22 تغريدة 251 قراءة Jun 25, 2020
" ثريد " عن لعبة كول اوف ديوتي أو المعروف عنها (كود) كيف حققت نجاحات وهبطت هبوط ذريع ❤️
مين منا مالعب كود أو حتى سمع عنها وشافها، من أعظم سلسلات الألعاب إذا ما كانت الأعظم !!
بالبداية خلونا نعرف إيش اول جزء اساسي من اللعبة : كانت كود اوف ديوتي 1 ونزلت عام 2003 واللعبة حققت نجاحات لدرجة قررت الشركة تنزل جزء ثاني بعد سنتين من النجاح
وفي عام 2005 نزل الجزء الثاني من لعبة كود وكان يتكلم عن حقبة الحرب العالمية الثانية من جههة أربع جنود في الجيش ، وحقق نجاحات أكثر من الجزء اللي قبله وهذا خلت الشركة تتحمس تسوي جزء ثالث وهذا اللي صار !
وبالفعل بعد 9 شهور سوت الشركة جزء ثالث ولكن هذي المره بتطوير استديو معروف جداً في كود وهو " تريارك" كأول جزء من الاستديو ، وهي اول جزء من السلسه اتاحت اختيار صف الجيش اللي تبي تلعب فيه وطبعا كل جيش له قصة ومهام مختلفة !! وبرضوا لا تقل نجاح عن الجزئين اللي قبل
بداية أغلب لاعبين كود مين مايعرف سنايبر كود 4 والنقاط الـ 10😍، في عام 2007 تم تطوير لعبة كود 4 وكان سبب تكملة التطوير هو إن اللعبة حققت تقيم عالي في موقع معروف لتقيم الألعاب زمان وكان التقيم 94 !! وحصلت اللعبة على جائزة افضل لعبة في xbox، والأكثر مبيعاً في عام 2007 .
ثاني لعبة من تطوير استديو "تريارك" ولعبة زمانها وأول جزء ظهر فيه "زومبي" وكانت النيه يخلون الزومبي جزء واحد تجربه فقط ولكنه نجح نجاح مبهر جداً !!
لدرجة الشركة قررت تسويه في أغلب الأجزاء 😍❤️
ثاني لعبة من تطوير استديو انفنتي ورد ، بعض اللاعبين يصنفوها الأفضل في السلسلة والأفضل من ناحية السنايبر والنيوك😍، وهي أول سلسلة أضافت النيوك اللي لازم تذبح 30 بدون أي موت !!، اللعبة نزلت عام 2009 وكانت بداية ظهور أسم كود و احتراف اللأعبين والبطولات
سيد زمانه أفضل لعبة في سنة 2010 أكتسح الألعاب اكتساح !! ، مافيه منافس له في سوق صناعة الألعاب ،بداية تعلق أغلب لاعبين الزومبي بالقصة، كل اليوتيوب على زمانه يتكلم وينزل عنه، كود ٧ مين فينا ينسى الجليل والكماندو والريقن والهوائي وماب نيوك تاون وكينو 😍😍
ماينزل عظمة عن الجزء اللي قبله وبالنسبه لي أفضل جزء في السلسلة بداية هياط الكلانات وسيرش ، مين ينسى سلاح ال isr وال mb7 وماب دوم😍، اللعبة حققت نجاحات كبيره مثل الجزء اللي قبله ونزلت عام 2011
ثاني جزء من سلسلة بلاك اوبس وأنجح جزء في السلسة كاملة ويعتبر افضل جزء من ناحية اغلب اللاعبين و احداث اللعب والاجواء العامة تتكلم عن المستقبل القريب 2025 وهو أول جزء ظهر في الروبوتات في اللعبة ، ماننسا سلاح السكار والسكور ستريك الأسطوري في اللعبة والمابات الجميلة، نزلت عام 2012
بداية انحدار السلسة وأنتهى سلسلة هي كود قوست واللي نزلت عام 2013 وهي أول جزء من السلسة ينزل على جهاز السوني 4 واول ظهور للإلين وهم نفس الزومبي لكن على شكل ثاني، أكثر اللاعبين كانوا يتوقعون جزء قوي مثل اللي قبله وكان سقف الطموحات فوق لكن خاب ظنهم فيها وماحققت ذاك النجاح القوي
كود 11 أو ((أدفانسد وورفير)) هو أول جزء في السلسة فيه نقز لللاعب واختلاف في طريقة اللعب و هو اول جزء برضوا اضاف فكرة البكجات واختلاف اشكال وانواع الأسلحة، بالنسبه لي استمتعت فيه لكن اللاعبين كارهينه بسبب فكرة النقز واختلاف كبير في طريقة اللعب، والنجاحات اضعف من الجزء اللي قبله
بداية انتعاشة كود وبالنسبة لي أفضل جزء من ناحية الزومبي هي بلاك اوبس ٣ وافضل جزء في الجيل الحالي واول جزء فيه طيران واول جزء في سباحة والمشي على الجدران وعودة الكلانات والبطولات والتحديات فيها ووتكلم عن حقبة المستقبل البعيد وحققت نجاحات كبيره !! ونزلت عام 2015
طبعا الجزء يحمل اسم ( بلاك اوبس 3) او كود 12
كود 13 || أفشل جزء في السلسة كاملة واقل سلسلة إيرادات وناجاحات واقل مبيعاً في الولايات المتحدة الأمريكية عام 2016 وباع بس 30 ألف للجهازين !! والسبب إن ذا الجزء مكرر يعني نفس الطيران في الجزي اللي قبل وتفس افكار الاجزاء اللي قبل وكان سعر اللعبة 80 دولار !!
كود 14 || انتهى طيران كود مع هالجزء كان بيكون جزء ناجح جداً لكن جاء في زمن فورتنايت واللعبة تتكلم عن حقبة الحرب العالمية الثانيه وفيه طور زومبي لكن كان ضعيف جدا مقارنة بالزومبي اللي نعرفه ماحقق ذاك النجاحات المبهره .
كود 15 || الجزء هذا نسخ من كود12 في كل شيء ماعداء انه مافيه طيران، الحقبة اللي يتكلم عنه هذا الجزء هي بين بلاك اوبس 3 وبلاك اوبس 2 وبالنسبه لي ما استمتعت في الجزء هذا مره والسبب اول حاجه المابات جدا سيئة واغلبها تكون من اجزاء قديمه و الاسلحة برضوا سيئة، طبعًا النجاحات كانت مقبولة
وطبعاً اول جزء أضافوا فيه طور البتل رويال وبرضوا لكل سلاح إضافات خاصه، والزوميي تغير كثير في الجزء هذا وايضا قصة الزومبي انتهت معه
كود 16 || أخر جزء نزل في السلسلة ومحقق نجاحات كبيره وبالذات طور الوار زون ورجع جزء من اللعب الكلاسيكي وتعتبر اللعبة رقم 1 حاليا في عدد المشاهدات في التويتش، اللعبة جدا ممتعه ورهيبه وحسيت بلذت كود معاها وجمال الأسلحة والمابات في اللعبة وتعدد الاطوار المتنوع #مودرن #وار_زون
أنتهى الثريد أتمنى إني كنت عند حسن ظنكم 🙏❤️
@Rattibha لو سمحت

جاري تحميل الاقتراحات...