ثريد حول لجنة التمكين
شغل لجنة إزالة التمكين بالمعنى القانوني ممكن يكون صحيح وممكن يكون خطأ، ممكن يكون معقول وممكن يكون خيال وخديعة، ممكن يكون تشفي او كسب للجماهير وممكن يكون قائم على بينات او استخدام فيهو تعسف و تحيز. دا كلو وارد
شغل لجنة إزالة التمكين بالمعنى القانوني ممكن يكون صحيح وممكن يكون خطأ، ممكن يكون معقول وممكن يكون خيال وخديعة، ممكن يكون تشفي او كسب للجماهير وممكن يكون قائم على بينات او استخدام فيهو تعسف و تحيز. دا كلو وارد
في الإنقاذ صفوة كبيرة استفادت من طبيعة علاقات الإقتصاد وطبيعة علاقتها مع السلطة و النشاط الاقتصادي الكلي في الانقاذ. أحياء كتيرة أراضيها أصبحت ذات قيمة في الانقاذ. كل شرق المطار جنوب بري الى سوبا والجريف. كل كافوري و المهندسين والواحة...الخ و احياء نظيرة في كل مدينة سودانية.
أسر معروفة استفادت من الانقاذ ومن قوانينها وشكلت طبقة. الأسر بعضها قديم في الثراء و بعضها أسر جديدة. علاقات الإنتاج في صالح الطبقة وفي صالح انها تستفيد. في صفوة ريفية استفادت وتمكنت من الريف ودخلت المدينة. كتير عندهم أراضي في الرياض وساكنين الريف أو نشاطهم الاقتصادي هناك.
المغتربين اذا تحصلو على أموال حايخشو في الطبقة دي ونظام الإمتلاك للقيمة في الأراضي وغيرو . هي دورة أموال وعلاقات عمل و زواج وحسب وقروش كتيرة. الحقيقة المهمة هنا انو الطبقة الصفوية دي فيها سودانيين كتار جدا ما كيزان بالعكس فيها رموز كبيرة للمعارضة وفيها ناس في لجنة التمكين نفسها.
زول زي صلاح مناع او من العساكر زي ياسر او لغاية ناس حميدتي . في أبناء الاحياء الراقية دي بتلقى الليبراليين وبعض قادة القحاتة زي ابراهيم الشيخ مثلا تاجر السيخ الثري جدا وهو واسرتو بكل الثراء بتلقاهم في قلب الصوابية السياسية ورمزية النضال. وهم مستفيدين تماما من اقتصاد عهد الانقاذ
المهم حاليا اللجنة دي بتشتغل هنا وتصادر هنا وتتجاهل هنا و تعمل ماشايفا هناك وتصنع القانون وتجي تدعي البطولة دا كلو وفي النهاية قدام عيونا واضح تماما حدود صلاحيات اللجنة والخطوط الحمراء لعمل اللجنة تجاه نخبة مستفيدة حاليا مدنية وعسكرية.
شغل اللجنة دا ما انعكاس لصراع جذري، دا صراع سياسي بين الصفوة وممكن يكون قانوني وممكن تكون الاتهامات دي بعضها ما صحيح ، المؤكد انو دي حفلة مكايدة في نادي الصفوة والشعب بحكم طبيعة العلاقات وطبيعة النشاط الاقتصادي والملكية ما خاشي في الدورة دي ومكتفي بمقاعد المتفرجين على المسرح.
عموما نوع الكلام دا مهم ليه ؟ عشان بيكشف الحقيقة/الفضيحة ، ومهم كمان لأنو بيدي الإنسان مهما كان موقعه، وعي حقيقي بطبيعة الدعاية السياسية الكامنة في خطاب اللجنة.
كلام ينتهي لينا من التقسيمات الوهمية المضللة في السياسة زي لمن تقول العدو هو الكيزان الاسم الماعندو دلالة مادية مباشرة و الشرفاء هم ثوريون فيهم الشعب الغلبان واسامة داؤود واولاده وابراهيم الشيخ وحجار واولاد أسر مايوية أثرياء و أبناء حدثت الثورة وهم في لندن
الموضوع معقد دايما
الموضوع معقد دايما
جاري تحميل الاقتراحات...