رتبها

{ازمة الدواء من المسؤول }
لازم تعرف انو الأزمة ما جات مع الحكومة الإنتقالية ،هي قديمة جدا وبالتحديد من 2011 لمن قيمة الجنيه انخفضت قدام الدولار طبعا حكومة بشه حلت الازمة بأسلوب المسكنات حلول لحظية #ازمه_الدواء_من_جديد

رجعت الازمة كيف ؟ في يناير بنك السودان ألغي نسبة 10 %من حصيلة الصادرات الغير النفطية الكانت مخصصه لاستيراد الدواء ،في مارس الحكومة رجعت النسبة تاني لغاية ما جاء حمدوك ولغي النسبة في مشهد عبثي ما بحصل الا عندنا يدل علي تخبط القرارات #ازمه_الدواء_من_جديد

صراحة الوضع سيء لدرجة انهم ماعارفين يعملو شنو،والوضع بقي ماشي متذبذب لغاية ما كتمت في مايو وبقي في شح ملاحظ في الأدوية اضطر اصحاب الصيدلايات يضربو بس ادخل حمدوك وكسرو الإضراب #ازمه_الدواء_من_جديد

وبدأت المفاوضات مابين مصنعيين الادوية واصحاب الصيدليات عشان يتخطو الازمة ،اتحددت تسعيرة (المجلس الأعلي للصيدلة والسموم) بتتناسب معاهم زيادة 160 % بس اكرم اتدخل ولغي التسعيرة والموضوع كتم شديد #ازمه_الدواء_من_جديد

سيبك من الاتهامات المتراشقة مابين اكرم والبدوي وقصة 140 مليون دولار والحملة المضللة البقودها اعلام المحور لغاية في نفسهم ضد أكرم التوم مع انو الحكومة دي فيها من الفشلة مافيها (مدني مثلا) #ازمه_الدواء_من_جديد

الدواء مادة استراتيجية زي الدقيق والمحروقات مفترض الحكومة تعمل سياسة مدروسة واعتمادات سنوية بقيمة المبلغ الممكن يوفر الدواء حسب المتداول القيمة 650 مليون دولار
اصحاب المصانع مشكلتهم كالأتي : #ازمه_الدواء_من_جديد

المشكلة تكمن في الدولار قطاع الأدوية بحتاج 55 مليون دولار شهريا تتوزع كالأتي : 20 مليون لصندوق الإمدادات الطبية ،25 مليون لأستيراد الدواء ،10 مليون للتصنيع الدوائي . #ازمه_الدواء_من_جديد

للاسف اغلب مشاكلنا في توفير العملة الصعبة ،الحكومة عندها عجز كبير وما بتقدر توفر الدولار للمصنعين يعني لو المصنع مشي يشتري بسعر البنك ما بلقي حاجة لانو ماف #ازمه_الدواء_من_جديد

بضطر يشتري من السوق الاسود ، السوق الأسود عندو عواقب بتحملا في النهاية المواطن ،وعليه اقرو زيادة بنسبة 160 % وأكيد ما ببيعو بالسعر القدم وعليه التوزيع اتوقف #ازمه_الدواء_من_جديد

حسب علمي في اخر اجتماع مابين وزير المالية والصحة والصناعةحمدوك قدرو يقنعو البدوي يوفر 20 مليون ويدفع 5 مليون ديون الشركاتفاضل 35 مليون الحكومة كايساها ولاسف ده حل لحظي ونفس اسلوب المسكنات #ازمه_الدواء_من_جديد

لو الحكومة عجزت عن التوفير أكرم بيضطر يرجع للحاجة الرفضها قبل كده ودي حاجة سيئة ،خاصة انو استثمارات قطاع الادوية قيمتها 1.2 مليار دولار واغلبها مملوكة لانصار النظام البائد ، في النهاية الحل الجذرى في معالجة الاقتصاد الكلى علي المدى البعيد ونتخطي كل الازمات #ازمه_الدواء_من_جديد

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد