : مو كل بقعة حمرا بمسرح الجريمة يعني دم😒راح أضيع وقت إذا كل شي أحمر خذيته من مسرح الجريمة و طلع بالنهاية مجرد لون🖍 أو شي يشابه الدم🩸فآنا شلون أحل هالشي من البداية؟🤨راح أسوي شغلة تختصر لي المشواو و تقولي: ترىٰ هٰذا دم أخذيه🩸✅بس شلون؟
راح نستعين بحيلة كيميائية نسويها بمطبخنا العلمي " اللاب "👩🏻🔬🩸، الوصفة مُتمثلة بمحلول اسمه : phenolphthalein⚗️ عشان نستخدمه عشان يسوي تفاعل كيميائي مُعين = هٰذا التفاعل راح يكشفلي إن العينة دم حقيقي مو مغشوشة😂 و راح أشرح أكثر بالصور الياية .. طبعًا بالصورة مكونات الوصفة👩🏻🍳:
تكمله المكونات .. واضح إني مصورتهم بِحب👩🏻🍳🥰
عقب ما تكتمل الخطوات راح نطبخ المحلول علىٰ نار هادية☀️ليما يتغير لونه و يصير عديم اللون🌫= في حال انتهينا منه و صار جاهز، راح يُستخدم عشان يجاوب سؤال : هل العينة إلي جدامي دم؟ و لا بقعة حمرا لا أكثر، بس أول شي لازم أفهمكم شعلاقة هالمحلول بالدم يعني ليش اخترناه أصلاً؟🩸🕵🏻♀️
عشان نفهم عمل المحلول⚗️، لازم نعرف شغلة بسيطة جدًا إن هالمحلول راح يتعامل و يتفاعل مع جُزء حيل محدد بالدم 🩸مُتمثل بالـ Heme، يعني چني شقول؟ إن وجود هالجزء تحديدًا راح يخلي المحلول يعيّد و يتفاعل معاه👭بحب و من الفرحة راح يتغير لون المحلول من شفاف لي = وردي💕
طبعًا راح أوريكم البارت العملي للي فوق لأن النظري وحدة مُمل😎، باللاب شسوينا؟ خذينا دم مُزيف🩸❌و الدكتور جرح نفسه عشان يكون عندنا دم حقيقي " التضحية في سبيل التجربة "👨🏻🔬
راح يكون عندي عينتين: اليمين دم حقيقي🩸✅، اليسار مُزيف❌🩸، الحين راح أوريكم شلون راح يتفاعلون كيميائيًا كل عينة بطريقة مختلفة و شلون اللون الوردي راح يقول لنا: هُنا دم🩸
الحين نزهب عودين حق كل عينة🩸🩸، و نزهب محلولنا الي جهزناه⚗️+ مع مادة أخرىٰ جاهزة : [ H2O2 ]🎬= بالصورة الياية راح تشوفون جواب أول سؤال⁉️💬
![الحين نزهب عودين حق كل عينة🩸🩸، و نزهب محلولنا الي جهزناه⚗️+ مع مادة أخرىٰ جاهزة : [ H2O2 ]🎬= بالصورة...](https://pbs.twimg.com/media/Ea5nWnKWAAA65JO.jpg)
![الحين نزهب عودين حق كل عينة🩸🩸، و نزهب محلولنا الي جهزناه⚗️+ مع مادة أخرىٰ جاهزة : [ H2O2 ]🎬= بالصورة...](https://pbs.twimg.com/media/Ea5nWnIWsAAI8aW.jpg)
![الحين نزهب عودين حق كل عينة🩸🩸، و نزهب محلولنا الي جهزناه⚗️+ مع مادة أخرىٰ جاهزة : [ H2O2 ]🎬= بالصورة...](https://pbs.twimg.com/media/Ea5nWnUWsAIK0VX.jpg)
⚠️📃: اليمين شرح التفاعل كله، الـدم أثبت وجوده و الدليل؟ المحلول إلي سويناه مع H2O2 لما حطيناهم فوق العينة تفاعلوا♥️بحيث إن التفاعل وضحت نتيجته بإن المحلول الشفاف غير خواصه و تحول لي وردي عشان يقولنا: دم حقيقي💘🩸، اليسار = عدم وجود الـ Heme = لا تفاعل = يظل شفاف☹️
هٰذا التست شلون يفيدنا؟ أروح مسرح جريمة أشتط إن السچينة عليها دم آخر شي أوديها اللاب يطلع مربىٰ😂، بلاش نفشل نفسنا فالكيميا ساعدتنا عشان لا نقع بالفخ🤓فراح نختصر الطريج بحيث إن المادة و التست نقدر نطبقه بمسرح الجريمة نفسه للعلم يعني من البداية راح أتجاهل الخطأ⚠️
تنويه: التست هٰذا أولي يعني يفيد كخطوة أولىٰ بمسرح الجريمة مو دليل نهائي أستند عليه⚠️، آنا وضحت لكم إن المحلول يُحضر لٰكن هٰذا لأن لاب جامعة📚لازم ناخذ الأساسيات، أما بواقع الحياة؟ المحلول جاهز ما يحتاج هٰذا التعب🤝
انزين السؤال الثاني عرفنا إن دم، بس نبي نعرف الدم دم إنسان👱🏻♀️و لا حيوان🦉؟ هٰذا سؤال مهم جدًا لأن مثلاً مسرح الجريمة كان في حيوان ميت و آنا خذيته عبالي المقتول إنسان؟
أتوقع كلكم شايفينه انتشر بعد كورونا😂، نفس هالتست إلي معتمد علىٰ الأجسام المضادة، راح نستخدمه و نحط بالدائرة إلي تحت عينة الدم🩸و علىٰ حسب چم خط يطلعلي راح أعرف دم👱🏻♀️و لا دم 🦉🤝، " الصورة من النت "
و عرفت معلومة لطيفة🤓، إن الكائنات الحية مو متشابهة بشكل خلايا الدم الحمرا🩸تحت المايكروسكوب🔬، يختلفون بالقطر و الشكل لو تلاحظون بالصورة🎞:
الحين البارت الآخر🩸🕵🏻♀️، هل بقع الدم عشوائية بمسرح الجريمة؟ انزين هل ممكن تفيد بشي؟ عالأقل تعطي فكرة عامة؟.. مرة قريت اقتباس يقول بما معناه الأدلة الجنائية بمسرح الجريمة وظيفتهم التنبؤ " بالماضي "، فهل ممكن طريقة و نمط انتشار بقع الدم تفسر الإقتباس؟🤔
أول شي تدرون إن هٰذي بالأدلة الجنائية مو بس بقعة دم؟ بل عبارة عن ٣ أجزاء🕵🏻♀️🩸؟
- الدائرة الحمرا المركزية الكبيرة🔴 :Parent Drop
- الدوائر الصغار المتطشرين بعيد عنها🚦 : Satellite spatters
- التفرعات الي طالعة من الحمرا الكبيرة🦠: Spines
- تفاصيل تفاصيل يا جماعة مو بس بقعة دم🤝🤓
- الدائرة الحمرا المركزية الكبيرة🔴 :Parent Drop
- الدوائر الصغار المتطشرين بعيد عنها🚦 : Satellite spatters
- التفرعات الي طالعة من الحمرا الكبيرة🦠: Spines
- تفاصيل تفاصيل يا جماعة مو بس بقعة دم🤝🤓
نيي حق البارت العملي، اختلاف السطح راح يلعب دور بتشكيل شكل البقعة؟ شلون واضح جدًا السطح الأملس راح يكون شبه عدم التفرعات بعكس الي فيع تعرجات بتصير فيها تفرعات🦠🩸
شنو الفكرة؟ إن الشكل المتعرج شوي الله يسلمكم يكون أصعب من الطبيعي بإني أفهم شنو صار من البقع، مو مستحيل بس راح يكون لوية أكثر عرفتوا؟🤝
المهم نكمل .. يمكن تفكرون ليش قلتلكم عن أجزاء البقعة؟ و ليش فيه مسطرة يم البقعة؟🤔، الحين أقولكم ليش .. لأن بكل مرة نغير زاوية الحدث راح يتغير شي في بقعة الدم🤓و ليش مسطرة؟ لأن الرياضيات تقدر تساعد بمسرح الجريمة بعد شوي أقول شلون🩸🔢
الحين بوريكم تأثير تغيير الزاوية من اليسار :
- زاوية عمودية ٩٠ : البقعة مافيها تفرع دائرية مرتبة
- قللناها لي ٤٥ : بدت تطلع أجزاء ثانية من تفرعات لي دوائر أصغر و لو تدققون شوي راح تلاحظون إنها صارت تميل إلي الطول من تحت🦠✅
- زاوية عمودية ٩٠ : البقعة مافيها تفرع دائرية مرتبة
- قللناها لي ٤٥ : بدت تطلع أجزاء ثانية من تفرعات لي دوائر أصغر و لو تدققون شوي راح تلاحظون إنها صارت تميل إلي الطول من تحت🦠✅
- لاحظوا معاي شلون كل ما قللنا الزاوية شكل البقعة قاعد يتغير تمامًا🩸:
نقدر من شكل البقعة نوصل حق معلومتين :
- عن طريق الرياضيات و علاقة الطول بالعرض بمعادلة مُعينة راح أقدر أطلع الزاوية✅📐
- أعرف الإتجاه، بحالة البقعة إلي بالنص الطول صاير لي تحت شنو نفهم منه؟ إن الحدث كان عكس اتجاه طول البقعة📍!
- عن طريق الرياضيات و علاقة الطول بالعرض بمعادلة مُعينة راح أقدر أطلع الزاوية✅📐
- أعرف الإتجاه، بحالة البقعة إلي بالنص الطول صاير لي تحت شنو نفهم منه؟ إن الحدث كان عكس اتجاه طول البقعة📍!
ستوب📏قبل لا أكمل لازم أقولكم ليش كل هٰذا📍؟
- انتوا تشوفونها مجرد أرقام زوايا و اتجاهات بس اهيا بالواقع تقدر تكشف چذب شخص و تدخله السجن أو تطلعه🔍⚖️، عن طريق بقع الدم مُمكن أعرف " نوع و سرعة " السلاح المستخدم!🔪🪓
- ممكن أتخيل التحركات إلي صارت بمسرح الجريمة و منو بدا الموضوع🤼♀️
- انتوا تشوفونها مجرد أرقام زوايا و اتجاهات بس اهيا بالواقع تقدر تكشف چذب شخص و تدخله السجن أو تطلعه🔍⚖️، عن طريق بقع الدم مُمكن أعرف " نوع و سرعة " السلاح المستخدم!🔪🪓
- ممكن أتخيل التحركات إلي صارت بمسرح الجريمة و منو بدا الموضوع🤼♀️
فمسرح الجريمة المجهول ممكن بقع الدم تظهر جزء من ألغازه🔎🗝نبدي الحين بارت يديد شلون من شكل البقع🩸نقرر شنو ممكن كانت سرعة الإصابة🤔
- شفتوا الصورة إلي چنها رذاذ؟ هٰذي تصنف سرعة عالية🔝و غالبًا تكون نتيجة طلقة مسدس
- الي بقعها حجمها بالنص لا إهي صغيرة و لا عملاقة هٰذي سرعة متوسطة ممكن اُستخدم فيها:🔪🔨🪓!
- أما إلي بقعها كبيرة و واضحة فإهيا الأقل سرعة ممكن يكون الدم نفسه كان يطيح من مكانه مو تأثير شي ثاني🩸
- الي بقعها حجمها بالنص لا إهي صغيرة و لا عملاقة هٰذي سرعة متوسطة ممكن اُستخدم فيها:🔪🔨🪓!
- أما إلي بقعها كبيرة و واضحة فإهيا الأقل سرعة ممكن يكون الدم نفسه كان يطيح من مكانه مو تأثير شي ثاني🩸
هٰذي صورة توضح تصنيفهم حسب السرعة⚒:
- لاحظوا إن العامل المهم هني بتوقع السرعة إهوا: قطر بقعة الدم شلون؟
- كل ما كانت فوق الـ ٤ مم = بطيئة
- أقل من ٤ مم = متوسطة
- أقل من ١ مم = سريعة
- الأرقام قد تحكي الكثير🩸🗝!
- لاحظوا إن العامل المهم هني بتوقع السرعة إهوا: قطر بقعة الدم شلون؟
- كل ما كانت فوق الـ ٤ مم = بطيئة
- أقل من ٤ مم = متوسطة
- أقل من ١ مم = سريعة
- الأرقام قد تحكي الكثير🩸🗝!
انزين ترىٰ مو الموضوع بقع دم و خلاص فيه تصنيف حقهم، شوية احترام حق أنواعهم🩸🤓:
- هٰذي نوعها : Transfer يعني الدم قاعذ يتحرك بسبب إن فيه شي يحركه بهالحالة؟ ممكن يكون الجوتي " عزكم الله " وسيلة تخلي الدم يترك آثاره بمكان غير أصله🤔👟
- هٰذي نوعها : Transfer يعني الدم قاعذ يتحرك بسبب إن فيه شي يحركه بهالحالة؟ ممكن يكون الجوتي " عزكم الله " وسيلة تخلي الدم يترك آثاره بمكان غير أصله🤔👟
- Swipe and Wipes🧻🩸🖐🏻:
البقعة الممسوحة إلي الدم فيها چنه مضبب و متحرك فاهميني صح؟🌫
البقعة الممسوحة إلي الدم فيها چنه مضبب و متحرك فاهميني صح؟🌫
Arterial Spurt🩸🌫:
- الله يسلمكم سبب هٰذا الشكل إن مصدره القطع بالشريان، لأن التدفق راح يصير قوي من الضغط راح يطلع لي بره و يعطي هالشكل، يعني تخيلوا نهر مفروض يكون بخط فجأة صار فيه قطع من الصدمة راح يصير چنه مضخة لي برا بشكل نافورة😂⛲️
- الله يسلمكم سبب هٰذا الشكل إن مصدره القطع بالشريان، لأن التدفق راح يصير قوي من الضغط راح يطلع لي بره و يعطي هالشكل، يعني تخيلوا نهر مفروض يكون بخط فجأة صار فيه قطع من الصدمة راح يصير چنه مضخة لي برا بشكل نافورة😂⛲️
Void Spatter🩸👻:
البقعة إلي فيها فراغ تثبت وجود شي كان موجود حزة الحدث بس اختفىٰ، و مهمة لأن ممكن الشكل الناقص يكون شي مهم مو عابر🔎!
البقعة إلي فيها فراغ تثبت وجود شي كان موجود حزة الحدث بس اختفىٰ، و مهمة لأن ممكن الشكل الناقص يكون شي مهم مو عابر🔎!
Cast-Off🪓🔨🩸:
- الله يسلمكم هٰذا نمط عشان يوصل، تخيلوا لو تستخدمون أداة تكسرون فيها خشب؟ بس آنا آسفة تخيلوا كائن بدال الخشب شفتوا حركة الطقة؟ راح تخلي الدم يكون غير ليش؟ لأن راح تطقون لي جدام و عقب لي ورا فالبقع راح تاخذ شكل الحركة و الدم ممكن مثلاً يكون واصل لي الطوفة فوق🪓🩸
- الله يسلمكم هٰذا نمط عشان يوصل، تخيلوا لو تستخدمون أداة تكسرون فيها خشب؟ بس آنا آسفة تخيلوا كائن بدال الخشب شفتوا حركة الطقة؟ راح تخلي الدم يكون غير ليش؟ لأن راح تطقون لي جدام و عقب لي ورا فالبقع راح تاخذ شكل الحركة و الدم ممكن مثلاً يكون واصل لي الطوفة فوق🪓🩸
- Expiratory Blood🩸🤧🤯:
هذي مفروض تلاحظون فيها شي غير🔎، ما تحسون إن فيه فقاعات؟ و إن لون الدم إلي فوق مو أحمر بقوة إلي تحت؟ تحسون چنه البقع إلي فوق مخففة بماي .. هذي بقع سببها إصابة داخلية بالشخص و طلع الدم من الـ 👃🏻أو الـ👄، يعني لو أشوفها أدري في إصابة عميقة صايرة بهالمكان🔪
هذي مفروض تلاحظون فيها شي غير🔎، ما تحسون إن فيه فقاعات؟ و إن لون الدم إلي فوق مو أحمر بقوة إلي تحت؟ تحسون چنه البقع إلي فوق مخففة بماي .. هذي بقع سببها إصابة داخلية بالشخص و طلع الدم من الـ 👃🏻أو الـ👄، يعني لو أشوفها أدري في إصابة عميقة صايرة بهالمكان🔪
آخر شي من ناحية الشرح إلي شايفين Dexter🩸ترىٰ فكرة الخيوط حقيقية تمامًا، عشان يتوقعون وين كان بداية انتشار الدم و منه يقدرون يحددون وين كان الشخص و هل فعلاً الي صار نفس الي يقوله عن طريق إن يصنعون نقطة افتراضية حسب معطيات انتشار البقع منه يعرفون نقطة البداية🔎🤓!
نبدي بالجرايم إلي كان فيها نمط بقع الدم الحكم إلي ماتوقعوا مرتكبين الجريمة إن بيكون خط فاصل لطريق جرايمهم🩸🎬⚖️:
سنة ٢٠٠٠، الأخ جيمس سميث اتُهم بقتل زوجته🤐، بس حرام كان دفاع عن النفس لأنها هاجمه عليه " حسب أقواله "☹️فقرروا عشان يحلون نزاع هل قتل متعمد و لا دفاع عن النفس إن إييبون خبير في نمط بقع الدم🩸فشنو كان راي الخبير من ناحية البقع؟
قال إن حسب النمط الموجود ما كانت الزوجة أصلاً واقفة لما أطلق عليها الزوج بـ٦ طلقات🤨= يعطي انطباع إن مستحيل تكون هاجمة عليه حسب كلامه لأن الهجوم يحتاج وضعية جسدية تختلف مع نمط الدم إلي يقول إنها قاعدة😏تمت إدانته بسبب اختلاف الأقوال مع بقع الدم الي تقول قصة ثانية🎬
طبعًا اهوا طلب الاستئناف لأن بالنسبة له بقع الدم مالها حقيقة علمية و لا تعتبر دليل فكان بيمسك هالشي شكله ما يدري بقع الدم علم كامل بالأدلة😏 الحمدلله ما عطوه ويه و رفضوا الإستئناف⚖️و بعدين منطقيًا دفاع عن نفس ٦ طلقات حق زوجتك؟🤨واضحة مبيت النية🙄!
نيي حق دموع التماسيح🩸🐊 ..الإخت ماريسا ريلها انقتل حسب كلامها علىٰ إيد شخص هجم عليه بمطرقة🪓و تقول إن قبلها كان ريلها خانقها ليما فقدت وعيها، طبعًا غيرت القصة وايد مرات اسم الله عليها ما ثبتت علىٰ سيناريو تغييرها بحد ذاته مُشكك بس شنو الي قطع الشك باليقين؟
مستحيل وجود شخص ٣ معاهم الـ ٣ بخيالها عشان تضبط القصة و إن مكان القتل في السرير و حسب بقع الدم إن الهجوم كان مُتكرر عن طريق المطرقة مو مجرد هجوم عابر من شخص دش فجأة سبحان الله عقب ما خنقها ريلها و فقدت الوعي، تمت إدانتها و اعترفت إن اهي🤐🪓🩸
ما تعرف تچذب و عقب فترة قالت منو الي عطاها المطرقة و اعترفت بكل ما في جُعبتها، طبعًا انا لي الحين ماني فاهمة ليش كل الجرايم إلي موجودة زوجة و زوج🙂⚖️🪓المهم نكمل🎬
جريمة٣: الأخ وارن ماتت زوجته بسبة طلق ناري فقال : إن زوجتي قتلت نفسها و انا لما ييت كنت أبي أنقذها و انعشها الكل صدقه حتىٰ أم الزوجة أما الأبو كان شاك فطلب خبير في بقع الدم🩸لاحظ الخبير وجود بقع دم علىٰ قميصه تتنافىٰ مع فكرة إن راح لها لأن البقع تقول إن كان موجود حزة الإطلاق😏!
المجد لشك الأب♥️و يا للأسف علىٰ الحبكة المأساوية كنت أبي أنقذها بس ما قدرت ها؟ إي صح ..
٤: عايلة سعيدة صح؟ المظهر خداع، ما بقىٰ من الصورة إلا شخص واحد🙂..
يومًا ما الزوج الوحيد إلي نجىٰ و قال إن الجريمة كانت بالسيارة لما قررت مرتي تقتل بناتي و هاجمتني عقب انهتها بالإنتحار و قتلت نفسها🔫👩👧👧..
استعانوا بخبير في بقع الدم قال إن طريق انتشار الدم بسبب الطلقات يحكي قصة تختلف عن القصة إلي تعب عليها ناهيكم إن قايل إن زوجتخ أطلقت عليه هم إهوا فكانت القصة متضاربة مع الأدلة و البقع إلي بالسيارة🩸!
ناهيكم إن اتجاهات الطلقة و الدم كلها توحي إن الإتجاه ياي من جهة السايق مو الزوجة🤨طبعًا ما ننسىٰ إن طلع إهوا القاتل و بريئة زوجته من الفلم إلي قاله و مهما حاول الشخص بقع الدم تفضح عمايله⚖️!
iabpa.org للمهتمين بأنماط بقع الدم و شلون تصنف بالأدلة الجنائية♥️🩸
و طبعًا لازم درس في الحياة🩸🎬في نهاية الثريد: درس اليوم برعاية رسالة كنت مسويتها بكل حُب حق معرض التخصصات في الجامعة♥️📮
و بس والله الحين خلصت و يا صدمتي لما اكتشتفت إن قريب الـ ٥ ساعات أكتب الثريد😱، كان عندي سبب ليش كنت مأجلة الموضوع .. المهم يعطيكم العافية في حال وصلتوا لي هالتويتة أقدر ذلك تمامًا♥️!
جاري تحميل الاقتراحات...