في بداية الامر صديقي شاكك ان عنده كورونا من حوالي عشر ايام مفيش حاسة الشم والتذوق رغم انه غير مدخن ولا يعاني من حساسية الجيوب الانفيه وبعدها بيوم عنده اسهال ودرجة الحراره عادي وكمان معندوش اي مشاكل في الحلق والتنفس -١
في اللحظه دي عادي ومفيش اي مشاكل بعدها بيوم بالظبط حس بمغص وانه مش قادر ياكل وعنده ارتجاع وبدأ يحس بصداع طفيف بعدها ب ٢٤ ساعه الاسهال بقي اشد والصداع اشد -٢
طبعا الاعراض بتزيد كل سوم عن التاني انصلنا بالطبيب قال من غير اي تحاليل ولا اشعه دي كورونا رسمي ولازم تتعامل علي هذا الاساس !! طيب نعمل ايه يا دكتور كتبله روشته فيها بنادول وكليكسان وشوية حاجات تانيه وقال اهم حاجه يعزل نفسه . -٣
الاعراض مش مخيفه بس مقلقله اتفقنا انا وصاحبنا التالت نتعامل معاه بهزار وصحك علشان نفسيته متتاثرش ويخف بسرعه وبدأنا الخطه -٤
ابن عمي معاه شفه فاضيه ومتشطبه وزي الفل اخدناها منه .. صاحبي جاب سرير من بيتهم .. مكانش في اضاءه في الشقه خالص والمحلات كانت قفلت .روحت خلعت لمبات وكشافات من البيت علشان ننور الشقه .. هوب فاضل ايه تاني قالك ان لازم اشرب مياه ساقعه الجو حر .. روحت اخدت ال water despener من البيت-٥
تمام كدا يا عم قالك لا ناقص فوطه ومروحه .. نزلنا تاني يوم استرينا مروحه وفوطه ومعالق واطباق ياكل فيهم .. قبلها كنا نزلنا لفينا صيدليات المنطقه كلها ولقينا الادويه الحمدلله .. عدي ٢٤ ساعه اتفقنا انا وصاحبي نوديله اكل ٣ مرات في اليوم وبقي يتنك علينا ويطلب اكل كل يوم كاننا مطعم -٦
١٠ ايام علي الحال دا كل يوم نوديله اكل والبنادول كان يخلص مفضل نلف اليوم كله علي بنادول او كليكسان او اي ادويه تانيه .. ١٠ ايام رعب الواد محبوس تماما وبنوفرله كل حاجه حتي اكتشف ان دش الحمام مش شغال وخوفنا علي السباك جبناله مفاتيح ومفكات علشان يصلحه .. -٧
روحت لامه النهارده البيت انا وصاحبي اوب ما شافتنا عيطت وبلهفه دا ايه مالكم جايين ليه حسام كويس ؟ قولنالها هو خف اصلا وبيشم دلوقتي والله مسكت ايدي عايزه تبوس ايدي انا وصاحبي وتعيط وتسجد في الارض والفرحه مش سايعاها قولنالها احنا جايين ناخد هدوم لحسام واخدناها ومشينا-٨
احنا عملنا كل دا ووفرنا عزل محترم وامكانيات بسيطه وعلي فكره اغلبها بالصدفه اصلا تحس ربنا مسهلها . المستشفيات مفيهاش مكان خالص الا للحالات الصعبه اوي وربنا يسترها علي الجميع وانا بكتب الكلام دا وحاسس ان ليا لازمه وعملنا شيء مفيد وفي غاية السعاده اللهم لك الحمد ... انتهي
من الكوميديا بردو اننا كنا هنخبط واحد بالعربيه ونزل يتخانق معانا صاحبي كوميدي قاله معلش رايحين نجيب علاج لوعحد عنده كورونا الراجل سابنا وجري 😂😂😂😂
@Bandrinos اهو يا عم دا اللي كان شاغلني 😅
جاري تحميل الاقتراحات...