(#ثريد): سجن الهاوية:
(بعض الأماكن دخولها ليس كخروجها.. اذا خرجت).
.
⭕ رتويت ولايك قبل ما تبدأ الثريد زاتو ⭕
.
(بعض الأماكن دخولها ليس كخروجها.. اذا خرجت).
.
⭕ رتويت ولايك قبل ما تبدأ الثريد زاتو ⭕
.
انا منذر عمري ٢٨ سنه موظف في بنك بدت القصة لمن قررنا انا واصحابي نسكن في عمارة في بحري قريبة للبنك الشغالين فيهو وما كنا اصلا بنقعد في البيت كتير بنجي راجعين من الشغل بليل ويا اما اكلنا برا ولا جبنا معانا اكلنا جاهز فا ما كنا بنلاحظ شي.
والغريب ف العمارة انو سعر الايجار حقها كان بسيط بالنسبة لباقي الشقق شكينا ف الاول لكن السعر اغرانا والموقع قريب من الشغل فا وافقنا..
لمن جينا ننقل العفش للشقة كنا شغالين انا واصحابي الاتنين بس وما كان في حس زول ف العمارة غير بس ف الشقة القصادنا طوالي بنسمع صوت جري ولعب حق اطفال اما باقي العمارة هادية ومافيها حس مع انو العمارة شكلها قديم وصاحب العمارة ما مهتمي بيها..
عدا الاسبوع الاول وما كان في شي غريب صراحة انا مالاحظت شي ولا كنت ما بركز لكن صاحبي معاذ البدا يلاحظ اول واحد وكان مرة حكى لينا انو مرة صحى بليل عايز يمشي المطبخ يشرب موية لقا خيال اسود واقف ف نص الصالة وكان قايل نفسو بيحلم فلمن مشا وجا لسة شايفو بيتحرك ف الصالة رجع نام سريع..
وشوية شوية لحدي ما اخدت اجازتي السنوية كنت مخطط اقعد لي اسبوع كدا راحه واسافر لاهلي لانهم ساكنين فولاية تانية..
⭕ فولو. رتويت. لايك. للمزيد⭕
⭕ فولو. رتويت. لايك. للمزيد⭕
كنت نايم فجأة حسيت بكركبة وصوت طفل بيضحك برا الغرفة؟ انا استغرب وقمت من السرير وفتحت الباب اشوف في شنو؟ ما لقيت اي شي والباب مقفول ومئمن بالمفتاح وانا براي ف الشقة فجاة سمعت صوت كباية اتكسرت ف المطبخ جريت على المطبخ لقيت مافي اصلا حاجة انكسرت!! لكن انا متاكد من الصوت.. فجأة!
شفت طفل واقف فنص الصالون وبتبسم وبعاين لي خاتي يدينو ورا ظهرو. قلت لي انت منو؟ ما ردا ولسة بعاين لي وبتبسم. عدتها تاني فجاة اتحرك على الباب وقالي ارح!
. بس الاغررررب!! الشي الخلاني مستغرب وخايف! طفل عمرو ماتامي ال١٠ سنوات صوتو صوت راجل تخيين شديد!!
. بس الاغررررب!! الشي الخلاني مستغرب وخايف! طفل عمرو ماتامي ال١٠ سنوات صوتو صوت راجل تخيين شديد!!
مسك مقبض الباب وفتح عادي مع انو الباب انا متأكد مقفول بمفتاح؟ تاني عادا لي بنهرة قالي (أرح!) انا ماعارف مالي لكن زي البقيت ماشي بدون ارادتي والله ماعايز امشي لكن رجولي بتتحرك ورا الولد.
طلعنا من شقتنا فجاة الباب القصادنا فتح براااهو انا قلبي بدق وبتديت اقرا قران بس لسة الطفل ماشي وانا ماشي وراهو لحدي ما دخلنا الشقة ووقفت فنص الصالة حقتا.
الشقة فاضية مافيها ولا قطعه عفش واحدة الارضية مليانه غبار وريحه مقرفة شديد وفي جيف بتاعت حيوانات ميته من مختلف الانواع كلاب خرفان حمير ومن شدة ما معفنه لحدي مافيها دود والارضية كلها كدا.
انا واقف ف نص الصالة فجاة الحشارات والدود كلها بدت تتحرك ف اتجاهي وانا زي الصنم واقف بقيت بقرا ف اية الكرسي فنفسي والحشرات جات ف رجولي وبقيت بحس بمشيها. فجاة لقيت قدامي ٣ بس اشكالهم ما بشر قصار وجلدهم متعفن ومقدد وجزو منو محروق انيابهم كبيرة وصفرا وعيونهم مليانه وحشية ورعب..
قالو لي (اطلعوا من هنا ولا حنقلب حياتكم جحيم دا التحذير الاول والاخير) فجاة الحشرات بدت تطلع لحدي ما غطتني كلي جات فوشي وبقيت بشم ريحتها مقرفة فجاة لساني اتفكى من ربطتو بقيت بصرخ باعلى صوت لي(اعوذ بكلمات الله التامات من شر ما خلق) وكل ما كنت بقولا الحشرات بتهيج زيادة وتقرص فيني.
فجاة الدنيا ضلمت بقيت سامع صوت معاذ وابراهيم بينادو فيني( منذر منذر) فجاة واحد فيهم بدا يكفت فيني انا فتحت عيني وهجت وبقيت ماسك رقبة منذر ابراهيم وبقولي نحن لازم نطلع من هنا مانقعد ولا ثانية واحدة. هم مستغربين.ابراهيم منكر الموضوع بتاتا وقال انو دي مجرد اوهام مننا ساي.
تاني يوم كان يوم جمعه وكلنا قاعدين ف البيت لسة خلعه امس فيني وعايز اطلع باقرب وقت ممكن قلت ليهم ارح نشرب جبنه برة معاذ قالي كويس وابراهيم قال امشو انتو انا تعبان قلنا لي خلاص كويس طلعنا وشربنا قهوتنا على الساعه ١٠ جينا راجعين واقنعت معاذ بكل الحصل ووافقني انو نمشي حتى لو انا وهو.
رجعنا العمارة وركبنا السلم لمن جينا قدام الباب لقينا باب شقتنا فاتح وباب الشقة القصادنا برضو فاتح انا خفت على ابراهيم جرينا جوة شقتنا بننادي ابراهيم ابراهيم بس ما بيرد عرفنا انو ف الشقة التانية.
قررنا نخش الشقة كان مافيها كهربا نورنا فلاشات تلفوناتنا وخشينا ونفس المنظر الموحش حق جيف الحيوانات ومعاذ ماقادر يصدق الشايفو وهنا اقتنع انو انا ما بكضب ولا خرافات.
الشقة القصادنا مبنيه بنفس الخرطة حقت شقتنا بعد لفينا الغرفة كلها كان فاضل غرفة واحدة بس اللي هي في شفتنا هناك تعتبر غرفة ابراهيم. كان الباب عاصي ونحن بنحاول فيهو وبنلز زي الفي واحد بيقاوينا من الاتجاه التاني والقوة ما طبيعية نهاية يعني نحن راجلين والحمد لله صحتنا فل ما قادرين.
ما قادرين نتقاوى مع البلز الباب عكسنا فجاة القوة راحت قمنا جينا واقعين جوا الغرفة لمن ركزنا فلاشاتنا لقينا منظر دخل فقولبنا الخوف لقينا ابراهيم... بس بمنظر تاني... ابراهيم راقد على ظهرو ومليان دم.💔💔💔💔
ومتلمين عليهو ٢ من الكانو هددوني وبياكلو فيهو؟بيغرسو انيابهم ف رقبتو وواحد ف بطنو. معاذ من المنظر وقع ف الارض على ركبو وبقى بيرجف: ابراهيم؟ فجاة الخوف اتحول لغضب لقا جمب يدو في طوبة شالا وجرا على واحد من البياكلو ف ابراهيم ضربو ف راسو وانا بسمع صوت تكسر الجمجمه حقت الحاجة دي.
ف اللحظة دي قلت ما حاقيف اعاين شلت سيخة وجريت على التاني وبقيت بضربو في راسو. بقينا بنضرب فيهم لحدي ما جماجمهم الهشة اتهشمت.... فجأة.
.
.
.
⭕ لو ماعملت رتويت اطلع فوق اعمل رتويت🙂⭕
.
.
.
⭕ لو ماعملت رتويت اطلع فوق اعمل رتويت🙂⭕
اصوات شرطة (ثابت يازول ثابت) كتفونا؟طلعونا من الشقة لقينا برا الطفل القبيل ومعاهو مرا حاضناهو بتبكي عاينت في ملابسنا لقيتا مليانه دم.؟الدم جا من وين؟ الحاصل شنو؟
-واحد من العساكر:جابت ليها تتهجمو على الاسر فنص الليل وتقتلو ابوهم وولدهم وانتو جيرانهم؟ انتو مجانين؟
-واحد من العساكر:جابت ليها تتهجمو على الاسر فنص الليل وتقتلو ابوهم وولدهم وانتو جيرانهم؟ انتو مجانين؟
...وين الرحمه؟ واداني كف!!!! انا هنا مافاهم اي شي راسي انشطبت منو اي حاجة..بقيت متحير وساكت....ومعاذ نفس الشي مصدوم ماعارف في شنو.. وصلنا القسم وودونا الحجز...
فجأة سمعنا صوت واحد بيكورك مع العساكر ف الاستقبال وصوتو ما غريب علينا؟ لمن شفناهو انصدمنا! ابراهيم؟؟انت حي؟؟ كيييف نحن شفناك ميت بعيونا؟؟ ما ركز معانا وبقى بصرخ فينا بقول لي انا حذرتك ما تخش انا حذرتك تطلع؟.
.... نحن ماعارفين في شنو والله ماقتلنا زول.
.... نحن ماعارفين في شنو والله ماقتلنا زول.
تاني يوم جانا ضابط متحري للتحقيق معانا حكينا ليهو كل الحصل لحدي ما جو الشرطة وقبضونا وانو شفنا ابراهيم مرمي قاطعنا... قالينا ابراهيم الكان زميلكم ف الشقة لقوهو ف الحمام وشارب صبغة ميت ليهو فترة طويلة؟؟.طيب والجانا امس دا منو ؟ابراهيم جانا امس واتكلم معانا.. الضابط ضحك فينا..
جربوا غيرا كتار العملو مجانين عشان يجروا من المشنقة.....
.
مشنقة؟
.
.
.
النهاية...
⭕اذا عجبك الثريد ياريت تعمل لايك ورتويت وفولو مي 🌚⭕
وشكرا جزيلا🙏
.
مشنقة؟
.
.
.
النهاية...
⭕اذا عجبك الثريد ياريت تعمل لايك ورتويت وفولو مي 🌚⭕
وشكرا جزيلا🙏
ياجماعه القصة من تأليفي
عشان ما تختلط عليكم الامور😂♥️
عشان ما تختلط عليكم الامور😂♥️
@Hend_877 دعاوي*
جاري تحميل الاقتراحات...