حرب الدبابير(الزنّبران، صنانيح) بأيام الطفولة كانت حلوة بس توجع شوي وتخلي الواحد يصير صيني،
كنا نستنى بفترة الظهر وقت الناس تاخذ قيلولة، مشان مايطردونا اذا كان العش ببيت حدا،
كنا نجتمع نحن عجان القرية، بعد تحديد مكان عش الدبابير، مشان نهجم عليه
كنا نستنى بفترة الظهر وقت الناس تاخذ قيلولة، مشان مايطردونا اذا كان العش ببيت حدا،
كنا نجتمع نحن عجان القرية، بعد تحديد مكان عش الدبابير، مشان نهجم عليه
كل واحد يجيب معاه (مكشة) مكنسة من اللي زرعتهم امو بالحوش، ونلبس كلابيات وبعد الخبرة الطويلة صرنا نستخدم الأكياس ولو انها ماتفيد كثير، وننقسم مجموعتين، مجموعة الاقتحام ومجموعة المؤازرة او يكونوا بعيد عن المكان مشان اذا طفش شي دبور يقتلوه
كنا نختل جنب الحيط ونخلي ولاد معهم مجلاع( نقيفة) ويضربون العش لحتى يقع، وبس وقع نحن الانغماسيين نهجم بكل شراسة، ويصير الخبط، ولازم تكون سريع وخفيف الحركة وتكون مركز لا تضرب رفيقك، احيانا من ضراوة المعركة نصير نضرب بعض، بدون انتباه
وأي واحد ينضرب من رفيقو يصير بدو ياخذ بثارو، وتصير معركة بين الكل، تحس حالك مع الكل وضد الكل بنفس الوقت، وبالذات لما البنات يقفوا بيننا وبس سمعنا البنات يصيحوا ياع ياع ياع، كنا نعرف انو غمضوا عيونهن وصاروا يضربوا ضرب عشوائي ونبعد عنهن ونقلهن يروحن قدام يا ورى
وانت بنص المعركة فجأة تسمع صوت دبور قريب منك، تترك كلشي وتصير تشلح الكيس من راسك، وتضرب راسك وتشوبر باديك حوالي جسمك مشان تبعد الدبابير عنك وتصير تحس بلدغتهن، وتبلش تصرخ افزعولي، ويهجموا عليك بالضرب، وماتعرف من مين تهرب، ولما تطلع برة كمان يلي برة يهجموا عليك، وتصير تركض بالقرية
تنسحب من المعركة وانت مفشوخ براسك وملدوغ من الدبابير ووجهك مخمش من آثار ضرب المكشات، وعيونك صايرات مثل الصينين وماتشوف زين، طبعا اذا كان العش بخرابة، اذا كان عند بيت حتى أصحاب البيت يطردونك انت ورفقاتك
لما كنت اورم من اللدغات واصير مثل الصيني، كانوا رفقاتي يجوني مشان ينادوني لنروح نلعب، واني ارفع راسي لفوق مشان اشوفهم وشابك اديني ورى ظهري والي كروشة صغيرة ، كانوا يضحكون ويقولولي ابوك بطل اذا تقلب الجملة هي" صيني باع خمسة" كنت اقول " خمسة باع صيني" واحس ع حالي واطردهم
مرة ببيت بالقرية طلعت وحدة تطردنا، ولدغوها الدبابير، ولما راحت مع نسوان القرية تحلب الغنم، صاروا يضحكو عليها، وصارت تحكيلهن كيف طلعت تصرخ علينا وفجأة صارت تقلنا افزعولي، وتقلهن والله ياحبايب اكلت قتلة فراط بالمكاش من هالعجان وهي تضحك، زلمتي مامد ايدو علي وهالعجونة هركلوني بالضرب
ومرة رفيقنا عويد قاعد ع الطابة يتفرج، ناطرنا نخلص مشان نتملق فيه مشان الطابة،قاعد فوقها ولابس كلابية ومو لابس تحتها شي وكلشي طالع، وفي دبور الله لا يوفقوا،ترك 20 عجي وترك كل جسم عويد،ولدغو من العضو الذكري، وراح يركض ورحنا وراه، والعصر سمعنا انو فيه تورم والفضول ذبحنا مشان نشوفوا
وعويد كان الطابة ويذبحنا بالتماليق، كيف لدغة وبمكان حساس، والفضول بشع ذبحنا بدنا نشوف، صرنا نترجى ونتملق فيه، وصلت معنا السالفة صرنا نشتري علك دعابيل وبوظة ونبرطل عويد، نصيحلو ويجينا بنفسية حامضة وبعد البرطيل كان ياخذ اللي بدو يشوف بعيد عن الكل ويشمر بسرعة ويخليه يشوف
حاليا لما نحكي كلنا سوا على المجموعة وماندخلو معنا، يبعثلنا رسالة يقول، الله يرحم ايام لما كنتو تترجوني مشان اشوفكم.....، ولما احكي معاه فيديو، يصيح لابنو ويقلو شوف يا ابني هذا كان يبرطلني بعلك دعابيل ويترجى لحتى يشوف(..) .
الله لا يوفق الدبور اللي بسببو عويد للان يذلنا 😅
الله لا يوفق الدبور اللي بسببو عويد للان يذلنا 😅
جاري تحميل الاقتراحات...