رتبها

🚨🚨قاققققق قاقققق🚨🚨
ثريد لما شخص ابتزني وبلغت على اخوي وانجلد

بالبدايه كنت بغرفتي كالعاده اتابع مسلسلي واكلم صديقتي تحلم الثوره تتزوج بطل المسلسل واضحك على احلامها وحياتنا وردي

قاطعنا اخوي وقفلت دخل معه صينية فيها قهوتي اللي احبها وشوكلاته كشخه لوابيع كليتي ماجبتها قلت بس هذا الملعونْ جاي يشحد

صار يتمصلح ويقولي اليوم منوره ومحلوه ليش وانا اشبه كل شي الا النور شعري مجمعته بقلم وبجامتي الخدامه غسلتها بكلور ولابستها بس وش اسوي دفعت فيها كل ممتلكاتي بحللها

قلت تسلم وش عندك وعطاني الوجه الوديع وقال اللي يمدح اخته يبي شي انا امدحك لاني احبك قلت اختصرها يالملعونْ كم تبي قال ٥ الاف من الروعه طاح كوبي شكله يبيني ابيع كليتي الثانيه ولايحسبني صراف الراجحي اغر له فلوس

قلت مامعي ويبوس بايدي ويدعيلي قالي ابيها اسافر لدبي مع اصحابي للمعلوميه اخوي ماخط الشنب وجهه باقي لاشفته من بعيد تشوفه مشوش راسه من الفلقات صاير زحليقه

ضحكت لين دموعي خلصت قلت دبي لوشافتكم تحسبكم لاجئين والله ماتذوق ريال مني وطردته بعد يومين من السالفه ارسل لي رقم غريب رساله وكانت كذا

بغيت اموت كلمت صديقتي المفضله وقالت معليك ازهليها بهكر حسابه وارجع صورك ماكون بنت ابوي ان ماطقيت الصدر وانبسطت قلت والله لازوجك اخوي طلعت مب هينه بنت ال*لب

وكملت يومي مرتاحه جاتني بعد ساعتين قالت اسمعي الهكر حقي خربان مدري شفيه
قلت تعرفين تهكرين قالت لابس كنت بتعلم عشانك وعرفت وقتها اني مصادقه حماره عطوفه بس مو وقت الغزل لازم انقذ لحمي قبل ماصير لاجئه واسمي بالجرايد

رحت كتبت له اسمع انت ماتخاف ربك ماعندك خوات تخاف عليهم قال لاانا وحيد امي وهذا اللي ماحسبت حسابه

صحباتي الفغارى سوو قروب يجمعون فيه ١٠ الاف ابشركم حتى الف ماطلعت منهم وفقدنا الامل

قلت فكينا ابوي والله لايعلقني بالحوش بلاغ مانبي واقنعوني صديقاتي ماعندي الا هالحل رحت لابوي بعد ماحصنت نفسي مليون مره ولبست كلشي بالدولاب عشان الجلد يكون اخف

ووريته الرساله وعصب وراح للشرطه وهذا اللي ماحسبت حسابه وبلغ عليه ورجع البيت بعد ساعه الشرطه تدق بابنا ونزلت اركض ادور الاتنشن بين العساكره ويدق قلبي للبطل اللي بينقذني