رتبها

اليوم بنتكلم عن اهم الأشياء اللي المفترض تكون عند معلمة رياض اطفال عشان يسهل عليها شغلها طبعاً ، من وجهه نظري و استقبل مشاركاتكم 💕 #رياض_اطفال

بما ان اغلب وقتنا في الدوام نكون مع الأطفال و مافيه وقت نجهز فيه متطلباتنا لابد ان يكون عندنا طابعه بحيث تخلصين فيها شغلك 👌🏼

بالنسبه لي كنت مهتمه بالطابعه اللي يكون حبرها كثير و م يخلص بسرعه لاني اطبع كثير 🦋
و اخيراً بعد اكثر من ٥ طابعات لقيت الطابعه اللي توفر علي الحبر و بنفس الوقت الوانها جميلة ما تجي باهته و فيها سكنر👌🏼

هذا هي الطابعه فيها اصدارين :
- HP Ink Tank 315
- HP Ink Tank 415
انا عندي الاصدار الاول شريتها قبل سنه و نص تقريباً بوقت الدوام اطبع فيها بشكل يومي و كميه كبيره و للآن م خلص الحبر فيها ( على نهايته حالياً ) ..

الفرق بينهم ان الاصدار الثاني فيه واي فاي و هالميزه و باذن الله رح ارجع اشتري الاصدار الثاني👌🏼..

شريتها من مكتبه جرير @JarirBookstore
الاسعار :
- الاصدار الاول : م اذكر بالضبط بكم شريتها لكن ٤٠٠ وشوي ( مالقيتها بموقع بجرير لكن ممكن تلقونها متوفره بالفروع )
- الاصدار الثاني : 759 و حالياً عليها خصم 549 👌🏼

و طبعاً عليها ضمان ..
خربت عندي فجاءه و كلمت جرير و استبدلوها لي على طول و م شفت منها اي مشاكل طول هالفتره )
الحبر : متوفر معها
و اذا خلص تقدرين تشترين العلبه ( ٤١ ريال )

الشيء الثاني اله التغليف الحراري مهمه عشان نحافظ على اوراقنا اللي نطبعها لاطول فتره ممكنه👌🏼
استخدمت هذي جداً جميله و تفي بالغرض سعرها ( ٣٤٥ ريال ) موجوده بمكتبة جرير @JarirBookstore

و طبعاً مع الاله لابد من توفر ورق التغليف الحراري سعره ١٠٠ حبه تقريباً ٦٠ ريال و ٥٠ حبه ٣١ ريال تقريياً "

و كذلك شغلنا يحتاج قص ورق كثير و بعد م لقيت هذه الاداة ارتحت بنسبه كبييره من قص الاوراق و الوقت الطويييل عشان اخلص ..
و بنفس الوقت تضمنين الحجم متساوي و القص مضبوط 👌🏼

بالنسبه لي استخدم هذي الاله لقيتها اخف بكثير من اللي قبل و حجمها روعه و لها فتره طويله عندي م تضررت ابداً و استخدامي لها كثير شريتها من سوق كوم م اذكر بالضبط سعرها بس كانت اقل من ٣٠ ريال👌🏼

و هذي خرامه ورق 👌🏼
سهلت علي كثير كثير من قص الاشكال و الاحجام .. متوفر منها كل الاشكال اللي تبون و الاحجام كذلك ضروري ضروري تكون عند كل معلمة 🦋

و هذي من الاشكال الثانيه و اسعارها مختلفه حسب الحجم و الشكل انا اخذت من سوق كوم و علي اكسبرس و جرير 🦋

و هذي الخرامه لتحديد اطراف الورق نفس الصوره لحماية الاطفال 💕"

و افضل هذه الخرامه على الخرامه المعتاده لسهولة استخدامها و تقدرين تشوفين من خلاله المكان اللي تبين تخرمينه بالضبط ، متوفره باغلب المكاتب لكن انا اشتريتها من علي اكسبرس ♥️

و هذي الاداه مره جميله و خفيفه ، تنفع للتاق تكون نفس الخرامه مع تثبيت الزر الذهبي 💕انا اشتريتها من علي اكسبرس و جاء معاها الازرار الذهبي ..

و للمعلمات اللي يحبون يسون توزيعات للأطفال انصحهم بهذا الورق افضل ورق اللي هو ١٨٠ غرام 🦋 ..

و هذي الاداة تساعدك لطي الورق ، طالبتها و ما جربتها للحين متحمسه لها من علي اكسبرس سعرها ٤ ريال لكن مع الشحن ١٥ ريال👌🏼♥️

و الاداه هذي لقص الورق مجرد الضغط على الزر الرمادي تطلع الابره و تقص لك الورق .. الميزه الحلوه فيها انك تقدرين تقصين المنحنيات و الزوايا الصغيره على كيفك من علي اكسبرس 👌🏼♥️".

الى هنا تنتهي فقرتنا لليوم اتمنى دعمكم و نشر التغريدات اذا افادتكم 🦋، و استقبل مشاركاتكم اذا عندكم اي اضافه"💕".

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد