رتبها

[#ثريد] تٌجار الموت:
قصة حقيقية حصلت في إحدى ولايات السودان.
.
الخطر بيحل بيك من اي حتة بس على الواحد ينتبه للحاجات الحولو.
.
نسبة لحساسية القصة حأخفي الاسماء الحقيقية و بعض المناطق.
⭕ رتويت قبل ما تبدا ف القصة زاتو و تابعني ⭕

كان في بنتين (سارة) و (نور) طالبات ثانوية كان بيمشو ياخدو دروس خصوصية في مركز بعيد من بيوتهم شوية فيوم من الايام اتاخروا ما رجعو. جات الساعه ٧ بليل ولسة ما جو واهلهم قلقو عليهم مشو المركز وسئلو وقالو ليهم انهم انتهوا و طلعو من المغرب.؟. فتشو اي مكان مالقوهم مستشفيات مراكز شرطة..

وقعدو يفتشو ٣ ايام مالقوهم بعد تفتيش طويل اهل (سارة) قنعوا وعرفو انو بتهم حصلت ليها حاجة عملو عزاء ودقو صيوان والناس بقت تجي وتعزيهم وامها ميته بالحرقة عليها....
.
فجأة!!!
⭕ لو ما عملت لايك ورتويت اطلع فوق اعملهم وتعال كمل⭕

في اليوم الرابع.
وقفت عربية أجرة قدام صيوان العزا نزلت منها سارة ومليانه دم وملابسها مقطعه وباين عليها الالم في عيونا.
اهلا انصدمو امها جرت عليها حضنتا وقعدت تبكي ابوها سجد سجدة شكر. بس ابو نور برضو كان حاضر الموقف وبيتلفت يمين وشمال بفتش ف بتو بس ما لقاها 💔.

جات المباحث ف غضون دقايق عايزين يحققو مع البت لكن الام رفضت انها تديهم بتها وانها تاني ما حتفارقا لكن ابوها كان واعي شوية سحب البت وركبو معاهم ومشو للتحقيق.
-الجزو دا حتحكيهو سارة:....
⭕ رتويت⭕

طلعنا انا ونور المغرب من المركز و مشينا على الموقف وكنا ملاحظين انو في عربية لاحقانا من المركز كنا قايلينهم شباب صايعين بشاغلو فينا ما اشتغلنا بيهم ولا اتلفتنا عليهم زاتو مشينا على الموقف وعلى الغريبة اليوم داك كان فاضي فا بقينا منتظرين مواصلات وحرفيا ماكان في غيرنا ف الموقف.

جات تاني العربية الكانت بتشاكلنا ووقفت جمبنا وقالو لينا اركبو حنوصلكم بس ما اتلفتنا عليهم زاتو.
-كان ورانا في كولر بتاع موية واحد منهم نزل وقعد يشرب موية فجاة التاني نزل واتحرك علينا نحن عايزين نجري ثبتنا الكان بي ورانا وختو مناديل ريحتا قوية فوشنا خدرونا.

صحيت وانا فغرفة كلها سيراميك ابيض وبارده برودة ما عادية الغرفة كان فيها سرير بس وباب حديد كبير وتقيل شديد حاولت افتح الباب بس مقفول. عاينت ف الغرفة لقيت عداد الكهربا وبفوق ليهو ورقة الكهربا في حاجة بس قالت لي اني حاطلع من هنا. قمت شلت الورقة ودخلتها جوة عبايتي. وبقيت بفكر.

فجاة الباب فتح دخل علي الولد الكان بشاغل فينا قبيل وجايب معاهو اكل. قالي اخيرا صحيتي؟
-قلت ليهو انت منو ودايرين مننا شنو وصحبتي وين؟ قالي صحبتك دي انا زاتي ماعارفا وين هسي ماعلي بيها علي بيك انتي دي عايزة تطلعي؟
قلت لي اي عايزة اطلع قالي حتى انا ماعايز اقعد ف المكان دا...

بطلعك معاي لكن بشرط.. تخليني استمتع بيك الليلة! ونطلع نهرب سوا زاتو انا جابوني جديد وماعايز اشتغل معاهم.. قلت لي خلاص كويس على اساس اغفلو واجري منو قام قالي تمام ارح معاي في غرفة تانية قريبة من هنا وحاقفل الباب حق الغرفة دي من برة ف حيكونو قايلنك جوة قلت لي كويس.

طلعنا وفي الممر بستغرب من كبر البيت الانا فيهو دا بتلفت يمين وشمال فجاة لمحت لي مزهرية وهو ماشي قدامي قمت شلتها برااحة.. وكسرتها في راسو وجريت.

لقيت انو انا بلف وبرجع نفس الحته بلف وبرحع نفس الحته فجاة باب غرفة فتح طلع راجل سمين لابس gloves زي حقت الدكاترة وشايل فيديو مشارط مليانة دم جيت جارية ولزيتو وخشيت الغرفة الطلع منها وامنت الباب من جوة. بس المنظر الشفتو زاد الخوفة الفيني زيادة وعرفت الناس ديل شغالين شنو...

الغرفة كانت زي غرفة العمليات وريحه المعقمات فايحة ف اي مكان وفي النص في نقالة فيها بت! بس البت بطناها كلها مفتوحة ومافي جواها ولا عضو💔💔💔بطنا فاضية عديل لا معدة لا كبد لا شي عرفت دا حيكون مصيري لو قعدت اكتر من كدة..
⭕ لو ماعملت رتويت اطلع فوق سوي رتويت⭕

ف الغرفة في شباك فاتح في الحوش طلعت بالشباك لقيت الحيطة فيها سلك شائك.. زمان كنت بلعب مع اخواني فا بعرف اتلب بالحيط طلعت بالحيطة والسلك جرحني بس كان احسن لي اتجرح ولا اموت هنا.... نطيت بالحيطة ولقيت نفسي ف مكان خلا عبارة عن شجر شائك وتراب بقيت بجري واتدسى كل شوية..

فضلت بجري قريب ال ٣ ولا ٤ ساعات ف عز الشمس والحر لحدي ما لقيت شارع زلط وقفت واحد بتاع موتر اتخلع لمن شاف شكلي حكيت لي الحاصل قالي انتي عارفة روحك وين؟ قلت ليهو لالا. قالي انتي في (مكان بعد عطبرة) قام وداني موقف عطبرة والحمد لله عندنا ناس اهلنا هناك لمن وصلت ليهم حكيت ليهم الحصل.

اجرو لي عربية ورجعت البيت ولمن شفت الصيوان خفت تكون حصلت حاجة لامي...
-قاطعا الضابط بسرعه: ورقة الكهربا معاك؟
-طلعت الورقة وادتها ليهو دقو على ناس الكهربا وحددو مكان البيت.
وبسرعه اتحركت دورية عمليات للمداهمة..

⭕الجزو دا بيحيكهو واحد من العساكر:
استعدينا وحركنا التاتشرات ومشينا على الموقع كانو معانا ف العربات البت وابوها لمن وصلو المكان سألناها دا البيت قالت اي دا هو. اتوزعنا واي واحد اخذ موقعو وبدينا المداهمة نطو اتنين جوا البيت ولقينا واحد ف الحوش بعد وجهنا عليهو السلاح رفع يدينو.

معاك ناس تانيين؟ قال لالا ما معاي... واحد من العساكر اداهو كف وعاد السؤال... قالي اي معاي الدكتور... دكتور؟ ماشاء الله عليهو ناديهو نادا الدكتور وكورك ليهم يوقفو ايي شييي بيسوو فيهو.... فتحنا الباب لباقي العساكر وبدينا مداهمة وهو قدامنا بيفتح ف الابواب واحد واحد...

وصلنا غرفة العمليات ولي حظنا لقينا البت التانية مطلعنها من غرفة ومودنها على غرفة العمليات ثبتنا الكان لازي النقالة وقلنا لي البت دي حية؟ قال اي حية بس مخدرة. كلبشناهم كلهم وبدينا نفتش ف البيت مالقينا ناس تاني بس ف غرفة معينه لمن فتحناها....

لمن فتحناها لقيناها مليااانه ثلاجات بكمية مبالغه ولمن فتحنا التلاجات لقينا كمية كبيرة جدا من الاعضاء(قلوب. كبد. كلى. حتى العيون !).......

سقناهم كلهم وكان عددهم ٥ وودينا البت التانية المستشفى والحمد لله كانت عايشة ولحكمه ربنا لو كان اتأخرنا ربع ساعه بس كان قتلوها.... في القسم جبنا البت وسئلناها ياتو واحد فيهم القاليك اعمل معاك كدا وكداوقالت ليهم ولا واحد فيهم؟ استجوبنا الدكتور وما اتكلم ف البداية..

استعملنا ضدو طرق واعترف انو الزول التاني دا اخوهو وانو مشى بورتسودان عشان يستلم ادوية تخدير من واحد هناك... في نفس اليوم ركبنا وحركنا عملية على بورتسودان ومعانا الدكتور لحدي ما وصلنا البيت وداهمناهو و وقبضنا عليهو وطلع انو دا بيت خالتهم وراجلا.

(هو في الاستجواب كان قال انو ابوهو متوفي وامو متوفية وماعندو اي اهل) اتضح انو امو مرا مسكينه وحية انو خالتو دي وراجلا ناس بسيطين جدا وماعارفين الاولاد ديل شغالين شنو وبجوهم بين كل ٣ شهور وشايلين كميات خيالية من القروش لمن بنشك فيهم...

جا يوم تنفيذ الحكم وحكمو على اخو الدكتور بالسجن المؤبد نتيجة للتواطئ مع منظمه اجرامية ومحاولة الاغتصاب. وتم الحكم على الدكتور والباقين بالاعدام شنقا حتى الموت....امو كانت حاضرة وولمن عرفت اتبرت منهم واخر كلمة كان الدكتور سمعا انو خسارة الحمل والتعب الفيك وماعافية ليك ليوم الدين.

البت التانية صحت من التخدير ولله الحمد وهسي البنات ف امن وامان وتم تنفيذ الحكم على الجانين......
.
انتهى الثريد وياريت يكون عجبكم🙏
⭕ رتويت. لايك. وتابعني عشان يوصلك كل جديد⭕
وشكرا.

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة