الناس اللى كانت بتسألنى عن بديل تطبيق الاجتماعات الاونلاين Zoom، دلوقتى بس اقدر اقولك وبالفم المليان هو Google Duo، جوجل Duo يادوبهم امبارح قاموا بتطبيق التشفير من الطرفين End to End Encryption او E3EE (يتبع)
بمعنى ان رسائلك، مكالمات الفيديو، الايموجيز او اى شئ بيتم مشاركته على الخدمة من صور وفيديوهات وروابط هيكون مشفر من الطرفين بإستخدام بروتوكول Signal القوى حتى الان والمعترف بيه من قبل شركات تقنية كبيرة جدا واللى اتكلمنا عليه فى الثريد اللى فات ارجعلها لو عايز تعرف اكتر)
الجميل ان خدمة جوجل Duo قامت بتطبيق تشفير الرسائل من الطرفين بشكل تلقائى، وكمان دعمت المكالمات عن طريق المتصفح وبالشكل دا مش هتحتاج تنزل اى تطبيقات على الكمبيوتر اكتر من متصفح الانترنت نفسه (على عكس اللى كان بيعمله Zoom زمان وبتضطر تنزل تطبيق على كمبيوترك كان مليان ثغرات وبلاوى)
زوم للأسف سقطوا سقطة كبيرة جدا لما المدير التنفيذى بتاعهم طلع فى لقاء صحفى على موقع Bloomberg وقال نصاً انهم مش هيدوا ميزة التشفير من الطرفين End to End Encryption لمستخدمى تطبيق زووم المجانيين، دا هيبقى للمستخدمين اللى بيدفعوا بس"
بعيدا عن ان دا لوحده بيضحد حق اى مستخدم فى الخصوصية واصبحت الخصوصية بالنسبالهم شئ لازم تدفع علشان تاخدة زاد الطين بله وقال "لانهم محتاجين يتعاونوا مع ال FBI وال Law Enforcement Agents بإنهم يسلموهم كل محتويات الدردشة للمستخدمين المجانيين اللى (محتمل) انهم يخرقوا القانون"
طبعا احنا عارفين ان (محتمل) دى تحمل معانى مطاطة كتيرة جدا علشان كدا الخصوصية دى حق مكفول من حقوق الانسان (مجرم او برئ سواء اتفقت ام اختلفت)، طبعا حقهم وتطبيقهم ويعملوا اللي يعملوه بس جوجل اللى هيا اكبر منهم بمراحل تفهمت النقطة دى واطلقت الميزة لكل المستخدمين دون استثناء
جوجل عايزة تاخد اللقطة والشو؟ جايز، عايزة تكسب مستخدمين اكتر؟ حقها!
طبعا انا متفهم ان فى كتير شايفة جوجل هى الشرير الاعظم بس صدقونى لما بنتكلم عن التشفير من الطرفين الجزئية دى تحديدا مفهاش اشرار بالمعنى الحرفى.
طبعا انا متفهم ان فى كتير شايفة جوجل هى الشرير الاعظم بس صدقونى لما بنتكلم عن التشفير من الطرفين الجزئية دى تحديدا مفهاش اشرار بالمعنى الحرفى.
هل كل الكلام الحلو اللى فات دا بيعنى ان Google Duo مش هيبقى فيها ثغرات؟
لا، بحسب خبرتى فى اكتشاف الثغرات فى كبرى الشركات سواء جوجل او فيسبوك او مايكروسوفت او غيرهم اى خدمة فيها وهيبقى فيها ثغرات الى يوم الدين، دا ملهوش اى علاقة بتقديم حق مكفول من حقوق الانسان ألا وهى "التشفير"!
لا، بحسب خبرتى فى اكتشاف الثغرات فى كبرى الشركات سواء جوجل او فيسبوك او مايكروسوفت او غيرهم اى خدمة فيها وهيبقى فيها ثغرات الى يوم الدين، دا ملهوش اى علاقة بتقديم حق مكفول من حقوق الانسان ألا وهى "التشفير"!
جاري تحميل الاقتراحات...