ثريد:
البعض منا يقول انه ما يخاف من الظلام و الوحده و غيرها لكن الواقع اثبت ان كل شخص فينا يخاف من شي معين اليوم بنتكلم عن اسطوره الرجل المبتسم الي من الممكن انه يكون اي شخص تشوفه بالشارع او مخلوق غريب محد يعرف عنه اي شي
البعض منا يقول انه ما يخاف من الظلام و الوحده و غيرها لكن الواقع اثبت ان كل شخص فينا يخاف من شي معين اليوم بنتكلم عن اسطوره الرجل المبتسم الي من الممكن انه يكون اي شخص تشوفه بالشارع او مخلوق غريب محد يعرف عنه اي شي
اليوم بنتكلم عن احداث واقعيه حدثت لشخص في عام 2012 و اسمه تايدل كان شاب ساكن في سياتل و كان شخص يحب يطلع بالليل و مو من عادته انه يطلع في الصباح كان ساكن مع صديقه الي ما يطلع في الليل ابدا و كان دايم نايم بالليل و كان من عادات تايدل انه دائما يطلع بالليل لحاله و يتمشى بالشوارع
يفكر مع نفسه و صار له اربع سنوات يطلع اخر الليل و يتمشى لحاله و ما كان فيه سبب يخيله يخاف من انه يطلع باوقات متأخره و تايدل كان يمزح مع صديقه و كان يقول حتى تجار المخدرات مسالمين و محترمين بهذي المنطقه هذي و لانه يطلع بالليل،ولا تحصل له اي مشاكل و لكن تغير الكلام هذا كله في ليله
في يوم الاربعاء ما بين الساعه ١-٢ اخر الليل كان تايدل يمشي في حديقه بعيده عن شقته و كانت ليله هادئه جداً بالنسبه لأيام الاسبوع و كان في سيارات قليله ولا احد يمشى في الشوارع و كالعاده الحديقه فاضيه ولا فيها اي احد تايدل تمشى و طلع من الحديقه و دخل في شارع صغير و الشارع
هذا كان طريق مختصر لشقته و هنا لمن شافه لأول مره في نهايه الشارع كان فيه ظل لرجل يرقص رقصه غريبه جداً كان الرجل يمشي و يرقص و هو متجه لتايدل و تايدل اعتقد انه سكران فحاول انه يمشي على طرف الشارع بس عشان يعطي الرجال مجال يمر بجنبه لكن كل ما قرب الرجل اكثر كل ما لاحظ تايدل انه
يرقص برشاقه و كان لابس بدله رسميه قديمه ولمن قرب بزياده قدر تايدل انه يشوف ملامح وجهه كانت عيونه واسعه و مفتوحه بشكل مخيف و كان منزل راسه ع ورا و يطالع و فمه كان مفتوح بشكل كبير و مؤلم كانها ابتسامه شخصيه في فلم كرتون مرعب و قرر تايدل انه
يقطع الشارع و يعبر للجهه الثانيه قبل ما يقرب منه هذا الرجل اكثر و ابعد عينه عن الرجل شوي عشان ينتبه للشارع و هو يقطعه و لكن لما وصل الجهه الثانيه و ناظر المكان الي كان فيه عشان يشوف وش سالفه الرجل هذا و هنا كانت الصدمه الكبيره
لتايدل الرجل الغريب هذا كان واقف بنص الشارع و رافع رجل وحده بالهوا و كان واقف في جهه تايدل و لكنه كان يطالع بالسماء و كان مبتسم ابتسامه مخيفه جدا و تايدل ما كان ابداً مرتاح استمر بالمشي و لكن عينه كانت ع الرجال هذا بس عشان يتأكد انه
الرجل هذا ما يلاحقه طبعاً الرجل كان واقف في مكانه رافع رجل وحده بالهوا و بأبتسامته المخيفه يطالع بالسما و مشى تايدل الى ما ترك مسافه بينه و بين الرجل الغامض هذا و لف وجهه للحظه وحده بس عشان ينتبه للرصيف الي قدامه طبعا الشارع قدامه كان فاضي ولا فيه اي احد و لما رجع يناظر ورا عشان
مكان الرجل المبتسم ما لقاه موجود ايوه بالضبط الرجل اختفى من مكانه و حس تايدل بالارتياح للحظه الى ما لاحظ ان الرجل قطع الشارع و جا وراه لكن المره هذي المره كان الرجل منزل جسمه ع تحت عشان تايدل ما يلاحظ و لكن تايدل قدر انه يلاحظه من الظل حقه تايدل يقول انه بس ابعد عينه لمده ثواني
عشان ينتبه للرصيف الي قدامه و لكن لما طالع وراه لقى الرجال هذا قطع الشارع و صار ورا تايدل كان مصدوم لدرجه انه ما يتحرك ولا قدر يسوي اي شي بس كان واقف في مكانه يطالع في الرجلل هذا و هو متجه له الرجل المبتسم كان قاعد ياخذ خطوات كبيره و يمشي ع اطراف اصابعه و كانه شخصيه كرتون
قاعده تتسلل ورا احد و كأنه كان قاعد يتحرك بسرعه كبيره جدا طبعاً تايدل ما تحرك ولا طلع جواله عشان يكلم احد ولا ضرب الرجل ولا سوا اي شي بس ظل واقف و تجمد بمكانه من الخوف و ما سوى اي شي الى ما الرجل المبتسم وصل لعنده و وقف قدامه و ابتسم وقعد يطالع بالسما و قعد واقف قدامه الى ما
تايدل استجمع قواه و قال له what do you want(ماذا تريد)وقالها بنبره صوت مليئه بالخوف و لكن الرجل المبتسم ما كانت عنده اي رده فعل ضل واقف مبتسم و يطالع بالسما مرت الدقائق وكأنها ساعات الى ما لف الرجل المخيف و مشى و رقص بالاتجاه المعاكس و قعد الرجل يمشي و يمشي الين ما اختفى
عن الانظار و بعدها لاحظ تايدل ان الرجل هذا لف وقعد يركض باتجاهه بسرعه جنونيه و للحين الابتسامه المخيفه و عيونه مفتوحه بشكل جداً مخيف و قعد يركض بسرعه جنونيه باتجاه تايدل على طول بدا تايدل بالهروب قعد تايدل يركض الى ما وصل الى الشارع الرئيسي فيه شوي سيارات تمشي و طالع وراه و
ما لقى احد الرجل اختفى و هو راجع البيت ضل يطالع وراه خايف انه يشوف ابتسامته المخيفه لكن لحسن الحظ انه وصل بيته بسلام تايدل يقول انه قعد بالمدينه هذي لمده ٦ شهور بعد هذي الحادثه و بعدها ما طلع يتمشى اخر الليل ولا يفكر انه يسويها مره ثانيه ولكن
ولكن في شي غريب في وجه الرجل هذا قعد يطارده الى يومنا هذا و يواجهه بالاحلام ما كان سكران او متعاطي مخدرات ولكن شكله كان كانه مجنون لدرجه كبيره و التجربه هذي كانت مرعبه لدرجه ما تتخيلونها طبعا ي جماعه القصه حقيقيه و اعتقادي الشخصي ان الي يخوف بالموضوع ان الشخصيه هذي مو جني او شبح
او وحش اعتقد انه شخص عادي لكن عنده طقوس معينه يسويها بالشارع اخر الليل ممكن يكون ماخذ مخدر و يخطف الناس و يسوي فيهم اشياء مخيفه الرجل المبتسم هو موجود بحياتنا و في قصص كثيره لناس واجهو الرجل هذا و يقولون انه مخيف جداً
و بكذا نكون وصلنا لنهايه القصه و اتمنى انه نالت اعجابكم
جاري تحميل الاقتراحات...