تمام بلّا بينا.
حملة الدفاع عن سكايلر وايت..
لو سمحتوا إقروا ال٢ ثريدز للآخر ١-٢٤ هنا(الحد الأقصى) ومن ٢٥-٣٥ في ثريد منفصل
حملة الدفاع عن سكايلر وايت..
لو سمحتوا إقروا ال٢ ثريدز للآخر ١-٢٤ هنا(الحد الأقصى) ومن ٢٥-٣٥ في ثريد منفصل
١- سكايلر بشكل عام مش بس كانت حريصة على بيتها في كل خطوة، ومش بس عمرها ما سببت لجوزها أذية، بل بالعكس وقفت معاه في الشر قبل الخير وفي illegal قبل ال legal ف حتى المزاعم بتاعة الbad boys اللي بيحبوا بطل الفيلم الشرير مزاعم غلط
٢-الست كانت عايشة مع كداب مختل بمعنى الكلمة، في مرحلة مرضه بس لو عدينا المواقف اللي كدب فيها واللي سبب لها إزعاج فيها مش حنخلص ورغم كدة كل مرة كانت بتعديها له وبتقف جنبه، الست تقريبا مفيش مشهد فيه سيرة مرضه إلا وكانت بتعيط فيه، هو نفسه أصلا مكانش متأثر كدة
٣-أول دافع للبطل عشان يتجه للillegal business ومحور المسلسل كله دافع ولا كان سببه تغطية تكاليف مرضه ولا كان سببه مساعدة عيلته أصلا، وأعتقد المشهد ده يقول كل حاجة
٤-توفير فلوس علاجه سكايلر نفسها كانت تقدر توفرها له من الأول لما قالت لإيليوت يدفع له، والموضوع مكانش فيه أي إهانة لأن ده حقه الأصيل من الGrey Matter اللي عمره ما خده.
٥-الفلوس اللي كان حياخدها من إيليوت كانت حتبقى أقل حقوقه كمان، إيليوت نفسه قاله كدة نصًا، لكن والتر كان مصاب بعقدة نقص وسيكوباتية فظيعة
٦-المشهد ده يقولك إن كل دوافعه كانت أنانية وكل حاجة عملها كان عشان يرضي نقصه. المشهد ده كان أولريدي معاه فلوس وكان خلاص غطى فلوس علاجه وخف كمان، ومرجعش غير لما لقى چيسي عمل ميث بنفس جودة الميث بتاعه. عيلة إيه وعلاج إيه معلش؟
٧-نروح بقى لمشهد چيسي وهو في المستشفى، لما قال له “Your meth is good, Jesse. As good as mine” ف يعني إعترافه ده ميقولكش إنه سيكوباتي وغلاوي وكل اللي كان بيعمله كان عشان عقد نقصه، لا عشان عيلته ولا علاجه اللي كان يقدر يوفره بسهولة بأقل حق من حقوقه في تأسيس الgrey matter
٨- نيجي بقى لقصتها مع تيد، سكايلر وقت علاقتها مع تيد كانت هي ووالتر بنسبة ٩٩٪ منفصلين رسميًا، مش عاطفيًا لأ رسميًا، الست طلبت الطلاق..هو مضى ورق الطلاق..كان الخطوة الوحيدة اللي ناقصة إنها تروح تسلم الورق
٩-مش بس قصة الورق الرسمي، كمان رجع البيت غصب عنها رغم إتفاقهم مع بعض إنهم ينفصلوا ويعيشوا بعيد عن بعض في مقابل إنها متقولش لحد إنه drug dealer.. رجع البيت غصب عنها وقعد على قلبها وهو اللي كسر الإتفاق وهي فضلت جدعة معاه ومكسرتش إتفاقها
١٠-فأنا مش فاهم إتنين منفصلين رسميا بموافقته و التاني وجوده في البيت كان إخلال بالإتفاق اللي بينهم أصلا(وتاني هي فضلت على وعدها رغم كدة)، على أي أساس متشوفش حياتها وتعيش علاقة تانية مش فاهم؟
١١-نكمل قصة تيد..سكايلر لما دفعت له الفلوس كانت على حق تماما، قضية تيد لو كلمت كانت سكايلر نفسها حيتقبض عليها..واحدة معرضة يتقبض عليها وعارفة إن جوزها مسيره إما يتقبض عليه/المرض يرجع له ويموت، ف يلا مش مشكلة بقى الإتنين يركبوا قطر ستة إلا تلت عشان العيال يتسوحوا لوحدهم عادي!!
١٢- وأظن مبدأ الدفاع عن النفس لو عملنا مقارنة بين سكايلر ووالت ف الفرق بين الدافع والأسلوب ضخم جدا، واحدة أسلوبها مجرد فلوس والدافع خوف على ولادها، والتاني أسلوبه سمم طفل وفجر دار عجزة والدافع الحفاظ عالmeth empire بتاعته! ف الفرق كبير بلاش تعر•يص
١٣-نيجي بقى للمزاعم الخايبة بتاعة شبيحة الڤيلانز إنها سببت ضرر للillegal business بتاعه..الكلام ده مش بس مش حقيقي، ده العكس تماما هو اللي حصل! العكس تماما فعلا وبجد أنا حبتدي أشك إن اللي بيقول كدة مكنش مركز ولا الترجمة كانت غلط ولا كان بيشوف مسلسل تاني!
١٤-سكايلر لما عرفت كل جرايم والت مش بس مبلغتش عنه ولا سببت له أذى، ديه وقفت معاه بمنتهى الجدعنة ومنتهى الذكاء ومنتهى الإخلاص ولولاها والت ده كان إتفشخ من بدري
١٥-سكايلر ورغم إن والت بيسمع كلام سول في كل ما يتعلق بموقفه القانوني، كانت هي صاحبة فكرة الcar wash وإتحدت سوا في فكرته الهبلة بتاعة الليزر تاج، وقالت له إنت المحامي بتاعه بس أنا مراته..فكرة الcar wash اللي أقنعت الكل كانت فكرة سكايلر أصلا وإتحدت بيها الكل بما فيهم والتر نفسه
١٦-مساعدة سكايلر موقفتش عند طرح الأفكار، لما والتر وسول كانوا عايزين شخص يمسك الcar wash n وإدوا له إسم “Danny” بمعنى الشخص اللي حيمسك الكار ووش وحيعمل الmoney laundering بشكل كامل من غير ما يسأل سؤال ولا يعترض..
١٧-سكايلر هي اللي إتطوعت وقالت له I’m the Danny وأنا اللي حعملك الmoney laundering وإنك لو جبت حد من برة مش حنضمنه لكن أنا مراتك
١٨-لما مسكت له الcar wash وكان الفلوس اللي مطلوب تبييضها فوق طاقتها بكتير إستغلت خبرتها كbook keeper ومفيش ولا حاجة من الملايين اللي كان بيجيبها غير وهي اللي خليتها له قانونية كلها
١٩-بخصوص موضوع تيد وبخصوص مساعدتها ليه في المرة قبل الحلوة يعني، ف سكايلر إتخلت عن فكرة خوض علاقة جديدة ورغم إنها كانت تقدر تكمل ورق الطلاق وتسلمه لكن مش بس معملتش كدة ..
٢٠- ديه أولا رفضت إقتراح المحامية بتاعتها لما المحامية إقترحت عليها تسلمه للبوليس وده حيدعم موقفها في الطلاق..
٢١- و مكملتش ورق الطلاق و فضلت متجوزاه عشان قانون الspousal privilege في أمريكا اللي بيمنع الأزواج إنهم يشهدوا ضد بعض في المحاكم، الست كانت خايفة عليه وعلى نفسها وعلى عيالها لدرجة إنها كملت الجوازة وبسبب في منتهى الذكاء ولإدراكها بالقانون بشكل كويس
٢٢-نكمل موضوع إنها كانت السد المنيع إن الراجل ده يتسلم للحكومة تسليم أهالي..والتر نفسه إتكشف لما بمنتهى السذاجة إدى فرصه لهانك إنه يكشفه، بعدها والت نفسه راح إعترف لهانك وهدده! الDEA كشفوا والت عن طريق والت نفسه! إيه علاقة سكايلر بالموضوع؟
٢٣-هانك لما عرف جاب سكايلر المطعم وقالها سجلي إعترافاتك،سكايلر رفضت تماما،صحيح جزء من ده كان خوف على نفسها وعلى ولادها، لكن كمان كان خوف على جوزها، وهي عارفة إن هانك عمره ما حيؤذيها، ولما والت رجع بعد دفن الفلوس في الصحرا كانت مصممة تحسسه إنها جنبه وقالت له أنا مقولتش لهانك حاجة
٢٤-لما والتر كشف نفسه وماري راحت ضربتها بالقلم لما عرفت إنها فضلت منحازة لوالتر حتى بعد واقعة إصابة هانك، الموضوع موقفش لحد هنا في إنحياز سكايلر لوالتر على حساب أختها الغضبانة عليها .
جاري تحميل الاقتراحات...