ثريد لأهلي وتقسيمهم للخريف وزمنو ونوع المطر البنزل فيهو
عِين الصيف ( الانواء ) نجوم تظهر في السماء عبارة عن السماء بكون مليان نجوم و الجو كاتم اخر الصيف و قبل بداية الخريف
يوم 22\4 اول عِينة في الصيف تسمى بالنطح
العينة التانية البِطين الفرقة بين العينة والتانية الفرق بيهما ١٣ يوم
العينة الثالثة التريا ( الثريا )
العينة الرابعة الدبران ( اب ريا )
العينة الخامسة الهنعة ( عصاة الهبوب ) و دي الايام الحالية دي بكون فيها غبار وهواء
العينة السادسة الهقعة ( العصا الرويانة ) ايذاناً بنهاية الصيف
العينة السابعة اب ضراع بكون نصها خريف و نصها مطر بتدخل علينا يوم ٩ شهر ٧
يوم ٢٢\٧ تبديء عِين الخريف و تبدأ بالعين الاولى النترا دي بكون فيها مطر سريع و ممكن يجي و الشمس كاشفة او بالنهار
العينة التانية الطرفة البكاية مطرها بكون راسي و غزير وبكون فيها اعلى نسبة رطوبة جو يشهدها السودان بتبدأ يوم ٤ شهر ٨
بكون فيها برضو اعلى زيادة في منسوب موية النيل
العينة التالتة الجبهة عددها ١٤ يوم
مطرها غالباً بتصحبو سيول وفيضانات تنتهي يوم ٢٩/٨
مطرها غالباً بتصحبو سيول وفيضانات تنتهي يوم ٢٩/٨
يبدأ بعدها الخيرصان حيث الامطار الليلية تسمى بالسواري تصحبها وتكثر فيها البروق و الذوابع الرعدية
بعد الخيرصان يبدأ الصَرِف يبدأ فيهو انصراف الحشرات الموسمية البتجي مع الخريف
العِواء نجمة العواء هي اخر نجمة في كوكبة العنقريب بقولو عليهو اهل الفلك ( بنات نعش )
السِماك حيث تكون أخر عِين الخريف
اهلنا بقولو السماك يا مطر كفاك و يا بحر بي وراك يعني ينتهي موسم المطر و يرجع النيل الى مجراهو الطبيعي
وبي كدة ينتهي فصلي الصيف و الخريف
اهلنا بقولو السماك يا مطر كفاك و يا بحر بي وراك يعني ينتهي موسم المطر و يرجع النيل الى مجراهو الطبيعي
وبي كدة ينتهي فصلي الصيف و الخريف
جاري تحميل الاقتراحات...