خناقه مع مدير الاستقبال وبيهددني بأمن الدوله ، دكتور من المستشفى في عيادته الخاصه باعت لي حاله كورونا تاخد حقنه مضاد حيوي ، المستشفى مش موفرلنا اساسا وسائل الحمايه #مصر
حتى البدله الصفراء بتاعتي انقطعت وطبعا مجبوش غيرها ، البهوات قاعدين في بيوتهم وعايزين يلبسونا وخلاص، المستشفى اساسا تحت الانشاء وكانت محطوط من ضمن المستشفيات للتعامل مع كورونا وتم الغاء القرار لانه اساسا مفيش مستشفى
معنديش اي مشكله اني اتعامل مع حالات كورونا بس المستشفى توفر مكان خاص لكدا وتوفر ادوات حماية للعاملين ، مش إدارة المستشفى تحطنا في وش المدفع وتسيبنا وتنبقى احنا الوحشين عشان مش راضين نتعامل مع حالات #كورونا بدون توفير وسائل الحمايه #مصر #وزارة_الصحة
الدكتور ده برضوا بعت النهارده حالة كورونا تاخد جلسة استنشاق برضوا في المستشفى وعايزهم يجوا كل يوم لحد ما تتحسن، والله الكحول والصابون والكلور يدوب على القد ومش بيكفوا #مصر #وزارة_الصحة
عايز تخدم مرضى #الكورونا وفر مكان ادمي خاص بيهم ، ووفر جميع وسائل الحمايه للاطباء والتمريض واحنا هنشتغل #مصر #وزارة_الصحة
ده الباقي من الكحول ولسه فاضل ٦ ساعات في النبطشيه والكمامات خلصت
هاروح لمدير المستشفى عشان كدا فيه ناس هتتضر ومينفعش نهائي موضوع التهديد دي قله ادب ، والدكتور اللي بعت الحاله ده هو اللي ماسك مكافحة العدوى طب على الاقل يوفر مكان وأدوات وقايه ، ولا لازم تحصل إصابات في الطاقم الطبي عشان يستريحوا #مصر #وزارة_الصحة
فجأة كدا مع نفسهم دكتور مكافحة العدوى اللي بعت الحاله ومدير الاستقبال خلوا المستشفى اتحولت لعزل مع نفسهم ، مع أنها مش من ضمن المستشفيات المخصصة للتعامل مع كورونا اللي عملوه بيضر العاملين بالمستشفى بدر المركزي #مصر #وزارة_الصحة
لن انبطح لهؤلاء الملاعين ، الكمامات في المستشفى جايه تبرعات وعلى قد اللي في النبطشيه والبدل تبرعات وباظت ، المستشفى توفر مكان لتقديم الخدمه لمرضى #كورونا وتوفر واقيات شخصية للعاملين به #مصر #وزارة_الصحة
تم ابلاغ مدير المستشفى وفي انتظار رده ، لو مردش علي النهادره اللي هيكلمني هزعله ، لو فعلا عايزين يخدموا المرضى يوفروا مكان لخدمة مصابي #كورونا وادوات الوقايه غير كدا يبقى تهريج #مصر #وزارة_الصحة
حد معاه رقم دكتوره منى مينا الموضوع كبر وانا وراهم للاخر
على جروب المستشفى دكتور مكافحة العدوى بيتكلم ان كل حاجه متوفره ونائب المدير وبعض العاملين بيطبلوا وراه ، الممرضه المسئوله عن تعقيم البدل قالت للمدير اللي حصل بخصوص البدله بتاعتي ، مدير المستشفى قال بنحاول نوفر مكان عشان خدمه مرضى #كورونا
انا عايز يتم الفصل بين مرضى كورونا الايجابين وبين المرضى الاخرين للحد من انتشار العدوى والمفروض البيه بتاع مكافحة العدوى يكون عارف كدا بس هو بتاع شعارات بس وبعت حاله ايجابيه امبارح الاستقبال وجايه بجيش معاها واغلبهم منزلين الكمامات
وكله عايز يدخل يطمن عليها وبيكون فرح ، بس انا مش بسيب ده يحصل ، واحد بس يدخل مع الحاله ومش بدخل حد تاني وللاسف الناس بتخانق معايا ، ولا اكن فيه وباء في البلد وكمان جايين بحاله ايجابيه
مدير المستشفى تفهم الكلام وخلينا اشوف ايه اللي هيحصل على أرض الواقع وهفضل ثابت على موقف واللي هيجي جنبي ههزقه
انا الوحيد من قوة المستشفى اللي اعترض ، للاسف فيه ناس كتير منبطحة ، البهوات بياخدوا قرارات حتى لو هتضر الطاقم الطبي والمرضى واللي على لسانهم ان كل حاجه متوفره بس الواقع انهم بيحاولوا يوفروا
جاري تحميل الاقتراحات...