بيان وزارة المالية غريب جداً من توجيهو بأنو رد على إشاعات بينما واضح انو رد على ناس ليهم علاقة بالشأن السياسي أو بالأخص موضوع الدواء و أموال كورونا، اذا بعدنا من الفرضية دي و ركزنا في البيان حيتلقي انو عائم و ما فيهو اي حقائق صلبة للرد على "إشاعات"..
اذا اخترت طريق توضيح او نفي إشاعات فإنت بالضرورة محتاج تنزل بكامل الحقائق و التفاصيل و بشفافية عشان واضح انو سبب "الاشاعات" دي حسب إدعائك هو غياب المعلومة الحقيقية، بيان اتعنون بخصوص موضوع الدواء، بدأ طوالي بموضوع اخر و هو موضوع أموال كورونا و أوجه صرفها..
و اللي هو ده ذاته ما فيهو توضيح للأموال الجاتك كدعم ولا منو البيحدد بنود الصرف دي و منو البيحدد الحوجة و ده غير الرقم البي الجنيه الاتقال ده انو اتسلم ده و الكلام العائم بتاع تسلميها كامل المبلغ مع جهات أخرى..
أما موضوع الدواء فواضح انو "الاشاعات" بشأن عدم توفير وزارة المالية للقيمة البتغطي حوجة البلد من الدواء صحيحة لأنها لم تنفها لأنو من البيان وضحت انو عندها سياسة و رؤية مختلفة لموضوع الدواء(هل أثرت على قرار توفير النقد لإستيراد الدواء ولا لأ؟هل أثرت على إمداد الدواء ولا لأ؟ )..
البيان ألحق إضافة بإنو بتوظف ما تيسر من موارد النقد الأجنبي للدواء؟ السؤال هو كم ما تيسر ده؟ و كان كم؟ هل هو نفس قيمة الفاتورة الشهرية للاستيراد؟ زادت؟ نقصت؟ ما شايف أي إجابات حقيقية لبيان إختار أن ينفي إشاعة و ويوضح حقائق بل عمل العكس طرح أسئلة و "إشاعات" جديدة عن الحاصل..
جاري تحميل الاقتراحات...