في بداية الأمر توقعت اني لما اقول ابي اصير دكتوره هو كلام بس مثل كثير بالطفوله حلمهم الطب يتغير لما يكبرون ، لكن الأمر غير ذلك تمام الطب شغف حُلم وحب وحياة الطب كل شي بحياتي مستعده أفني عمري وشبابي عشان أصبح دكتوره عظيمه ناجحه لا أريد أن اصبح طبيبه فقط أريد الوصول للقمّه.
#طب
#طب
ازداد حُبي وتعلقي بالطب أكثر وأكثر ، تخرجت من الثانوي بنسبه عالية جداً ، لكني أخفقت بالتحصيلي والقدرات سجلت بالجامعه كان أجمل يوم لأغلب الطلاب ، لكنّه اسوأ يوم مالقيت حلمي بين التخصصات شعور اني ضايعه قلت خلاص بيضيع حلمي وتفكيري بالطب يوميًا بيصير كلّه خيال !
حاولت أني اتاقلم واقنع نفسي وقلت خلاص الطب مو من نصيبي وماعاد بصير دكتوره ابي اصير محاميه! حاولت اسبوع افكر بعد التخرج وانا اداوم بمكان غير المستشفى ماقدرت وهو مجرد تفكير كيف لو أصبح واقع! بديت وقتها اتابع اشخاص نفسي حلمهم الطب ودرسوا تخصصات ثانيه وحطيته تحدي بيني وبين نفسي
اني أحول للطب وأحقق حلمي ، طلع قبول الجامعه وتم قبولي بأكثر تخصص أنا ما أحبه بكيت في ذاك ومافرحت ولا تكلمت عن قبولي عكس الكل مبسوط ، درست اول ترم فالجامعة وكانت من اسوأ ايام حياتي ٤ شهور من التعب النفسي والجسدي انك تدرس شي ماتحبه ماهو بالشيء السهل
قاعدع اشد حيلي وادرس بس مو شايفه نتايج حلوه لأني وقت ما أمسك الورق بذاكر يجي فبالي الطب خلص الترم الأول بخساره ، اعتذرت الترم الثاني وسجلت قدرات وتحصيلي القدرات انلغى بسبب الأزمه والتحصيلي تم أمس، بوثق كلامي هذا وبرجع اقراه وانا لابسه اللابكوت ومتوجهه لكلية الطب قريب جداً 🩺🤍.
أتكلم بثقه ويقين تان بأن الله ماحط حب هالتخصص في نفسي من سنوات إلا وهو قادر أن يبلغنى إياه انا واثقه إني بصير دكتوره واثقه وجداً ،لكل من يشوف كلامي لا تتخلون عن أحلامكم ولا تخلون أحد يحبط من حلمكم أنا سمعت ماراح تقدرين توصلين له الطب صعب الطب طويل بس مو قاعده اسمع منهم لأن كل شخص
تختلف قدراته عن الآخر ، عمومًا لو حد شاف كلامي لاتنسوني من دعائكم أن الله يبلغني الطب ويجي اليوم اللي اقول "قد جعلها ربي حقاً".
@ibayani__ بإذن الله وأنتِ كمان 🤍🤍🤍.
بعد انتظار شهر وشي، ظهرت نتيجة التحصيلي وكل اللي اقولّه الحمدلله من قبل ومن بعد الحمدلله على كل حال ، انا مؤمنه انو اللي يصير لي امتحان من ربي يختبر صبري وايماني بقضائه وانا ياربي قدر رضيت بما كتبته لي ، هذي الفرصه الثالثه وما كانت مثل ما اتمنى لعلّ الفرصه الرابعه تُرضيني 🙏🏼.
@shahad_xx123 بالجامعه بحول للطب
@aam9585 الله يرفع من قدرك 🤍
جاري تحميل الاقتراحات...