رتبها

ثريد عن تجربتي مع مرض الترايكوتلومانيا
#trichotillomania
Excessive hair pulling disrorder
متلازمة نتف الشعر
معليش، المحتوى ده ممكن يكون مزعج لبعض الناس..
Warning: graphic content

من وانا في الثانوي بديت الاحظ اني لما اكون قاعدة اقرا، او بحضر في حاجة ومندمجة فيها اني بمسك شعرة شعرة من راسي وببدا اقلعها..
في الاول ما فكرت في الموضوع كتير، حاولت اوقف وامنع نفسي وبديت افكر انه كده غلط لكن ما عندي اي قدرة للتحكم في الموضوع ده
فجأة بنتبه لنفسي وفي شعر في يدي

كبرت شوية وبديت افتش عن الموضوع
كنت بكتب قي قوقل I pull my hair
How to stop pulling hair
كنت قايلة نفسي الوحيدة في العالم البعمل كده، وكنت حاسة بي احراج وزعل واكتئاب وزهج وكمية من المشاعر اللي ما كنت قادرة احكيها لي اي زول

لقيت انه مرض متلازمة نتف الشعر بيصيب من ١ لي ٤% من سكان العالم، بيصيب الرجال والنساء
في مراحل عمرية مختلفة، لكن غالبا بيظهر في الطفولة او المراهقة
النساء عرضة للإصابة بيه عشر اضعاف الرجال
وحتى سنة 1885 كان بيعتبر "عادة سيئة" لغاية ما أطلق عليه الاسم سنة 1889

التريش "اسم مختصر" عنده اشكال وانواع مختلفة
في بعض الناس بينتفو شعر الرأس، في جزء بينتف الرموش او الحواجب، عند الرجال ممكن يكون نتف الدقن
وفي ناس بينتفو اي مكان في جسمهم

لانه الناس ما عارفة بالمرض ده، ممكن يؤدي لي حالات اكتئاب وقلق مرضي
وفي بعض الحالات اصلا المصابين به بيكون عندهم امراض نفسية تانية زي القلق او الOCD
وأسوأ حاجة فيه انه الزول ما بيكون عايز يتكلم عنه، لانه حاسي انه غريب ومرفوض وما قادر يتحكم في روحه
مع انه الدعم النفسي اهم شي

من الحاجات القدمت لي support وساعدتني افهم كيف اتعامل مع المرض ده كانت الزول دي
youtu.be
عندها قناة شخصية كانت بتنزل فيها رحلتها مع المرض وحاجات تانية، والقناة دي.. متخصصة في نصائح حول كيف تتعامل مع المرض

التريش للأسف اسبابه ما مؤكده، لكن بعص الأبحاث بتربطها بأمراض نفسية، ومعظمها بيقول ما بالضرورة
وللأسف برضو ما عنده علاج مثبت حتى الان
في بعض الناس بيستعملو أدوية خاصة بالاكتئاب او الوسواس القهري عشةن تخفف من اسبابه

في بعض الناس بيفضلو يحلقو شعرهم عشان ما يواصلو في نتفه
في جزء بيفضل يتعايش معاه زي ما هو، وناس في الوسط بيحاولو يخلو اياديهم دايما مشغولة بي العاب أو غيرها
ويمرنو نفسهم عشان يكونو منتبهين لي كل مرة يحسو باحساس قوي لي نتف الشعر

بض النظر عن الطريقة الحتتعامل بيها مع التريش،
اعرف انه انت/ي ما براك
انت/ي ما مجنون او غريب او freak
مفروض ما تخليه يأثر على صحتك النفسية وحياتك
ولو في زول في حياتك عنده التريش حاول ادعمه في الرحلة دي لانه الموضوع ما سهل أبدا

بالنسبة لي...
ما كنت بحكي الحاجة دي لي اي زول، وكل مرة ناس البيت او صحباتي بيلاحظو اني بقلع شعري بحس بالذنب وبحاول ادس الشعر واغطي آثار فقدان الشعر البتظهر بي تسريحات معينة
مرة او مرتين حكيت لي ناس عن الموضوع ده، وما قدرو يفهمهوه كويس ف بطلت احكي

قبل اسبوع قررت افتش قروبات في الفيسبوك فيها ناس عندهم مرض التريش واشوف بيتعاملوه معاه كيف
الحاجة دي مفيدة بصورة تفوق الخيال..
لأول مرة (بعد لقيت قناة اليوتيوب الفوق) احس انه انا ما براي وفي ناس بيمرو بنفس المعاناة دي، ومع انها حاجة ما بتتعالج، لكن ممكن تتعايش معاها

الليلة بعد ما اتونست مع صديقة عزيزة علي شديد، وحكيت ليها، حسيت بي راحة نفسية وحبيت اشارك التجربة دي هنا، عسى ولعل اقدر اساهم في انه زول او اتنين يحسو انهم ما براهم والناس الحوالينا تفهم وتقدر تتعامل مع المرض ده

انا بكتب وبمسح لي ساعة تقريبا...
It is not easy..
اذا وصلت/ي الحتة دي، شكرا ليك..

شكرا لكل الناس الرسلو لي، او شاركو تجاربهم
You are not alone 💕
بس حابة اوضح انه في ناس ممكن تكون حصلت ليهم الحاحة ي مرة او مرتين، التشخيص بتاع انها بقت متلازمة بيكون ي حاجتين:
في آثار فقد شعر ظاهرة
عدم القدرة على التوقف بعد كم محاولة

معليش للناس الحست انه الكلام مخيف او مكبر
زي ما قلت، اشكال الحالات وحدتها مختلف من زول للتاني
في بعض الحالات الزول بقدر يسيطر عليها، وبعضها محتاج يمشي لطبيبب نفسي

ياريت اي زول حاسي بالحاجة الاتكلمت عنها فوق دي بالضبط، ولسه بيعاني منها يرسل لي
Support can help you and me through this

@hindmabdelmoti كل الحاجات للاقتني هي hair pulling
يعني قلع الشعرة من جذورها، لكن افتكر ممكن تتضمن في العادات القهرية واللي الزول بيكون ما قادر يتحكم فيها
عموما 💕💕
برضو فتشي عنها وشوفي الناس بتتعامل معاها كيف

@QuotedReplies

youtube.com