🌱أساسيات كتابة المحتوى🌱
هذا الثريد من تجربتي الخاصة والأشياء اللي نفعت معايا، لو عندكم اقتراحات وتصحيحات دائمًا مرحب بها 🌟
هذا الثريد من تجربتي الخاصة والأشياء اللي نفعت معايا، لو عندكم اقتراحات وتصحيحات دائمًا مرحب بها 🌟
بالبداية كتابة المحتوى يعتبر مجال وظيفي جديد إلى حدٍ ما، وحاليًا عليه طلب متزايد بسوق العمل وحيشهد طلب زيادة مستقبلًا، العمل غالبًا يكون في شركات التسويق والدعاية والإعلان والشركات اللي فيها قسم تسويق ان هاوس ✅
كيف وقعت بحب هذا المجال؟
كتابة المحتوى تجعلك شغوف، تنمي حس الإبتكار والإبداع عندك، وتخليك تلاحظ جوانب جديدة لكل حاجة تلهمك وتعطيك الدافع عشان تكتب 🐛
كتابة المحتوى تجعلك شغوف، تنمي حس الإبتكار والإبداع عندك، وتخليك تلاحظ جوانب جديدة لكل حاجة تلهمك وتعطيك الدافع عشان تكتب 🐛
أولًا: عشان تكتب لازم تعرف عن الموضوع اللي حتكتب عنه، وعشان تعرف تكتب لازم تقرأ وتبحث. عملية البحث والقراءة ممكن تاخذ وقت أطول من عملية الكتابة نفسها، لذلك من المفيد انكم تطوروا مهارات ال🔍 عندكم.
ثانيًا: لما تكتبوا اتوقعوا حيكون في أكثر من درافت وتعديلات، خاصةً لو بتكتبوا لعميل، على قد ما تعدلوا حاولوا انكم تحافظوا عالفكرة الأساسية وتوضحوها عشان المتلقي يفهمها وهي طايرة مو يحوس زي صاحبنا 🤝
ثالثًا: عشان تسهل عملية الكتابة وتحقق هدفها، اعرفوا انتو بتكتبوا لمين؟ الشريحة المستهدفة هيا الأساس هما الناس اللي حيقروا المحتوى حقكم، لما تكتبوا لأطفال مو زي لما تكتبوا لمراهقين مثلًا، مع التمرس حتقدروا تعرفوا تخاطبوا شريحتكم بسهولة ويفهموا انهم مستهدفين 👾
رابعًا: المحتوى يفرق من منصة لمنصة، هذا شي بشوف كثير شركات وبراندز تغلط فيه، نفس الپوست نسخ لصق لكل المنصات ❌
انستقرام منصة بصرية، صور أكثر من الكلام.
تويتر منصة لفظية، الكلام هوا المهم والصورة تكمله
+ مهم جدًا تزبطوا مقاسات الصور للمنصات عشان يكون شكلها پرزنتبل أكثر ✅
انستقرام منصة بصرية، صور أكثر من الكلام.
تويتر منصة لفظية، الكلام هوا المهم والصورة تكمله
+ مهم جدًا تزبطوا مقاسات الصور للمنصات عشان يكون شكلها پرزنتبل أكثر ✅
الكاتب الشاطر يعرف يوازن بين الكلام والمساعدات البصرية زي الايموجيز، الGIF، والصور والڤيديوز ☝🏻
هذا يجيبنا للنقطة الخامسة: المصمم صديقكم 👫🏽لما تكونوا متفاهمين مع المصممين وتوصلولهم الفكرة اللي فبالكم بكل وضوح حتنبسطوا بالنتيجة! تعاونكم مع بعض يجعل المخرجات مذهلة 🪐
دايمًا تذكروا: المصمم ما يقرا الأمخاخ 🧠
دايمًا تذكروا: المصمم ما يقرا الأمخاخ 🧠
نجي للأشياء اللي حتسووها ككتاب محتوى رهيبين
🦩كتابة محتوى پوستس لمنصات التواصل الاجتماعي
🦩كتابة سيناريو
🦩كتابة إعلانات
🦩كتابة التنبيهات حقت التطبيقات
🦩كتابة پروفايل شركات
🦩كتابة مقالات ومدونات
🦩كتابة نيوزليترز
🦩كتابة محتوى پوستس لمنصات التواصل الاجتماعي
🦩كتابة سيناريو
🦩كتابة إعلانات
🦩كتابة التنبيهات حقت التطبيقات
🦩كتابة پروفايل شركات
🦩كتابة مقالات ومدونات
🦩كتابة نيوزليترز
💡من الأشياء المهمة عند كتابة المحتوى:
ضروري ضروري ضروري تراجعوا الأخطاء الإملائية والنحوية سواء تكتبوا عربي ولا إنجليزي مررة مهم 📍
ضروري ضروري ضروري تراجعوا الأخطاء الإملائية والنحوية سواء تكتبوا عربي ولا إنجليزي مررة مهم 📍
البريف اللي يرسله العميل (غالبًا ايميل فيه التوجهات وايش يبغو ونبذة عن الشغل اللي يبغاه) اقروه، افهموه، لو عندكم أسئلة عنه أسألوا كز هذا حيكون دليلكم لإنجاز المهمة، لو حسيتوا أي نقطة مهي واضحة اطلبوا توضيح ☝🏻
والشعار الأبدي للبريف
والشعار الأبدي للبريف
لما تكتبوا محتوى لعميل مهم جدًا تفهموا منهم ايش يبغوا بالزبط وايش هدفهم، ممكن تطلبوا منهم نماذج للمحتوى اللي يبغوه وايش عاجبهم بالنماذج عشان تشوفوا التوجه حقهم وتمشوا عليه 🧗🏼♀️
وبهذا نختتم هذا الثريد المبارك 🧘🏻♀️
أتمنى انكم استفدتوا وعجبكم الموضوع، انشروه لأصحابكم المهتمين ونراكم في ثريدز قادمة بإذن الله 🌟
أتمنى انكم استفدتوا وعجبكم الموضوع، انشروه لأصحابكم المهتمين ونراكم في ثريدز قادمة بإذن الله 🌟
جاري تحميل الاقتراحات...