الناس القالت عاوزه ثريد عن المكملات الغزائيه والبروتينات عامة والنوع المناسب لي جسمك والمامناسب وافضل نوع ممكن يفيدك شنو وطريقة الإستعمال ح اختصر ليكم النظريه كلها في الثريد ده اعمل ريتويت وخلي غيرك يستفيد
اول حاجه عاوزك تعرفها إنو إسمو مكمل غزائي ظابط يعني مكمل للزول المابقدر يوفر إحتياجات جسمو اليوميه سواء كان وضع مادي او غيرو من العوائق
نبدا بمكملات زيادة الوزن /رشن بير (الدب الروسي) الإسكوب الواحد فيه كميه عاليه جدا من الدهون والسكريات والبروتينات الممكن تزيد وزنك في وقت ضئيل جدا..بس على شرط يكون اكلك منتظم ماتعتمد على البروتين بس -عادة بياخزوه الفئات من وزن ال40لي 65 او البعانو من النحافه عموماً
النوع التاني (سرياس ماس) مكمل فيه نسبة دهون متوسطه وبروتين عالي مفيد جداً لبناء الكتله العضلية واكتساب دهون بسيطه مازي قريبو الروشن بير البركز على الدهون اكتر -السرياس مفيد للفئات من وزن 60-70كيلو ...وهو مامكمل لزيادة الدهون بس بشتغل في العضلة برضو ده الفرق البينو وبين الروشن
نمشي للماس جينر ..مكمل مافي فرق بينو وبين السرياس تقريباً نفس القيمه الغزائيه بس السعر ماواحد عشان الماس جينر مامرغوب تقريباً
طيب ندخل في مكملات العضل الصافي ..بقصد المكملات الفيها نسبة دهون بتتراوح من 2-1 في الميه ...دي دايماً بتكون غاليه لانو كل مانقصت الدهون وكان البروتين بيور اكتر او صافي كل مازاد سعرو..
حنتكلم عن مكمل الوي بروتين /مكمل نسبة الدهون فيه قليله شديد وبركز على البروتين والكرياتين والفايتمينات اكتر من الدهون بستخدموهو المحترفين عشان يزيدو كتلهم العضلية بدون زيادة الدهون ومفيد في فترة النشاف
ندخل في الأيزو -حرفياً افضل مكمل ممكن تاخزو وانتا داخل على بطوله لانو نسبة الدهون فيه تكاد تكون منعدمه تماماً وبعدين بيور شديد وغير كده القيم الغزائيه الفيه عاليه جدا عشان كده بنلقا المحترفين بتاعين الإستيج بفضلوهو على باقي المكملات وطبعاً اغلى من الوي بروتين شديد
ماس تك ..مكمل برضو نسبة الدهون فيه قليله إلا إنو مالقا ترويج او رواج لانو مااانفع مع ناس كتار واي زول استعملوا ماشكرو على عكس اقربائو ناس الوي بروتين والايزو
طيب ناخد نفس وندخل في مكمل الهايدرو !ده مكمل غالي شديد ومابستعملو الا الزول العابر في كمال الاجسام تقريباً افضل من الوي والايزو واي مكمل تاني ...ده لو لقيت منو كيلو تلاته علب انتا امورك ظبطت😂💜
نصايح مجانيه ..هل البروتينات عندها أضرار؟
اكيد نعم 😘في ناس عندها حساسيه من اللبن ممكن يضرها لكن الشركات ماوقفت صنعت بروتينات من اللحوم ولو برضو انتا مالحومي في بروتينات نباتيه ..
اكيد نعم 😘في ناس عندها حساسيه من اللبن ممكن يضرها لكن الشركات ماوقفت صنعت بروتينات من اللحوم ولو برضو انتا مالحومي في بروتينات نباتيه ..
وخليك عارف انتا لو لاعب كمال اجسام ماتدي جسمك بروتين من اول يوم نزلت الصاله خلي جسمك يتعود يبني نفسو زي الشافع لمن يولدوه بيقولو ليك مااي حاجه تمسكو توديهو المستشفى خلي جسمو يتعود يعالج نفسو -انتا عود نفسك على البناء الطبيعي -بعد 4شهور ممكن تبدأ وإستشير اخصائي تغزيه أول
هل هو ضار للكليه؟يب ضار لكن متين؟ لمن تستخدمو وماتشرب مويه كتيره تقريباً لو جسمك طبيعياً بستهلك لترين مويه في اليوم اول ماتستعمل البروتين اضرب اربعه لتر مويه -وبزااااااااات الرشن بير ده علق صباره في ضهرك عديل😂
اسمعني ماتستعجل على النتائج 💜أصبر وبعد ماتجيب البروتين ماتنسا الأكل ماتنسا انو مكمل غزائي مابيغنيك عن الأكل -الأكل مهم شديد وبطل السهر ياخ والله بالسهر لو عملت مصنع بروتين جوا جسمك مابتزيد جرام واحد 😢💔
طيب كيف اعمل البروتين شوف هو عبارة عن ميلك شيك 😂بجي بنكهات مختلفه انا غايتو عن نفسي بفضل بالحليب عشان طعمو بجي ظاااابط😢🔪
بالمويه مااادسيس ...
بالمويه مااادسيس ...
إذا في زول عندو نقطه عاوز يناقشها ممكن يجي Dmوبنصل لخطاب يرضي كلا الطرفين💜
الثريد الجاي حيكون عن التغزيه المناسبه ليك ياوحش✌
الثريد الجاي حيكون عن التغزيه المناسبه ليك ياوحش✌
@Rattibha ألحقوني الثريد إتلخبط😂
جاري تحميل الاقتراحات...