صار موقف بيني و بين الممرضه اللي معايه امس بحيث كانت فكرتها انو خلاص اذا مريض العناية في غيبوبه خلاص ما حيسمعني او يحس فيا و في وجودي عشان كدا لما اسوي الشيء مو ضروري اكلمه او اني اقله ايش بسوي !!!
لا لا لا لا لا لا لا، مريض العنايه يسمعني و يحس فيا و ممكن تجي اوقات لو ربي كتبله يقوم من الغيبوبه حيفتكرني والله العظيم. ترا يحسو و يسمعو بس مو قادرين يتكلمو او يقولو ايش مضايقهم او ايش يعورهم، مو معناته ترا ما يتألمو ! طبعاً يحسو بألم بس مو قادرين يتكلمو !!
حرفياً امس كانت مريضتي ضربات قلبها جداً سريعه و الدنيا حايسه و مني عارفه ايش اسوي محد بيسمعني حاولت اني اقرأ عليها في أذنها و اهديها و اقلها لا تخافي حتصيري كويسه والله يا جماعه ما ابالغ نبضاتها رجعت كويسه لما جو كلهم يساعدوني و هديت 😭♥️
هذا كان ابسط دليل جا في نفس وقت نقاشنا و اثبتلها انو يسمعونا و يحسو فينا عشان كدا حتى جمبهم لا نقول شيء يضايقهم او نتناقش بصوت عالي عشان ترا يتضايقو من الازعاج زينا ♥️😔
يسمعونا و يحسو فينا لكن مهم قتدرين يكلمونا او يقولو شيء 💔اقلها نرفق بيهم و نعاملهم برحمه شويه، قبل اي شيء ربي شايف ايش تسوي و عالم اذا محد عرف انتي ايش سويتي ولا كيف عاملتي المريض حتى لو هوا مو قادر يقلك عورتيني و دا غلط و ليش كدا سويتي او بتألم
اللهم اشفي كل مريض يا رب و ارفع عنهم يا رب العالمين ♥️كيف سبحان الله جا موقف بسيط اثبت فيه كلامي للمرضه و فعلاً صدقتني و قالتلي كيف كدا صار قلتلها عشان انا هديتها و سمعتني و هديت عشان مو قادره تعبر عن الألم ولا تعبر عن الاحساس اللي تحسو
شغفي في العنايه المركزه ماكان موجود ايام الجامعه، لكن لما قربت و عرفت ايش يعني مريض عنايه مركزه و ايش يعني عناية حرجه و كمية الرحمه و البركه و الأجر و التوفيق اللي ينزل عليكي من اوسع ابواب الرحمه، شغفي بدأ يزيد و خلاني اتمسك بيه لين قدرت اثبت نفسي اكثر و اكثر
فعلاً كل يوم بيصير موقف معايه و بنحط تحت الأمر الواقع و يعلمني شيء كبير ما يخليني انساه في حياتي كلها و اتعلم انو رحمة ربنا وااااسعه ♥️وانو واقف معايه و شايفني و يساعدني ♥️ و نعم بالله تعالى
هذا فيديو يحكي عن وحده كانت في العنايه وفي غيبوبه و افتكرت كلللل شيء لما صحيت youtu.be ♥️♥️♥️♥️فعلاً مره يجنننننن
احب اقول فعلاً لكل احد جاني في الخاص و قلي كلام يفرح و كل احد كتبلي في العام شكراً شكراً على الكلام الحلو و الطاقه الاجابيه اللي اديتوني هيا الله يسعدكم يا رب ♥️♥️♥️♥️
جاري تحميل الاقتراحات...