ونبدء السالفة بسم الله والتصويت ما يهمني
قبل ما نبدء هاتوا فولو لأن حسابي غالبًا برايفت 🤣
البداية كانت قبل ثلاث سنوات ونصف بعد تخرجي من الثانوي ووصول خبر قبولي بتخصص القانون ❤️ ،مثل اي عائلة تفرح بولدها وانا كنت حاس فيه سبرايز قلت لحد يجيب هدايا اللي يبي يهديني يعطيني فلوس انا اتصرف بها بكيفي ، بعد الخبر بإسبوع كنت نايم وصحيت والبيت فاضي مافيه احد !
تروشت واتصلت على الوالدة وقلت لها وينكم وراه مابه احد بالبيت ؟ قالت طالعين لشاليه مع خوالك تعال تقهوا معنا هنا قلت بيني وبين نفسي اكيد مسوين حفله بس شلون انصدم لا دخلت ؟ المهم قلت تمام شوي وجايكم
وفعلا حصل ما كان متوقع حفلة وبالونات والاشياء هذي وبدء الاحتفال فيني وانا عيوني على طاولة الهدايا بشوف فيه فلوس او لا ؟ والحمدلله كل الهدايا كانت فلوس ❤️
تقهويت وجمعت الهدايا وطلعت للسيارة اعدهم كانوا تقريبا ٣٠٠٠ ريال وشعوري وقتها لا يوصف من الفسقه قلت بشتري عنيزه واضمها معنا 🤣
تقهويت وجمعت الهدايا وطلعت للسيارة اعدهم كانوا تقريبا ٣٠٠٠ ريال وشعوري وقتها لا يوصف من الفسقه قلت بشتري عنيزه واضمها معنا 🤣
مالكم بالطويلة بعدها بيوم قالت الوالدة ترا حجزنا لتركيا ورحلتنا بعد اسبوعين لا تلعب بفلوسك اشر اشياء تحتاجهن هناك قلت ما عليك .. مرت الايام وما بقى محل ملابس بالقصيم ما مريته وشريت منه تقريبا صرفت ٢٣٠٠ على الملابس والشوز ، حتى اتى اليوم الموعود موعد رحلتنا لتركيا
من الوناسة كنت مواصل وما غير اتضحوك للي بالمطار والناس حايمه تسبودهم من الحر كانت الرحلة الظهر ، الزبدة ركبنا الطيارة واقلعنا وكل شيء طبيعي ووصلنا اسطنبول الحمدلله بسلام ، المنظر والاجواء كانت مبهره كل شيء رهيب حتى لو انك مفارق حبيبتك قبل ساعه بتنبسط من اللي تشوفه
دخلنا مطار اتاتورك الجديد مطار لو تتكلم عنه لين بكرا ما خلصت ضخم ضخم وشيء استثنائي للأمانه تعدينا الجمارك والتفتيش وحنا ما غير نمشي مع العالم نبي نوصل لحق الشناط ناخذ شناطنا ونطلع ، طبعا شنطتي كانت كلها الملابس الجديدة وبأخر لحظه قبل ما نشحنهم من القصيم اختي قالت حط الاستشوار معك
وصلنا للسير حق الشناط وبدينا ناخذ شناطنا واخذنا كل الشناط تقريبا الا شنطتي ما جت للحين ! للأمانه بدء يضيق صدري شوي بس كنت اقول الحين بتجي اكيد ، اللي يعرف الاتراك يدري انه ما فيه اشين من نفوسهم وبهم شوفة نفس واستحقار للعرب بشكل فضيع اشوفه يتكلم انقلش مع اجنبي ورحت بقوله
بقوله ماي باق نوت هير معليش لغتي ضعيفه شوي ويعطيني نظره ويقول نو انقلش نو انقلش ويخرط تركي هالكلب ، شافني شايب عراقي وقالي شنوا وشكلتك وقلت له ان شنطتي ما وصلت قال امش معي لقسم الامن بالمطار ورحت معه وجلس يكلمهم يقولهم المشكلة ولا فيه اي تجاوب منهم
شكرت العراقي وراح فجأه الا عامل النظافة بالمطار شافني احوس ومخترش وسألني وش سالفتك وقلت له وبمعنى كلامه قال انا شايف شنطه مغلفه ومجدوعه بنص المطار لا تكون هي ؟ قال امش معي واروح وفعلا كانت شنطتي واخيرًا واهلي وراي وامي تقول قايلت لكم بنلقاه بس ما تسمعون
واشوف الشنطة الا مغلفينها والشنطة متقطعه تقطيع مب طبيعي !!! فتحتها على طول بشوف الملابس ما جاهم شيء لكن للأسف حرفيًا كل شيء متقطع حتى الشوز والبوكسرات متقطعات 😔😔 ، الا واسمع اختي تقول الحمدلله الاستشوار ما جاو شيء قلت على زق لا اكسره شوفوا مشكلتي الحين
ونروح لقسم الامن شايلين معنا الشنطة المتقطعه نبي نشتكي ونعرف السبب 😭 !
وصلنا ونفس المشكلة ما يتكلمون انقلش ولا شيء طبعا يعرفون بس زقاقه منهم ما يبون يخدمونك وانا ما غير العن ، فجأه الا وحده منقبه بدت تتكلم تركي !!!! اختي تتكلم تركي ومحد منا كان يعرف
وصلنا ونفس المشكلة ما يتكلمون انقلش ولا شيء طبعا يعرفون بس زقاقه منهم ما يبون يخدمونك وانا ما غير العن ، فجأه الا وحده منقبه بدت تتكلم تركي !!!! اختي تتكلم تركي ومحد منا كان يعرف
محد كان متوقع الكل منصدم حتى الموظفين انصدموا وابوي طير عيونه وامي تقول وش جاك انسحرتي وش جالسه تقولين ؟ الزبدة جلست تتكلم معهم وانه حصلنا الشنطة متقطعه ومدري ايش وصارت تاخذ وتعطي معهم وعذرهم كان ان الشنطة نشبت بالسير وتقطعت منه لكن بنعوضكم الحين
وابوي يمسك جواله ويصور فيديو ويقول شوفوا في مطار تركيا الان وصلتنا الشنطة متقطعه تاريخ اليوم اربعطعش خمسه الفين وسبعطعش !!! يالغالي مب وقتك بعدين صور لإخوياك ، وانا بي الصيحه فلوسي راحت وملابسي تقطعت وانقلب يومي فوق تحت
بالنهاية جابولي شنطة تعويض قلت طيب والملابس والشوز والبوكسرات والشراب من يعوضن عليهم واختي كانت تخرط عليهم وامي تقول معليك ننزل بكرا ونتقضى لك من اسطنبول وتشري اللي تبي رضيت شوي بس جالس اكابر واقول فلوس حفلتي راحت قالت امي لا تزق علينا خلاص انا بعوضك
عطونا عنوان وموقع قالوا قدموا اعتراضكم اول ويوصلكم التعويض خلال اسبوعين واصلا سفرتنا كلها اسبوعين يا كلاب .. طلعنا من المطار قلنا لا وصلنا الفندق دخلنا الموقع ونقدم اعتراض والى يومكم عاد ما شفنا تعويض ولا شيء بس صرفونا
وبس وثاني يوم بالسفرة رحت وشريت ملابس وكذا وانتهت سالفتي وفالختام الله يلعن تركيا .. فيه حكمة بالسالفة بس مدري وينها
جاري تحميل الاقتراحات...