في ناس كتيرين شديد فاهمين ايات غلط و بيستخدموها في اماكن ما ليها علاقة بالموضوع او معظم الناس بفسروا بعض الايات غلط مثلا
1 /في سورة النور في اية بتقول(الخبيثات للخبيثين ....الطيبات للطيبين)
الايه دي نزلت في حادثة الافك و معناها الكلمات

الخبيثه و القذف بيجي من الخبيثين و الخبيثين بس هم البيعملو كدا .. و الكلمات الطيبة و الدفاع الجا عن السيدة عائشة من الصحابة و الصحابيات الهم طيبين
ما معناها انو الزول الكويس لازم يعرس زول كويس و العكس .. مثلا سيدنا لوط كان نبي و مرتو كانت كافرة و سيئة و فرعون كان

من قادة الكفار و مرتو اسيا كانت مؤمنه جدا ... و في حياتنا بنشوف ناس كويسين بعرسو نا كعبين و هكذا
2/ في اية بتقول (انك لا تهدي من احببت ولكن الله يهدي من يشاء) يشاء دي راجعة للعبد العاوز الهداية و فعلا عاوز دين الحق فربنا ح يهديهو للاسلام

في كتير من الناس البيتدعوا تناقض الدين و بقولوا في النهاية الله في ناس ما عاوزهم يبقوا مسلمين و ح يعذبهم و هم مساكين لانو ربنا اصلا ما شاء ليهم الهداية لانو قال لكن الله يهدي من يشاء علی اساس انو كلمة يشاء دي راجعه لربنا
💛