خلونا نتكلم شويه على موضوع نااس كتير بتسأل عليه وعاوزه تعرف اهميته وهو موضوع ترسيم الحدود البحريه اللى تم انهارده بين اليونان وايطاليا ولييه الموضوع مهم فعلا وبيبين حاجات كاير من الصراعات اللى تحت الطاوله وهل الاتفاق ف مصلحه تركيا ولا العكس ولييه يعتبر صفعه قويه لتركيا من الحليف
بص يا سيدى اولا لازم تبص ع الخريطه 👆دى شويه كده وبص على الخطوط اللى ف البحر وبعدين تعالى اشرحلك ..الموضوع بدء مع اكتشاف الغاز اللى قدرت هيئة المسح الجيولوجى الامريكيه فى مارس ٢٠١٠ احتياطاته ب١٢٢ تريليون قدم مكعب ووصلت حاليا التقديرات ل٢٢٧ تريليون قدم مكعب او اكثر
فى ٢٠٠٩ اعلنت اسرائيل اكتشاف وهو حقل تمارا ثم حقل لفنثيان ف ٢٠١٠ ثم فى ٢٠١١ واثناء ثورة يناير اعلنت قبرص اكتشاف حقل اروديت الضخم باحتياطات ٢٧ تريليون قدم مكعب وهى الاحتياطات المقدرة بحوالى ٢٧٠ مليار دولار امريكى ..وهنا اشتعل الصراع ف شرق المتوسط
ف البداية تم تشكيل تحالف قبرصى اسرائيلى يونانى لتصدير الغاز الاسرائيلى لاوروبا عبر خط انابيب ثلاثى وايضا للتعاون ف مجال الغاز فى حين كانت مصر وتركيا نايمين ف العسل مصر لانشغالها بالثورة والتغيرات ف القياده وتركيا لبعدها عن المنطقه اولا وللصراعات مع قبرص واليونان
وظهور الغاز خلى موضوع ترسيم الحدود البحريه والمناطق الاقتصادية البحريه مهم كده لاثروات الكامنه ف شرق المتوسط من الغاز وخلى الجميع فجأه بقى مهتم باتفاقيه الامم المتحده لقانون البحار واللى تم اقراره سنة١٩٨٢ وبيتقول الاتفاقية ان كل دوله ليها منطقه اقتصاديه خالصه لمسافه ٢٠٠ ميل بحرى
لكن ودى نقطه مهمه وخد بالك منها ...لو الدولة ليها جزر يبقى المسافة تتحسب من عند الجزيرة مش الساحل للدوله !!! وهنا مربط الفرس واساس الخلاف بين تركيا واليونان اللى بتملك جزر تحاصر بشكل كامل الساحل التركى علاوة على جزيرة كريت التابعه لها اللى ف نص الطريق ف خريطه اردوغان
ولو تم حساب ال٢٠٠ ميل بحرى من اى جزيره يونانيه يبقى تركيا ملهاش اى حدود بحريه ف شرق المتوسط تقريبا وخصوصا ف منطقه الاكتشافات ..اه نسيت اقولكوا ان مصر رسمت حدودها البحريه مع قبرص سنه ٢٠٠٣ وتم تجديدها باتفاقيه جديده سنه ٢٠١٣ وبناء عليها بدأت مصر التنقيب عن الغاز
علاوة على اتفاقيه ترسيم الحدود البحريه بين مصر واسرائيل ٢٠٠٥ قامت قبرص بترسيم الحدود البحريه مع لبنان ٢٠٠٧ وقبرص واسرائيل ٢٠١٠وبالتالى تم تقريبا ترسيم كل الحدود البحريه الا قليل وتقاسم الغاز وباتفاقيه الحدود البحريه اليوم بين اليونان وايطاليا بيتم تقريبا تقفيل شرق المتوسط 😂
الغاز اللى هوه الدافع الاساسى لدخول اردوغان لليبيا للمحاوله للضغط على الدول الموقعه على الاتفاقيات للحدود البحريه باعطائه نصيب من الغاز وخصوصا ان الجزر اليونانيه جعلت تركيا تقريبا بدون عمق اقتصادى ف المتوسط حسب اتفاقيه البحار ..وهى التى يحاول اردوغان بكل قوة ايقاطها بالبلطجه
مصر حتى الان لم ترسم الحدود البحرية مع اليونان وهى الكارت الذى مازالت تملكه القاهره لان توقيع القاهره مع اليونان معناه اعتراف مصر بحدود اليونان ومعناه خنق كامل لتركيا وانهاء اى امل لها ف حصه فى غاز شرق المتوسط ..لان بالتوقيع ستبدء مصر واليونان بالتقاسم والدفاع عن حدودهما البحريه
وببساطه اردوغان بمغامرته ف ليبيا يبحث فقط عن الغاز والبترول بالضغط على مصر ولكن العكس هو ما حصل لن تفلح مغامرته لان اليونان وايطاليا حليف تركيا ف ليبيا بقطع الطريق بالتوقيع معا وهو معناه اعتراف ايطاليا بحدود اليونان البحريه والدور القادم الان على القاهره ...الموضوع ليس شرعيه
كما يدعى اردوغان بقدر ماهو مصالح والقاهره مره اخرى تمسك بالاوراق الاخيره مع اردوغان ..حتى الان لم تدخل مصر ليبيا عسكريا لانها تعلم وتقرأ اللعبه جيدا ..وفى حاله الدخول اعتقد انه سيكون ف الشرق لافساح للمجال للجيش الليبى ليذهب غربا بكل قوة وبظهر مؤمن مع دعم جوى قوى
اه نسيت اقولكوا ان مصر اسست مع الاردن واليونان وقبرص وايطاليا وفلسطين واسرائيل منتدى غاز البحر المتوسط وهو اللاعب الاكبر ف سوق الغاز حاليا مع روسيا وقطر من حيث الانتاج والتصدير ...حاليا التوقيع اليونانى الايطالى المسمار القبل الاخير فى طوحات اردوغان للفوز باى نصيب من الغاز
وطبعا المسمار الاخير تعلمون فى يد مين 😂🇪🇬 لذا مغامره اردوغان شارفت على الانتهاء لو تدخلت مصر عسكريا ..او حتى تم قبول اعلان القاهره لان فى كلتا الحالتين تركيا ستكون بره ليبيا وايضا انهاء كرت الميليشيات تماما وسيطرة الجيش الليبى على كامل التراب الوطنى بما فيه العاصمه طرابلس
وهذه هى المشكله والحكايه كلها ...دى الورطه اللى فيها الميليشيات واردوغان ..لانه لازم يسيطر على الحقول النفطيه للمساومه وايضا تحقيق اى مكسب اقتصادى لنفسه قبل ان يتم اجبار السراج للجلوس للتفاوض ..كل المناطق التى انسحب منها الجيش الليبى برغم انها غاليه علينا لكن انسحب لتامين النفط
لان الجيش علم هدف اردوغان الاساسي وهو النفط والغاز .. اردوغان لا يهمه احد لا غرب ولا شرق هو قدم من اجل النفط وخصوصا انه فى سوريا اخد صابونه كبيره وخرج بخفى حنين والان سيخرج ايضا من ليبيا خالى الوفاض الهلال النفطى هدفه من البدايه وهو ما لن يحدث طالما مصر والجيش الليبى معا
جاري تحميل الاقتراحات...