رتبها

وصلتني دعوة من آبل
لمؤتمرهم اللي راح يكون بتاريخ 22 من هذا الشهر
المؤتمر يتوقع يكون من اكبر المؤتمرات اللي راح يكون فيها تحديثات للأنظمة ومميزات كثيرة
ننتظر ونشوف ،، المؤتمر بيكون اونلاين طبعاً

المؤتمر بيعلنون فيه عن تحديثات جديدة مثل تحديث ios14 للايفونات
وتحديث الايباد والساعه والماك
مابيكون فيه اجهزة جديدة لانها بتكون في مؤتمر بعد 3 او 4 اشهر .

باقي 15 دقيقة على مؤتمر آبل
تحت هذي التغريدة راح اعطيكم كل شي مهم يصير بالمؤتمر ان شاءالله
وللي حاب يشوف البث هذا رابطه :
youtu.be

البداية مع تيم كوك
ويتكلم عن الاحداث اللي صايره بالعالم
#WWDC20

الحديث الان عن الاصدار الجديد ios14
#WWDC20

راح يكون فيه ويدجيت بالشاشة الرئيسية وبيكون لها اختصارات كثيرة 😍
ios14

مركز widget تغير وصار تقدر اي تطبيق تخليه اختصار
مثلاً بدل ماتفتح التطبيق بتقدر تسوي اختصار ومن الشاشة الرئيسية بتسوي اشياء كثيرة
#ios14

تقدر تشوف فلم مثلاً وتتصفح تويتر او تروح اي تطبيق وتكمل شغلك 😍👏🏻

سيري صار عليها تحسينات

سيري صارت اذكى وتتعرف على اي سؤال توجهه لها وراح تجاوبك
مثلاً تقدر تسألها متى الجزء الثاني بينزل من مسلسلك وراح تعطيك نتائج 👏🏻

أضافت آبل لسيري خيار ترجمه فتقدر تكلم اي شخص بلغته وراح يترجم لك النظام
شكل بيتكنسل قوقل ترجمة 😆

ايضاً الاي مسج وصل له تحديث وصار فيه تغيير ومميزات اكثر للقروبات والاشخاص
وصار تقدر تثبت محادثات اي شخص

الان الحديث عن خرائط آبل وللاسف ماتشتغل عندنا 💔
خرائط آبل لو جربتها راح تكنسل قوقل ماب خصوصاً بالدول اللي تدعمها
ان شالله قريب تدعم المنطقة عندنا

الان الحديث عن الكار بلاي
اللي هو نظام ابل اللي بالسيارات
والحديث عن ميزة Car key مفتاح سيارتك بيكون هو جوالك 😍

سيارات BMW
اللي معاه السيارة مبروك 😆 والحين بنعرف اكثر لو تدعم تدعم بعد سيارات اكثر
طبعاً بتوصل الميزة لكل السيارات بس الحين لبعض السيارات

بهذا الشكل تضيف مفتاح سيارتك بجوالك وبعدها خلاص بتقدر تسوي كل شي من خلال جهازك ومايحتاج يكون معك المفتاح

ميزة Car key
اللي تقدر من خلالها تضيف مفتاح سيارتك ب ايفونك وبتتحكم بالسيارة من غير ماتحتاج المفتاح
لكن الشي المذهل 🤯 انك بتقدر ترسل مفتاح السيارة ل اخوك او اي احد من الاهل عنطريق الرسائل !

انتهينا من نظام الايفون الان الحديث ع نظام الايباد iPadOS

نظام الايباد راح يكون فيه نفس الشي اختصارات ويدجيت للتطبيقات
وايضاً بيكون فيه سلايد في تطبيق الصور وفيه تطبيقات كثيره بتسهل عليك التعامل مع التطبيق اللي فاتحه

واخيراً
مين اللي ينزعج من شكل المكالمات اللي ماتقدر تسوي اي شي الا انك تعطي مشغول او ترد !
الان صارت المكالمات ك اشعار فوق 😍 واخيراً
وتقدر ترد او تخليه وتكمل شغلك

الان الحديث عن نظام سماعة ابل
انا صراحه بعد ميزة المكالمات وبنرتاح من الشكل المزعج الحالي اللي اذا وصلتك مكالمه ماتقدر تسوي شي
خلاص ماودي يكملون 😂 شكراً

الان اللي عنده سماعة ابل الايربودز 👏🏻
صار فيه ميزة وتحسينات رهيبة
الحين لو تبي تشبك السماعه بالايفون وجهازك الثاني والايباد والماك مثلاً
اي اتصال او ميوزيك تشغل من اي جهاز بيتحول على طول ومن غير ماتفصل او تسوي اي شي

الحديث عن تحديث ساعة ابل ⌚️
واضافوا نشاط جديد الرقص اذا شغلته بيتعرف على حركاتك ويعطيك الاحصائيات
ايضاً ميزة تتبع النوم

ميزة تتبع النوم ساعة ⌚️ ابل بتعطيك تفاصيل دقيقة عن نومك وكم ساعة نمت والخ..

فيه ميزة بتكون بنظام الساعة الجديد
الساعة اذا جيت تغسل يدك راح تحسب وتعلمك هل غسلت كويس او لا!

الحديث عن الخصوصيه
الان مع النظام الجديد للايفون اي تطبيق بتقدر تعرف وش يطلب منك قبل تحمل التطبيق

مع تحديث الخصوصية اللي صاير من ابل قبل تحمل اي تطبيق بتشوف هل التطبيق هذا يوصل لصورك او لموقعك ووش يوصل بالضبط في جهازك
وبيجيك تنبيه في تطبيق تتبع موقعك وتقدر توقف هالشي

ابل تتعاون مع شركات كثيرة لتوفير منتجات للمنزل الذكي
وايضاً الان صار الاتصال ب اي منتج يدعم حزمة المنزل الذكي بتصور الباركود وبتضيفه من غير ماتحمل اي تطبيق او تكتب بيانات

الحديث الان عن الابل تي في
وبالتعاون مع اكسبوكس يد التحكم بتدعم كل الالعاب

نظام الماك الجديد اسمه Big sur

التصميم الجديد لنظام الماك صار ابسط واريح واسهل للمستخدم
وصار اشبه بالايفون والايباد

كل شي صار تقريباً بنظام الايفون والايباد صار بعد في نظام الماك الجديد
تعديلات خرائط ابل والاي مسج وغيرها

السفاري بالماك تغير وصار اسرررررع بكثير واجمل بالشكل

ابل اعلنت انها راح تستغني عن معالجات انتل وراح تسوي معالجات الماك بنفسها
نفس اللي صاير مع الايفون والايباد

مع معالج ابل الجديد ل اجهزة الماك
بتقدر تشغل تطبيقات والعاب الايفون والايباد على الماك
وهذا يبين لك قوة النظام وتحويل اي تطبيق عشان يكون متوافق مع الماك

انتهى المؤتمر شكراً للجميع وان شاءالله كانت التغطيه تليق فيكم .
وانتظروا الفديوهات اللي تلخص لكم بطريقة سهله وش مميزات نظام الايفون الجديد ios14 .

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد