اكثر شي خسيس ودنيئ يواجهه الإنسان بعد ما يفقد له غالي هو ذيك الجملة
"كيف لك نفس تسوي كذا وانت متوفي لك احد"
هم يرون ان يجب على الواحد بعد ما يفقد احد انه يدخل في دوامة حزن ويمتنع عن كل شي وفي الحقيقية هذا شي مو صحي اصلا!
بالعكس الصح ان الواحد يحاول يسعد نفسه ويشغلها بأي طريقة

والناس بشكل عام درجات في الحزن والفرح وأيضا الناس مختلفين في طريقة تنفيسهم عن حزنهم
فيه الي وقت الحزن يفضل العزله وفي الي يفضل يكون حوله بشر عشان ما يفكر
فيه الي وقت الحزن يسكت وفيه الي يبي يتكلم ويكتب عشان ينفس عن الي بداخله
يعني الناس مو سواسيه!

عموما كلامي في النهاية للي واجه له حالة وفاة من قريب ، ركز معي
نعم انت حزين ونعم فقدت غالي ونعم الموضوع مو سهل
بس لا تفقد نفسك مع الشخص الي فقدته ، نفسك عليها حق عليك
نعم لا تنساه بدعائك بس نفسك بعد لا تنساها
أسعدها باي شكل تبيه ولا تهتم لناس لان الناس مستحيل يرضيهم شي

ولشخص الي يحكم على الناس وهو ما عاش الي عاشوه ولا جرب الي جربوه ولا انحط في موقفهم عشان يحكم
اتمنى تطبق قول الرسول صل الله عليه وسلم
"من كان يؤمن بالله واليوم الآخر فليقل خيرا أو ليَصْمُت"
اتقوا الله واحفظوا اللسنتكم عن الناس خافوا الله في يوم تنحطون فيه مكانهم

من زمان كان ودي اكتب ذي التغريدات
خصوصًا لما مشهور يموت له عزيز
الله يكفينا ويكفيكم شر الناس وألسنتهم