أنا ما كنت داير أكتب في الموضوع دا لعدة اعتبارات. . . لكن طالما انو طلع كعنوان رئيس في جرايد بكرة فأسمحوا لي أحكي ليكم قصتنا المبتعثين.
+
+
المبتعثين ديل هم أساتذة جامعيين زيي في جامعات حكومية تبتعثهم الجامعات عن طريق وزارة التعليم العالي للدرجات العليا و تتكفل بيهم بي مصاريف الاعاشة و بتوقع معاهم عقد ابتعاث. . القروش دي بتتأخر مرات شهر مرات شهرين لكن للأمانة في النهاية بتصلك،+
فانت تجازف قروشك تتدين لكن في الاخر بتقدر تسدد. الحصل انو القروش دي انقطعت فترة طويلة خالص خالص، اخر قروش استلمناها كانت السنة الفاتت.
+
+
حاولنا كمبتعثين نتلم (كلنا ما كتار في حدود 700، لاحظ ديل كل مبتعثي حكومة السودان لنيل الماجستير و الدكتوراة) و نظمنا روحنا و بدينا نسك الموضوع دا لحدي ما قعدنا مع الوزارة في قمة هرمها (الوزيرة و الوكيل و اخرون) ووعدونا خيرا في مارس.
+
+
نحنا هسي خاشين في الشهر السابع بدون مصاريف الاعاشة ما تصلنا و للأسف جات الكرونا و الناس بقت محبوسة لا قادرين يرجعوا لا قادرين يقعدوا، أنا كنت مقرر لجنة المبتعثين و للخصوصية ما ح اقدر أتكلم بي أسماء بس ح أوصف وصف عام.
الكلام الفي الجرايد التحت دا قمة الهرم، في ناس فعلا طالبوهم بي اخلاء(أسر بي أطفالهم و بنات في دول غريبة) و بنات حرفيا جدعوهم في الشارع. مع الكرونا دي المحظوظين منهم اضطروا يشتغلوا فراشين و حرس و دليفري و في ناس مشوا يفتشوا للأعانات+
(أنا نفسي ما بتسمح لي أقول يشحدوا لأنو الناس دي ناس عزيزين و في السودان بيقولوا ليهم يا استاذة و يا استاذ في الجامعة) و قصص اخرى محزنة جدا ما بقدر افصل فيها للخصوصية. . . الحالات القلتها دي يا جماعة كانت بتجيني أنا فقط سواء بي صورة شخصية من أصحابها مباشرة أو عن طريق وسيط.
+
+
يا جماعة الغربة دي معروفة حارة و الاستاذ الجامعي لمن يمشي برة بيكون في درجة الطالب يعني مصاريفو و حياتو بتكون اصلا مجازفات و ما عندو سنام. و الدول الغربية بالذات رزق اليوم باليوم بكرة قروشك قطعت الشارع طوالي. العملة حقتنا حالا يغني و أهلك ما بقدروا يرسلوا ليك لو اتقطعوا حق اسبوع
أخيرا داير اطمنكم انو أنا والحمد لله كنت من المحظوظين لأني شغال في مشروع بحثى في الجامعة، لكن أنا عاوز الناس تشارك البوست دا ما عشاني ولا عشان أبشع بالوزارة أو الجامعة، بس عشان أنا شايف انو دا أقل ما يمكن نعملوا ليهم. البلد دا مافي زول بحل ليك مشكلتك كان ما عملتا ازعاج،
فارح نعمل ازعاج ما تنسوا الهاشتاق #مبتعثي_التعليم_العالي
فاصبر لدائك ان أهنت طبيبا .. و اصبر لجهلك لو جفوت معلما
فاصبر لدائك ان أهنت طبيبا .. و اصبر لجهلك لو جفوت معلما
جاري تحميل الاقتراحات...