كثروا اللي يفتنون بين الناس والعياذ بالله..وكثر ا معهم المنافقين!
(والفتنه أشد من القتل)..
مواقف كثيره مرت علي أحدها...
انا واحد اعرفه شغال على نفسه والرجال عنده هدف ويبي يحققه ولا له دخل بأحد..
المهم انه قالي ان واحد من أقاربه كلم خاله وقال ولد اختك سوا كذا وكذا!

طبعا خاله مادق عالولد عشان يتأكد من كلامه اذا صحيح او لا بالعكس على طول دق على ابو الولد وقاله والله ولدك ماعحبتني تصرفاته
وسكر الخط!!
يقولي الولد..: انقهرت من الحركه انه سمع منه الرجال وصدقه بدون مايرجع لي ويتأكد مني إذا صحيح او لا ..!!

طبعا الولد ما اهتم من الموضوع خلاهم على ماهم عليه من الفكره اللي وصلتهم عنه. لانه ماراح يضره دامه كلام ومتوكل على الله وحده. ومثل ماقلت الولد مهتم بهدفه يبي يحققه ولا يبي ينشغل بأمور تافهه على قولته..

الله يقول ( يأيها الذين آمنوا ان جاءكم فاسق بنبإ فتبينوا ان تصيبوا قوما بجهاله فتصبحوا على مافعتلم نادمين)
وينهم من هالايه..!!
مايخافون من عاقبة الظلم.. والنفاق والفتنه بين الناس اللي فرقت عوايل أعوذ بالله..
نعوذ بالله من الفتنه ومن أهل النفاق
وسلامتكم..
#السعودية