ابي تقولون قصه تخوف او موقف غامض يحتاج لتفكير وتحليل وتدقيق
بسألكم ماقد صحيتوا بالليل على صرخه صوت صرخه بس تحسونه عند وجوهكم وتصحون ماتلقون احد
استنوا بشغل اللمبه وبفتح الشباك وبقولكم بالتفصيل
عندي قصتين صارت لي شخصياً بقولها مو تخوف عاديه
اول سالفة اني مره نايمه المهم صحيت على صرخه والله ماكذب عليكم صرخه بوجهي قوييه لدرجة اني حسيت بالهواء بوجهي من قوة الصرخه طبعاً صحيت وحسيته حلم وقتها بس ماستوعبت الا بعدين والصرخه والله كاني اسمعها الحين قويه وبنفس الوقت مكتومه مع فحيح مدري كيف اشرحها
السالفة الثانية شوي طويله ....... وتخوف
المهم اني بغرفه وهذي الغرفة فيها انا واختي مشتركين فيها ومره من المرات وانا فيه ونايمين اسمع صوت ماتعرفون مكانه بالضبط صوت تحسونه عادي بس لا مزعج ومتكرر مو مره مرتين لا صوت خفيف متكرر ومزعج وكان احد يطق بالخفيف شفتوا الباب اذا طقيتوه بأصبع بالضبط نفس هذا الصوت
اليوم الثاني بعد نفس الحاله اكون نايمه وفيه صوت طق بالخفيف واقول لاختي تسمعين تقول لا وانا مابعد عرفت مكانه بالضبط بس مزعج وهو يتكرر ماعرفت انام قسم بالله واسألها ومصره ماتسمع شيء وانا والله اسمعه ومقلقني وهي تقول انتي موسوسه
اليوم الثالث وكذلك نفس الشيء خلاص تعبت واشغل اللمبات والا غصب اعرف مصدر الصوت وادور بالغرفة افتح الدواليب وافتح الشبابيك ادور واختي تحسبني انهبلت قالت الافلام لعبت بك وطفيت كل شيء وحطيت سماعاتي بأذني وشغلت قران ونمت
جاء اليوم الرابع ولا سمعت شيء بغيت اموت من الفرحة حسبت اني فعلاً اتوهم المهم وانا خلاص غافية الا اسمعه صوت الطق رجع وربي بكيت بكيت لدرجة تخيلت ان فيه احد يطق علي الشباك
وجلست ايام ايام وانا خلاص في بالي ان هذا شخص يطق على الشباك واستسلمت لدرجة لو لبست سماعه وشغلت احس اني اسمعه او ان اذني تعودت والله صرت ارتاع من النوم قلت بأي وقت بيدخل يده علي من الدريشة ومرت الايام الين اكتشفت ان الصوت مصدره
مكيف اخوي الي فوق ينقط على مكيفنا ويوم علمت اختي قالت " ليش وانتي من اول تقصدين ذا الصوت " يعني لو من قبل قالت اي اسمعه كان ارتحت بس سبحان الله
جاري تحميل الاقتراحات...