فعاليات وشغل يالله يالله😍
اممم اول حاجة كنت في الابتدائي مسالم واباري الساس ولا لي بالمشاكل وقليل الكلام، وبحكم الشي ذا فيه مدرسين اذا طلبوا الطلاب بدنية قالوا الكلمة النهائية عند فلان وانا الي احدد ياندرس او نطلع بدنيه
ثاني امر قابلت اشكال وانواع من الطلاب الهيبة عوض والمغرور عبدالعزيز والمصري الدافور احمد والصعيدي المنتهي محمود، لكن صديقي كان اسمه ماجد يمني كان من ادشر مخلوقات الله لكن مستححييل يكذب حتى لو راح يعاقب وهذا الشي معجبني فيه
ثالثا كان فيه طالب من التويجري عرف اسم امي وكل ماشافني:
رابعا في اليوم المفتوح في الابتدائي قررت ابيع حليب ميلك شيك وكنت احببه مرة فخلصته ربعه وربعه هدية وبعضه آجل وكان اول مشروع تجاري خسرت فيه
خامسا في رابع ابتدائي قررت اني اشد حيلي عشان اخذ جائزة الطالب المثالي وبالفعل اخذت الطالب المثالي وكانت الهدية كتب رياض الصالحين والاصول الثلاثة وطقم كيسان من بعدها وانا في انحدار
٦-كان احمد رئيس الباص كان اكبر من الباص "في وقتها والا هو عادي" كان المسيطر والرئيس الظالم المفتري، كان متعصب للهلال فعلم في احد الايام ان ابوي نصراوي فجلدني وقال خله يشجع الهلال وبحكم نفوذه التزمت الصمت حتى وصلنا البيت وفي نزولي ضربته وبصقت عليه اجلكم الله
انتقام بثلاثة ريال
انتقام بثلاثة ريال
٧-اما في المتوسط فكنت الطالب المشاغب الي يلعب وبس اكبر همه الضحك والاستهبال ولكن كنت احافظ تلى نسبتي حيث اني لا أهوي ولا ارتفع، وكانت بداية تكوين العلاقات الي مستمرة لهذا اليوم والحمدلله
٨كنت انا واثنين من الجيران في نفس المدرسة فكنا نروح مع هذا ونجي مع هذا، وكلهم له اخت في الثانوي فكانت قدام وحنا ورا وفي مرة وحنا راجعين قالت البنت لولد جارنا الثاني" دحوم كتبت حرفك على يدي" مع انه في اول متوسط وهي ثاني ثانوي، مدري وش وضعهم لكن الضحكة مالية وجهه تذكربالخير يالحامد
٩-في اول ثانوي درست في الرياض فكنت الى دخولي هذه المدرسة كفته بيضا ولكن بعد دخول لهذا المستنقع تعلمت اشياء كنت اجهلها ولا اعرف وشي من بلاوي الشباب وكان الباكستاني محمد وخالد الحربي هم يعني الي يعنني انظف اثنين ومعطيني وجه، مستحيل يدخلون ٢ دورات المياه كامله كل ابو الدورة يدخلها ١
١٠ نقلت الفصل الثاني لمدرية ثانية والي قضيت الثانوي فيها، كانت المدرسة مافيها شرعي وانا مصمم ع الشرعي فحاولوا يصرفوني ولكن لولا تثبيت الله لي وبعض الاخوان وبعد مطالبات وتهرب الادارة فتحنا شرعي غصب عن الادارة بفضل الله وقوته
١١ طول مسيرتي الدراسية ماخذت تعهدات الا يوم دخلت الشرعي، طاقة المتوسط مازالت موجودة، كان دوامي دوام ملوك اجي ٩ واطلع ١١ العب بالجوال وارجع و١ اطلع للبيت طبعا تهريب واتفافيات ولله الحمد، لكن رغم هذا وجودنا في المدرسة كان محييها فكانت النشاطات ماتوقف بحكم قلة المدرسين عند الشرعي
١٢- طبعا كل النسب من اول متوسط لثالث ثانوي ماخرجت عن ال٨٠ اخر شي كانت ٨٨، اختبرت قياسين الاول كان ٥٩ والثاني كان٨١ ولله الحمد
١٣ دخلت الجامعة بعد الثانوي الحمدلله ولكن كنت اجهل نظام الجامعة فكنت اتخبط واحاول واسعى ولكن خاب مسعاي فكان المعدل سيئ
١٤ حاولت بعدها وبدأت برفع المعدل والحمدلله وصلت لمعدل مرضي جدا جدا، في احد المستويات حصلت لي ظروف اهوتني للأرض فذهب بعض جهدي.
الحمدلله على كل حال
الحمدلله على كل حال
١٥ اتممت في الجامعة ٥ سنوات من اصل ٤ والشباب تخرجوا وتوظفوا الله يوفقهم ويهنيهم يارب وخويكم للحين يتسحب مشكلة لاصرت ملول تتعب على غير سنع
١٦ رغم تخبطي الجامعي وبهذلتي وتأخري في الدراسة إلا انني القدوة في الدراسة بالنسبة لأهلي والصامل الي غصب يبي يتخرج، الحمدلله النظرة ذي ترضي:)
جاري تحميل الاقتراحات...